प्रेरितुल्‍कुना कबाह्‍क 16:1 - पवित्र पोल्‍ले

¹ पजा पौलुस मर्रा दिरबे इनना सहर होंचि अगटाल लिसरा इनना सहर होत्‍तोर. हूळा! अगा तिमोति पोरोलतोर वरोर सिस्युड मत्‍तोर. ओना तल्‍लुर यहुदि जातिता उंदि विस्वासि मुरतळ आंद. गानि ओना बाबाल वेरे जातितोर (युनानि जातितोर) मत्‍तोर.

प्रेरितुल्‍कुना कबाह्‍क 16:1 Iomraidhean Croise

प्रेरितुल्‍कुना कबाह्‍क 14:1

इल्‍हा पौलुस आनि बरनाबास इकोनिया सहरते यहुदिल्कुना दर्मसास्‍त्रम कराहना लोते होत्‍तुर. अगा पेनदा पोल्‍लें बेस वेहतुर. अदुनहाटीं यहुदिल्क आनि युनानि जातितोर वेल्‍लेटुर लोकुल्‍क येसुनपोर्रो विस्वासम कीतुर.

प्रेरितुल्‍कुना कबाह्‍क 14:21

पजा पौलुस आनि बरनाबास दिरबे सहरता लोकुल्‍कुंक पेनदा बेसता कबुर वेहचि, वेल्‍लेटोर्कुन सिस्युल्कु कीतुर. पजा लिसरा, इकोनिया, पीसिदियाता अंताकिया सहरते मल्सि होत्‍तुर.

प्रेरितुल्‍कुना कबाह्‍क 14:6

इद पोल्‍ले पौलुसुंक आनि बरनाबासुंक एर्का आता. अदुनहाटीं ओर लुकावनिया जिल्‍लाते विततुर. अद जिल्‍लाता लिसरा, दिरबे सहरते आनि दग्‍गेटा नाहकुने होंचि पेनदा बेसता कबुर वेहुंदुर.

प्रेरितुल्‍कुना कबाह्‍क 17:14

अदुनहाटीं दादालोर पौलुसुन बिराना समुद्रम ओड्‍डुनहेके लोहचीतुर. गानि सिलास, तिमोति मात्रम अग्गेन आगतुर.

प्रेरितुल्‍कुना कबाह्‍क 18:5

सिलास आनि तिमोति मेसिडोनिया एरियाताल वातस्के, पौलुस ओना पूरा वेला पेनदा पोल्‍लें कराहमळतेन तासुंदुर. इंका यहुदिल्कुनतोनि वळकिसि, येसे किरिस्‍तु आंदुर, इंचि वेहचि गवाइ हियुंदुर.

प्रेरितुल्‍कुना कबाह्‍क 19:22

दानहाटीं ओर तिमोति आनि इरास्‍तुस पोरोलता इव्वुर सेवाकुल्कुन मेसिडोनिया एरियाते लोहचीतोर. ओर कुद बारे इंका इच्‍चुं रोजकु आसिया एरियातेन आगतोर.

रोम सहरतोरहाटीं पौलुसना सिट्‍टि 16:21

नावातोनि कलियसि किरिस्‍तुना सेवा कियानोर तिमोतिनाहेंदाल मीकु जोहार. नावा जीवातोर लुकियुस, यासोन आनि सोसिपत्रु ईराहेंदाल मीकु जोहार.

1 कुरेंति 16:10

तिमोति मिहगा वातस्के ओर मीवा नड्‍डुम दैरनेमते मननाल हुळट. ओरगुडा नावालेसीं सामिना सेवा कीसेक मंतोर.

1 कुरेंति 4:17

इदे पोल्‍ले वेहनाहाटीं नना पावरम कियानोर आनि सामिना लोप्पो नावा विस्वासमगल्‍ला मर्रिनसंटोर तिमोतिन मिहगा लोहतन. नना किरिस्‍तु येसुना बक्‍तिते बल्हा ताकसेक मंतानो, अल्‍हेने अन्‍नि जेगाना कलिसियाने नना कराहना बोदाता बारेमते ओर मीक मति कीसि हींतोर.

1 कुरेंति 7:14

बारित्‍ते अविस्वासि मुय्दो, विस्वासम कीता ओना मुत्‍तोनतोनि मंचि पवित्र आतोर. अल्‍हेने विस्वासम कियवा मुत्‍तो, विस्वासम कीता दाना मुय्दोनतोनि मंचि पवित्र आसि दांता. अल्हा आयाकुंटा मंचि मते मीवा पिलाल्क पवित्र आयाकोन्‍नेर, गानि ओर इंदके पवित्र मंतुर.

2 कुरेंति 1:1

पेनदा इच्‍चाताहेंदाल किरिस्‍तु येसुना प्रेरित आतोन नना पौलुसुन आनि मना तम्मुर तिमोति ओक्‍कला कुरेंति सहरते मंदना कलिसियातोर्क अल्‍हेने अकाया एरियाता अंटोर पवित्र लोकुल्‍कुंक सिट्‍टि रासेक मंतोम.

2 कुरेंति 1:19

बारित्‍ते, नना, सिल्‍वानुस आनि तिमोति मोमोट मीवा नड्‍डुम पेनदा मर्रि येसु किरिस्‍तु आंदुर इंचि वेहतोम. येसु किरिस्‍तु “हो, हिल्‍ले” इल्‍हा रोंडु पोल्‍लें वळ्‍कोर गानि ओर बस्‍केळ्‍क “हो” इंचे इंतोर.

पिलिपिया 1:1

पिलिपिया सहरते येसु किरिस्‍तुना लोप्पो मनना पेनदा अंटोर पवित्र लोकुल्‍कुंक, पेद्‍दाल्कुंक आनि अदिकारिल्कुनाहाटीं नना पौलुस, नावा दंटातोर तिमोति, मोमोट येसु किरिस्‍तुना सेवाकुल्‍कुम इद सिट्‍टि रासेक मंतोम.

पिलिपिया 2:19

तिमोतिन मिहगा बिरानेन लोहकन इंचि नना सामि येसुनाहेंदाल आसे पळसंतन. ओर मीवा बारेमता कबुर नाकु वासि वेहनुर, अस्‍के नाकु इरगा कुसि आयार.

कुलुसि 1:1

पेनदा इच्‍चाताल किरिस्‍तु येसुना प्रेरित आतोन नना पौलुसुन आनि तम्मुर तिमोतिनाहेंदाल, कुलुसि सहरते मंदना पवित्र अल्हेन किरिस्‍तुनलोप्‍पो विस्वासमलायक कलिसियाता लोकुल्‍कुंक इद सिट्‍टि रासेक मंतन. मना पेनबाबानाहेंदाल मीक कुर्पा, सांति दोर्किकांटी.

1 तेसलोनि 1:1

नना पौलुस, सिल्‍वानुस आनि तिमोति मोमोट इद सिट्‍टि मीक तेसलोनि सहरते मंदना कलिसियातोराहाटीं रासेके मंतोम. मिमेट पेनबाबाल आनि सामि येसु किरिस्‍तुनतोनि कलियसि मंतिट इंचि मीक पेनदाहेंदाल कुर्पा, सांति दोर्किकांटी.

1 तेसलोनि 3:2

किरिस्‍तुना बेसता कबुरतुन मावातोनि कलियसि वेहानोर पेनदा दासुड तिमोति तम्मुन मिहगा लोहतोम. मीक बसोंटा तकलिप वायिनागानि पजोळ्क-मुन्‍नेळ्‍क आयाकोंटा विस्वासमते गट्‍टिगा मंदना इंचि ओर मीकु समजांचि वेहंतोर. बारित्‍ते इसोंटा तकलिपकु बोगांचालये पेन मनाकुन निलाहता इंचि मीक एरपाटे.

1 तेसलोनि 3:6

गानि तिमोति इंदके मिहागटाल महगा, मीवा विस्वासम आनि पावरमता बारेमते बेसता कबुर पीसि वातोर. मोमोट बल्हा मीकुन हूळालय बागा तनलाळंतोम, अल्‍हेने माकुन हूळालय मिमेटगुडा मावा बस्‍केळ्‍क मति कींतिट इंचि वेहतोर.

2 तेसलोनि 1:1

नना पौलुस, सिल्‍वानुस आनि तिमोति मोमोट इद सिट्‍टि मीकु तेसलोनि सहरते मंदना कलिसियातोर्कुंक रासेक मंतोम. मना पेनबाबाल आनि सामि येसु किरिस्‍तुनाहेंदाल कुर्पा, सांति दोर्किकांटी.

1 तिमोति 1:18

कोको तिमोति! पेनदा कबुरतोर नीवा बारेमते मुन्‍ने बव पोल्‍लें अय्ते वेह्‍चि मत्‍तुरो, आ पोल्‍लेना परकारम, निमे नीवा विस्वासमतुन गट्‍टिगा पीसि, मनसुना बेस पोल्‍ले पीसि वरोर बेस सिपाइलेह्का लडाइ कीसेके मनना इंचि नना नीकु आदेसतुन अप्पजेपसंतन. बारित्‍ते मनसुना पोल्‍लेतुन हय्सका वेल्‍लेन मंदि लोकुल्‍क, उंदि डोंगा रोंडु तुकडां आसोत्‍ताप, ओर ओरा विस्वासमतुन नासडेम कीकुत्‍तुर.

1 तिमोति 1:2

विस्वासमते नावा निजम मर्रि आता तिमोतिंकु इद सिट्‍टि रासतन. मना पेनबाबानाहेंदाल आनि मना सामि येसु किरिस्‍तुनहेंदाल नीकु कुर्पा, दया आनि सांति दोर्कि.

2 तिमोति 1:2

नावा पावरमगल्‍ला मर्रि तिमोतिंकु नना रासतन. नीकु मना पेनबाबनहेंदाल, सामि किरिस्‍तु येसुनाहेंदाल कुर्पा, दया, सांति दोर्किकांटी.

2 तिमोति 1:5

नीवा आ सत्‍तेम विस्वासम नाकु मति मंता. आ विस्वासम, मुन्‍ने नीवा काको लुइस आनि नीवा यावल युनिसनगागुडा मनुंदु. अदे विस्वासम निहगागुडा मंता इंचि नाकु बरोसा मंता.

2 तिमोति 3:11

नना अंताकिया, इकोनिया आनि लिसरा इनना सहरकुने बोगांच्‍ता तकलिप्क, नना अरता बादां, इव अन्‍नि नीकु एरपाटे मंतां. आयना इव अन्‍नि तकलिपकुनाल सामि नाकुन कापाळतोर.

पिलेमोन 1:1

नना पौलुस, किरिस्‍तु येसुना बारेमता बेसता कबुर वेहताहाटीं कैदिन आसि जेलने मंतन. ना तम्मुनलेसीं मनना तिमोतिनाहेंदाल ना पावरमगल्‍ला दंटातोर पिलेमोनुंक, मावा हेलड अपियांक, बेसता कबुर वेहानाहाटीं मावालेसीं लडाइ कियना अरकिपुसुंक, अल्‍हेने नीवा लोते जमा आयाना कलिसियातोर्क इद सिट्‍टि रासेक मंतन.

इब्रि 13:23

मना तम्मुनसोंटा तिमोति जेलनाल पेय्सता पोल्‍लेतुन मिमेट तेल्‍पिचकुंटु. ओर ओक्‍कला नहगा बिराना वाते, नना ओनतोनि, मीकु कलियालय वांतन.