प्रेरितुल्‍कुना कबाह्‍क 18:3 - पवित्र पोल्‍ले

³ पौलुसुनद आनि अकविलानद इव्वुरद इंका डेरां निलाहना दंदे मत्‍ता. अदुनहाटीं पौलुस ओरगा वासि आगतोर. ओर अंटोर कलियसि कबळ कियालय दल्‍गुतुर.

प्रेरितुल्‍कुना कबाह्‍क 18:3 Iomraidhean Croise

1 कुरेंति 4:12

मावद मोमोटे कबळ कीसेक मंतोम. माकुन तेराहनोर्कुन, आसिर्वाद हींतोम. ओर माकुन तकलिप कींतुर, गानि मोमोट सहन कींतोम.

1 कुरेंति 9:14

अल्‍हेने किरिस्‍तुना बेसता कबुर वेहानोर्कुंक, बोर अय्ते अद कबुर केंजसि विस्वास कींतुर, ओरा हेंदाले पिस्वर दोर्कागोम इंचि सामि हुकुम हीतोर.

1 कुरेंति 9:15

गानि बोरन्‍ना नावा पेद्‍दिरकेम एर्तम कियानादानकन्‍ना नाक हायमळे बेस अनपिच्‍चंता. अदुनहाटीं नना बोनाहेंदाले पिस्वरता पाय्दा एता हिल्‍लेन, मिमेट नावाहाटीं इल्‍हा कीम्‍टु इंचिगुडा रासेक हिल्‍लेन.

1 कुरेंति 9:18

अय्ते नावा इनाम बतल? नना बेसता कबुर वेहनेंके नाक दोर्कना अदिकारम एताका बेसता कबुर पुक्‍कटते वेहमळ, इदे नावा इनाम आंद.

2 कुरेंति 11:7

मीक पेनदा बेसता कबुर पुक्‍कटते वेहतन, मीक पेद्‍दातनम वायागोम इंचि, नावद नना सिन्‍नातनम कीकुत्‍तन, इद बतल पापम कीताना?

2 कुरेंति 11:9

नना मिहगा मत्‍तस्के, नावा अव्‍सराल्‍कुन पूरा कियालय बोनपोर्रो बर्वु आसि मना हिल्‍लेन. मेसिडोनिया एरियाताल वाता विस्वासि दादालोर नावा अव्‍सराल्‍कुन पूरा कीतुर. इदवेरादाका नना बदे पोल्‍लेते मीपोर्रो बर्वु आया हिल्‍लेन, इंका मुन्‍नेगुडा आयोन.

2 कुरेंति 12:13

वेरे कलिसियांकन्‍ना मिमेट बद पोल्‍लेते तक्‍को मत्‍तिट? सिराप इदे गदा, नना मीपोर्रो बर्वु आसि मना हिल्‍लेन, इदे नावा तप्‍पु, नावा तप्‍पुन मापि कीम्‍टु.

1 तेसलोनि 2:9

विस्वासुल्‍कुनिटा! मावा कस्‍टम, तकलिप मीक मते मंदार. मोमोट मीक बोनके बर्वु आयामन्‍नि इंचि नर्का-पिय्यल कबळ कीतोम. अल्हा कीसेके पेनदा बेसता कबुर मीक वेहचि मत्‍तोम.

1 तेसलोनि 4:11

मोमोट मीक आदेस हीताप, सांतिते पिस्सना, बोना कबाह्‍क ओरे कियाना, बोना कयकुने ओरे कबळ कियाना कोसिस कीम्‍टु.