प्रेरितुल्‍कुना कबाह्‍क 17:1 - पवित्र पोल्‍ले

¹ पजा ओर अंपिपुलि आनि अपुलोनिया सहरकंता तिरियसेके-तिरियसेके तेसलोनि सहरते एवतुर. अगा यहुदिल्कनद उंदि दर्मसास्‍त्रम कराहना लोन मत्‍ता.

प्रेरितुल्‍कुना कबाह्‍क 17:1 Iomraidhean Croise

प्रेरितुल्‍कुना कबाह्‍क 14:1

इल्‍हा पौलुस आनि बरनाबास इकोनिया सहरते यहुदिल्कुना दर्मसास्‍त्रम कराहना लोते होत्‍तुर. अगा पेनदा पोल्‍लें बेस वेहतुर. अदुनहाटीं यहुदिल्क आनि युनानि जातितोर वेल्‍लेटुर लोकुल्‍क येसुनपोर्रो विस्वासम कीतुर.

प्रेरितुल्‍कुना कबाह्‍क 15:21

बारित्‍ते ओर एनकाटाल मूसाल वेहता नियमतुन, अन्‍नि सहरकुने वेहासेक अल्हेन हरेक नोमकेम रोजुननाड दर्मसास्‍त्रम कराहना लोते हद्‍विसि वेहासेक मंतुर, इत्‍तोर.

प्रेरितुल्‍कुना कबाह्‍क 16:13

उंदि नोमकेम रोजुने, यहुदिल्कुना पारतना कियाना जेगा, सहरता पलाते बेरेड ओड्‍डुंक मंदार इंचेके मोमोट होत्‍तोम. अगा पारतनाकु वासि मत्‍ता मुर्ताह्कुनतोनि उद्‍दिस वळकसेके मत्‍तोम.

प्रेरितुल्‍कुना कबाह्‍क 17:10

पजा बिराना नर्काटद-नर्केन दादालोर पौलुस, सिलासुन बिरिया इनना सहर लोहचीतुर. ओर अगा एवतारित्‍ते यहुदिल्कुना दर्मसास्‍त्रम कराहना लोते होत्‍तुर.

प्रेरितुल्‍कुना कबाह्‍क 17:11

तेसलोनि सहरता यहुदिल्कुंकन्‍ना इगेटा यहुदिल्क बच्‍चोरो बेस मत्‍तुर. ईर पौलुस वेहना पोल्‍लेन बेस मनसु ताससि केंजुंदुर. हरेक रोजु दर्मसास्‍त्रमतुन हद्‍विसि पौलुस वेहना पोल्‍लें निजमेना इंचि बेस अर्तम कीकुनुंदुर.

प्रेरितुल्‍कुना कबाह्‍क 17:13

गानि बस्के अय्ते पौलुस, पेनदा पोल्‍लें बिरिया सहरतेगुडा होंचि कराहचंतोर इंचि तेसलोनि सहरता यहुदिल्कुंक तेळियतनो, अस्‍के ओर अगा वासि लोल्‍लिं कियमळ, लोकुल्‍कुंक एकरेवुल्क वेहमळ सुरुव कीतुर.

प्रेरितुल्‍कुना कबाह्‍क 20:4

बिरिया सहरता पिरूस इनानोना मर्रि सोपत्रु, तेसलोनि सहरता अरिसतरकुस आनि सेकुंदल, दिरबे सहरताल गयुसु, आसिया एरियाताल तुकिकुस आनि तोरोपिमुस, इंका तिमोति. ईर अंटोर आसिया एरिया एवनाल पौलुसुनतोनि मत्‍तुर.

प्रेरितुल्‍कुना कबाह्‍क 27:2

अद्रमुतियुम सहरता डोंगाते मोमोट उदतोम, अद डोंगा आसिया एरियाता ओड्‍डु पीसि मत्‍ता नाहकुनाल पेय्सता. मेसिडोनिया एरियाता तेसलोनि सहरतोर अरिसतरकुसगुडा मावातोनि मत्‍तोर.

पिलिपिया 4:16

इल्हेने नना बस्के अय्ते तेसलोनि सहरते मत्‍तन, अस्केगुडा अव्‍सरम मत्‍तस्के नाक मिमेट वेल्‍लेन मल्कां सहायम कीतिर.

1 तेसलोनि 1:1

नना पौलुस, सिल्‍वानुस आनि तिमोति मोमोट इद सिट्‍टि मीक तेसलोनि सहरते मंदना कलिसियातोराहाटीं रासेके मंतोम. मिमेट पेनबाबाल आनि सामि येसु किरिस्‍तुनतोनि कलियसि मंतिट इंचि मीक पेनदाहेंदाल कुर्पा, सांति दोर्किकांटी.

1 तेसलोनि 2:2

गानि दीनकन्‍ना मुन्‍ने पिलिपिया सहरते माकुन बदनाम कीसि वेल्‍लेन दुक्‍कम हीतुर. लोकुल्‍क माकुन बागाने विरोद कीतुर. विरोद किय्यिनागानि पेनदा बेसता कबुर मीक वेहालय पेन दैरनेम हीता, इदगुडा मीकु एरपाटे मंता.

2 तेसलोनि 1:1

नना पौलुस, सिल्‍वानुस आनि तिमोति मोमोट इद सिट्‍टि मीकु तेसलोनि सहरते मंदना कलिसियातोर्कुंक रासेक मंतोम. मना पेनबाबाल आनि सामि येसु किरिस्‍तुनाहेंदाल कुर्पा, सांति दोर्किकांटी.

2 तिमोति 4:10

बारित्‍ते देमासु इनानोर ई दुनियाता पावरमते नाकुन होळसि तेसलोनि सहर होत्‍तोर. क्रेसेंस इनानोर गलातिया एरियाते होत्‍तोर आनि तीतु इनानोर दलमतिया राज्येमते होत्‍तोर.