प्रेरितुल्‍कुना कबाह्‍क 16:9 - पवित्र पोल्‍ले

⁹ अदे नर्का मेसिडोनिया एरियातोर वरोर मनकल, निमे मेसिडोनियाते वासि, मावा सहायम कीम, इंचेक विनंति कीसेके मंतोर. इल्‍हा पौलुस दर्सनमते हूळतोर.

प्रेरितुल्‍कुना कबाह्‍क 16:9 Iomraidhean Croise

प्रेरितुल्‍कुना कबाह्‍क 10:3

ओर उंदि रोज पियल मूड एगना पारतना कियनेंके दर्सनमते उंदि पेनदा दूता ओनगा निजम वासि, “कुरनेलियुस!” इंचि ओन केयताप हूळतोर.

प्रेरितुल्‍कुना कबाह्‍क 10:30

ओर अल्हा पूसकीताहाटीं कुरनेलियुस, “मूड रोजकु मुन्‍ने इदे वेलाकु पियल मूड एगानेंके नना नावा लोनु पारतना कीसेके मत्‍तन, अस्‍के उंदेदम तलातला मेर्सना कपडिने वरोर मनकल नावा मुन्‍ने वासि निततोर.

प्रेरितुल्‍कुना कबाह्‍क 16:10

ओन्क इल्‍हा दर्सनम आतारित्‍ते, आ लोकुल्‍कुंक पेनदा बेसता पोल्‍लें वेहालय पेन माकुन केयता इल्‍हा इनकुंचि मोमोट अस्‍केन मेसिडोनिया होनानद विचारम पक्‍का कीतोम.

प्रेरितुल्‍कुना कबाह्‍क 16:12

पजा अगटाल पिलिपिया इनना सहर होत्‍तोम. अद मेसिडोनिया एरियाता मुक्‍य सहर आंदु. अगा रोमि लोकुल्‍क मनुंदुर. अद सहरते मोमोट कोन्‍नि रोजकु मत्‍तोम.

प्रेरितुल्‍कुना कबाह्‍क 18:5

सिलास आनि तिमोति मेसिडोनिया एरियाताल वातस्के, पौलुस ओना पूरा वेला पेनदा पोल्‍लें कराहमळतेन तासुंदुर. इंका यहुदिल्कुनतोनि वळकिसि, येसे किरिस्‍तु आंदुर, इंचि वेहचि गवाइ हियुंदुर.

प्रेरितुल्‍कुना कबाह्‍क 19:21

इदंता जर्गुता पज्जो, पौलुस मेसिडोनिया, अकाया इनना एरियानाल येरुसलेम होनना पिलान पवित्र आत्माता सहायमतोनि कीतोर. अगा होत्‍ता पज्जो, बल्हा कीसि अयना रोम सहरतुन हूळापींता, इंचि इत्‍तोर.

प्रेरितुल्‍कुना कबाह्‍क 19:22

दानहाटीं ओर तिमोति आनि इरास्‍तुस पोरोलता इव्वुर सेवाकुल्कुन मेसिडोनिया एरियाते लोहचीतोर. ओर कुद बारे इंका इच्‍चुं रोजकु आसिया एरियातेन आगतोर.

प्रेरितुल्‍कुना कबाह्‍क 19:29

अदुनहाटीं सहरते लोल्‍लि आता. पजा लोकुल्‍क मेसिडोनिया एरियाताल वाता गयुस आनि अरिसतरकुस पोरोलतोर इव्वुर्कुन दोर्का पीतुर. ईर इव्वुरगुडा पौलुसुनतोनि कलियसि पय्‍नेम कियुंदुर. अय्ते लोकुल्‍क अंटोर उंदि आसि ओर्कुन पीसि नाटकम बंगलातगा जोरसे इग्गिसेक पीसि विततुर.

प्रेरितुल्‍कुना कबाह्‍क 20:1

लोल्‍लिंअंता मगता पज्जो पौलुस सिस्युल्कुन केय्‍सि, ओर्क बेस प्रोत्‍साहन हीसि ओर्कुन होळसि मेसिडोनिया एरियाक होत्‍तोर.

प्रेरितुल्‍कुना कबाह्‍क 20:3

अगा पौलुस मूड नेल्क मत्‍तोर. अगटाल डोंगाते उद्‍दिस सिरिया एरियाते होनना विचारम कीतोर, गानि अच्‍चोटेन यहुदि लोकुल्‍क ओन हव्काना पिलान कीसंतुर इंचि तेळियतस्के ओर मर्रा मेसिडोनिया एरियाक मल्सि होनना निरनायम कीतोर.

प्रेरितुल्‍कुना कबाह्‍क 27:2

अद्रमुतियुम सहरता डोंगाते मोमोट उदतोम, अद डोंगा आसिया एरियाता ओड्‍डु पीसि मत्‍ता नाहकुनाल पेय्सता. मेसिडोनिया एरियाता तेसलोनि सहरतोर अरिसतरकुसगुडा मावातोनि मत्‍तोर.

प्रेरितुल्‍कुना कबाह्‍क 9:38

लुद्‍दा नार यापा सहरकु दग्गेरेन मत्‍ता. अय्ते पत्रु अगा मंतोर इत्‍ता संगति सिस्युल्कुंक तेळियतस्के इव्वुर मनकालोर्कुन ओनगा लोहचि, आलसेम कियाकोंटा ओरहेके वायालय विनंति कीतुर.

रोम सहरतोरहाटीं पौलुसना सिट्‍टि 15:26

बारित्‍ते मेसिडोनिया, अकाया एरियातोर विस्वासुल्‍क संदा वाटसि, येरुसलेम सहरते मत्‍ता पेनदा लोकुल्‍कुनाल बोर अय्ते गरिब मंतुरो ओर्क सहायम कियना इंचि विचारम कीसि नाक हीतुर.

2 कुरेंति 11:9

नना मिहगा मत्‍तस्के, नावा अव्‍सराल्‍कुन पूरा कियालय बोनपोर्रो बर्वु आसि मना हिल्‍लेन. मेसिडोनिया एरियाताल वाता विस्वासि दादालोर नावा अव्‍सराल्‍कुन पूरा कीतुर. इदवेरादाका नना बदे पोल्‍लेते मीपोर्रो बर्वु आया हिल्‍लेन, इंका मुन्‍नेगुडा आयोन.

2 कुरेंति 12:7

नाक हुपिस्‍ता मर्ममता पोल्‍लें वेल्‍लेने मत्‍ताहाटीं नावा लोप्पो पेद्‍दिरकेम वायामन्‍नि इंचि पेन नावा मेंदुलते उंदि हापु इरता. अद नाकुन दबांचि इर्रालय देय्यमता दूतालेसीं कोह्‍कसेके मनंता.

2 कुरेंति 7:5

मोमोट मेसिडोनिया एरियाते वातस्‍केगुडा मावा मेंदुल्‍कु सुकम दोर्काहिल्‍ले, गानि नालुं मूलानाल तकलिपके-तकलिपकु मनुंदु, पलाताल जगडाल्‍क आनि लोप्पोटाल वेर्रेते निंडिसि मत्‍तोम.

2 कुरेंति 8:1

विस्वासुल्‍कुनिटा! मेसिडोनिया एरियाता कलिसियातोर्कुंक पेन कीता कुर्पाता बारेमते मीक वेहसेक मंतोम.

2 कुरेंति 9:2

बारित्‍ते सहाय्यम कियालय मिमेट बस्‍केळ्‍क तयार मनंतिर नाक एरपाटे मंता. नना मीवा बारेमते, अकाया एरियाता लोकुल्‍क उंदि वर्साताल चंदा हियालय तयार मंतुर इंचि मेसिडोनियाता लोकुल्‍कुंक पेद्‍दिरकेमते वेहुंदुन. इद केंजसि वेल्‍लेटुर लोकुल्‍क चंदा हियालय तयार आतुर.

1 तेसलोनि 4:10

मिमेट मेसिडोनिया राज्येमते मनना अंटोर विस्‍वासुल्‍कुन पावरम कीसेके मंतिट. गानि विस्वासुल्‍कुनिटा! मिमेट इंका एक्‍को पावरम कीम्‍टु इंचि मोमोट विनंति कीसेके मंतोम.