प्रेरितुल्‍कुना कबाह्‍क 17:2 - पवित्र पोल्‍ले

² पौलुस ओना अलवट परकारम यहुदिल्कुना दर्मसास्‍त्रम कराहना लोतागा होत्‍तोर. होंचि मूड नोमकेमकुन दाका ओरतोनि दर्मसास्‍त्रमता बारेमते चर्चा कीतोर.

प्रेरितुल्‍कुना कबाह्‍क 17:2 Iomraidhean Croise

मत्‍तयाल 26:24

दर्मसास्‍त्रमते रासि मत्‍ताप, मनकना रूपमते पुटतोन नना अय्ते दांतने. गानि बोनाहेंदाल अय्ते नाकुन पीसि हियमळ जर्गंता, आ मनकल पुट्‍टाकोंटेन बेस आसि मनवळ,” इत्‍तोर.

लूकाल 4:16

पजा येसु सिन्‍नास्केटाल बेर्सता नार नासरेतते होत्‍तोर. वारमता नोमकेम रोजुने ओना अलवट परकारम दर्मसास्‍त्रम कराहना लोते होंचि, दर्मसास्‍त्रम हदवालय निततोर.

योहान 18:20

अस्‍के येसु, “नना अंटोरा मुन्‍ने कुल्‍ला-कुल्‍ला वळ्‍कतन, यहुदिल्क अंटोर जमा आयना दर्मसास्‍त्रम कराहना लोह्कुने, गुळिने नना बस्‍केळ्‍क कराहतन. नना मक्‍किचि बतले वळ्का हिल्‍लेन.

प्रेरितुल्‍कुना कबाह्‍क 13:14

हेके पौलुस आनि बरनाबास पिरगा सहरताल तिरियसेके पिसिदिया एरियाते मनना अंताकिया सहरते एवतुर. नोमकेम रोजुने यहुदिल्कुना दर्मसास्‍त्रम कराहना लोते होंचि उदतुर.

प्रेरितुल्‍कुना कबाह्‍क 13:5

पजा अदे दीबेते मनना सलमीस इनना सहरते एवतारित्‍ते, यहुदिल्कुना दर्मसास्‍त्रम कराहना लोहकुने होंचि पेनदा पोल्‍लें वेहालय दल्‍गतुर. योहान (ईन मरकुसगुडा इनुंदुर) ओर्कु सहायम कियालय ओरतोनि मत्‍तोर.

प्रेरितुल्‍कुना कबाह्‍क 14:1

इल्‍हा पौलुस आनि बरनाबास इकोनिया सहरते यहुदिल्कुना दर्मसास्‍त्रम कराहना लोते होत्‍तुर. अगा पेनदा पोल्‍लें बेस वेहतुर. अदुनहाटीं यहुदिल्क आनि युनानि जातितोर वेल्‍लेटुर लोकुल्‍क येसुनपोर्रो विस्वासम कीतुर.

प्रेरितुल्‍कुना कबाह्‍क 17:10

पजा बिराना नर्काटद-नर्केन दादालोर पौलुस, सिलासुन बिरिया इनना सहर लोहचीतुर. ओर अगा एवतारित्‍ते यहुदिल्कुना दर्मसास्‍त्रम कराहना लोते होत्‍तुर.

प्रेरितुल्‍कुना कबाह्‍क 17:17

दानहाटीं ओर रोज-रोज दर्मसास्‍त्रम कराहना लोह्कुने होंचि यहुदिल्कुनतोनि आनि पेनदुक वेरियना वेरे जाति लोकुल्‍कुनतोनि चर्चां कियुंदुर. अचोने आयका चौकुल्कुने होंचि बोर दोर्कुते ओरतोने चर्चा कियुंदुर.

प्रेरितुल्‍कुना कबाह्‍क 18:4

ओर हरेक नोमकेम रोजुननाड यहुदिल्कुना दर्मसास्‍त्रम कराहना लोहकुने होंचि युनानि, यहुदि लोकुल्‍कुनतोनि चर्चा कीसि ओर्कु बेस तेळियागोट्‍सि वेहुंदुर.

प्रेरितुल्‍कुना कबाह्‍क 19:8

आयंका पौलुस मूड नेल्कुनदाका यहुदिल्कुना दर्मसास्‍त्रम कराहना लोते होनुंदुर. वेरियाकोंटा ओरतोनि चर्चा कीसि पेनदा राज्येमता बारेमते ओर्कु तेळियागोट्‍सि वेहुंदुर.

प्रेरितुल्‍कुना कबाह्‍क 24:25

गानि बस्के अय्ते, सत्‍तेमते बल्हा ताकाना, बल्हा ओप्‍केते मनना, पेन दुनियातोरा न्‍यायम आकिरते बल्हा किय्‍यार इव पोल्‍लेना बारेमते पौलुस पिलिक्‍सुनतोनि चर्चा कीतोर, अस्‍के पिलिक्‍स वेरियसि, “इंदके निमे होन, वेला दोर्कतस्के नना नीकुन मर्रा केयंतन,” इंचि पौलुसुन इत्‍तोर.

प्रेरितुल्‍कुना कबाह्‍क 28:23

अस्‍के ओनतोनि कलियालय उंदि रोजु पक्‍का कीतुर. पक्‍का कीता रोजुने ओर आगसि मत्‍ता लोतगा यहुदिल्कु वेल्‍लेटुर जमा आतुर. पौलुस हक्‍केटाल अय्ते पोळ्‍द होननदाका पेनदा राज्येम बारेमते ओर्कु गवाइ वेहतोर. अल्‍हेने मूसाना नियमताल आनि पेनदा कबुरतोर रासता पुस्तकाल्कुनाल येसुना बारेमते ओर्कु तेळियागोट्‍सि वेहतोर.

प्रेरितुल्‍कुना कबाह्‍क 8:35

अस्‍के पिलिपुस, आ मनकल हदवुसेके मत्‍ता वचनाल्कुनाल मोदोल पीसि, येसुना बेसता कबुरदाका अन्‍नि ओन्क वेहतोर.

प्रेरितुल्‍कुना कबाह्‍क 9:20

पजा ओर आल्सेम कियाकोंटा, “येसे पेनदा मर्रि,” इंचेके यहुदि लोकुल्‍कुना दर्मसास्‍त्रम कराहना लोह्कुने होंचि येसुना बारेमते वेहालय सुरुव कीतोर.

1 कुरेंति 15:3

अदुनहाटीं अन्‍निंकन्‍ना मुन्‍ने नहगा एवता पोल्‍लेतुने मिहगा एविस्तन. अद बतल इत्‍ते, दर्मसास्‍त्रमता पोल्‍ले मत्‍ताप, किरिस्‍तु मना पापाल्कुनाहाटीं हातोर,