प्रेरितुल्‍कुना कबाह्‍क 15:3 - पवित्र पोल्‍ले

³ पजा अगाटा कलिसियातोर ओर्कुन सार्ला कीतुर. अय्ते ओर पिनिके, सामरिया इनना एरियानाल तिरियसेक येरुसलेम होत्‍तुर. होननेंके वेरे जातितोर ओरा मनसु बल्हा मार्सकुत्‍तुर, अदुन बारेमते वेहासेक होत्‍तुर. इल्‍हा ओर अगाटा दादालोर्कुन इरगा कूस कीतुर.

प्रेरितुल्‍कुना कबाह्‍क 15:3 Iomraidhean Croise

लूकाल 15:32

गानि ईर नीवा तम्मुर वेल्‍लेन लक्‍कु होंचि हासोत्‍ताप मत्‍तोर, इंदके पिस्सि मल्सि वातोर. तप्‍सोंचि मत्‍तोर गानि इंदके दोर्कतोर. अदुनहाटीं मनम कूस आयमळ गावाले इत्‍तोर.” इल्‍हा वेहचि येसु वेसुडि वेहमळ महतोर.

प्रेरितुल्‍कुना कबाह्‍क 1:15

उंदि रोजु नूटा इरवै (120) विस्वासि दादालोरा नड्‍डुम पत्रु नित्‍तिसि,

प्रेरितुल्‍कुना कबाह्‍क 13:48

ई पोल्‍ले केंजसि वेरे जातितोर वेल्‍ले कूस आसि, सामिना पोल्‍लेता कदर कियालय दल्‍गुतुर. बचटूर्कुन अय्ते बस्‍केळ्‍क पिस्सना पिस्वरताहाटीं पेन पेरकुत्‍तनो, अचटुर येसुनपोर्रो विस्वासम कीतुर.

प्रेरितुल्‍कुना कबाह्‍क 13:52

गानि अंताकियाता विस्वासुल्‍क पवित्र आत्माते पूरा निंडिस आनंदमते मत्‍तुर.

प्रेरितुल्‍कुना कबाह्‍क 14:27

अगा होत्‍तरित्‍ते, ओर कलिसियातोर्कुन जमा कीसि, पेन ओरा कय्‍दे बल्हा पेद्‍दा-पेद्‍दा कबाह्‍क कीता, वेहतुर. वेरे जातितोर्कुनगुडा विस्वासम कियालय पेन बल्हा हर्रि कीता, इंचि वेहतुर.

प्रेरितुल्‍कुना कबाह्‍क 15:1

पजा यहुदियाताल इच्‍चुर लोकुल्‍क अंताकियाक वासि, “मूसाना नियम परकारम मीवद कतना आयाकोंटे मीकु मुक्‍ति दोर्का पर्रो” इंचि अगाटा दादालोर्कुंक कराहलय दल्‍गुतुर.

प्रेरितुल्‍कुना कबाह्‍क 15:12

अस्‍के बरनाबास आनि पौलुस, पेन ओर्कुन वेरे जातितोर लोप्पो लोहचि ओराहेंदाल बसंटा चिन्‍हां, इचंत्रमता कबाह्‍क कीता, अदुन ओर वेहालय दल्‍गुतुर अय्ते अंटोर लोकुल्‍क सपुडदाका आसि ओरा पोल्‍लें केंजालय दल्‍गुतुर.

प्रेरितुल्‍कुना कबाह्‍क 15:22

पजा प्रेरितुल्क, पेद्‍दाल्क आनि कलिसियातोर अंटोर कलियसि, अगाटा विस्वासुल्‍कुनाल इच्‍चुर लोकुल्‍कुन पेरसि पौलुस आनि बरनाबासुनतोनि अंताकियाक लोहना निरनायम कीतुर. पजा बरसब्बान आनि सिलासुन ईर इव्वुर्कुन पेरतुर. ईर इव्वुरगुडा विस्वासुल्‍कुनाल मुक्‍य मनकालोर मत्‍तुर.

प्रेरितुल्‍कुना कबाह्‍क 15:32

यहुदल आनि सिलास, ईर इव्वुरगुडा पेनदा कबुरतोर आंदुर. अदुनहाटीं अगाटा विस्वासुल्‍कुनतोनि वेल्‍लेनजेम वळ्‍किसि ओर्कुन विस्वासमते गट्‍टिगा कीसि ओर्कु प्रोत्‍साहन हीतुर.

प्रेरितुल्‍कुना कबाह्‍क 15:4

ओर येरुसलेम एवतस्‍के, अगाटा कलिसियातोर, प्रेरितुल्क, पेद्‍दाल्क ओर्कु बेस आनंदमते कलियतुर. पजा पौलुस आनि बरनाबास पेन ओरतोनि मंचि बता-बता कबाह्‍क कीता, अदंता वेहतुर.

प्रेरितुल्‍कुना कबाह्‍क 17:15

पौलुसुनतोनि बोर अय्ते होत्‍तुरो ओर पौलुसुन एतेंस इनना सहरदाका अरहतुर. पौलुसुन हेंदाल, सिलास, तिमोति बिराना ओनगा वायागोम, इंचि इत्‍ता आदेस पीकुंचि ओर अगटाल मल्सि बिरिया सहरकु वातुर.

प्रेरितुल्‍कुना कबाह्‍क 20:38

मिमेट मर्रा ना मोकम बस्‍केने हूळा पर्रिर, इंचि पौलुस इत्‍ता पोल्‍लेताहेंदाल ओर अंटोर लोकुल्‍कुंक बागा दुक्‍कम वाता. पजा ओर अंटोर, ओन डोंगादाका सार्ला कीतुर.

प्रेरितुल्‍कुना कबाह्‍क 21:5

वारम आता पज्जो अगटाल मोमोट मावा पय्‍नेम पेय्‍सतोम. अगाटा विस्वासुल्‍क ओरा मुत्‍तोह्‍क, पिलाल्क अंटोर सहरता पलाते समुद्रम ओड्‍डुनदाका मातोनि वातुर. अगा मोमोट टोंगरां ऊनसि पारतना कीतोम.

प्रेरितुल्‍कुना कबाह्‍क 28:15

बस्के अय्ते रोम सहरता विस्वासुल्कुंक मोमोट वासेक इंचि तेळियता, अस्‍के ओर माकु कलियालय अप्पियुस हाटुमदाका वातुर. इंका आगाना मूड जेगा इनना नारदाका वातुर. ओर्कुन हूळसि, पौलुस पेनदुक दन्यवाद कीतोर, ओना दैरनेम बेरस्‍ता.

प्रेरितुल्‍कुना कबाह्‍क 8:14

सामरिया सहरता लोकुल्‍क पेनदा पोल्‍लेन स्विकार कीतुर इंचि बस्के अय्ते येरुसलेमते प्रेरितुल्कुंक तेळियतनो, अस्‍के ओर पत्रुन आनि योहानुन सामरिया एरियाक लोहचीतुर.

रोम सहरतोरहाटीं पौलुसना सिट्‍टि 15:24

अदुनहाटीं नना स्‍पेन देसेम होननेंके मिहगा वांतन इंचि आसे पळसंतन. मीवातोनि कोन्‍नि रोजकु मंचि नावा मनसु निंडता पजा नाकुन अगटाल मुन्‍नेटा पय्‍नेमताहाटीं सार्ला कीम्‍टु.

1 कुरेंति 16:11

अदुनहाटीं ओन बोरे सिन्‍नगा हूळा मन्‍नि, ओन सांतिते नहगा लोहट. मिहगटा विस्वासुल्‍कुनतोनि ओर वायानुर इंचि नना एदुर हूळसेक मंतन.

1 कुरेंति 16:6

मिहगा वासि, आया परते कोन्‍नि रोजकु हिलाकोंटे पूरा पीनि कालम मीवातोनि मनंतन. दाना पजा नाक बेके होनना मंता, हेके सार्ला कीम्‍टु.

तीतु 3:13

जेनास वकील आनि अप्‍पुलोसुंक ओरा पय्‍नेमते ओर्क बतले तक्‍को होनाकोंटा हूळकुंचि, ओर्कुन सार्ला कीम.