प्रेरितुल्‍कुना कबाह्‍क 15:1 - पवित्र पोल्‍ले

¹ पजा यहुदियाताल इच्‍चुर लोकुल्‍क अंताकियाक वासि, “मूसाना नियम परकारम मीवद कतना आयाकोंटे मीकु मुक्‍ति दोर्का पर्रो” इंचि अगाटा दादालोर्कुंक कराहलय दल्‍गुतुर.

प्रेरितुल्‍कुना कबाह्‍क 15:1 Iomraidhean Croise

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

प्रेरितुल्‍कुना कबाह्‍क 15:5

अस्‍के परिसिल्‍कुनाल इच्‍चुर विस्वासुल्‍क तेदसि, “वेरे जातितोरद कतना तप्‍पाकोंटा आये पींता, मूसाल वेहता नियम परकारम ओर ताके पींता,” इंचि इत्‍तुर.

कुलुसि 2:8

मिमेट जेगर्ताते मंटु! बोरन्‍ना वासि मीकुन दुनियाता तेल्वि पोल्‍लें, एर्तम दोका हिय्यना पोल्‍लें वेह्‍चि पसांचा परांतुर, अव पोल्‍लें मनकालोर्कुना रीतिरिवाजकुनालेसीं, दुनियाते एनकटा कराहता पोल्‍लेनलेसीं मंतां गानि किरिस्‍तुना पोल्‍लेनलेसीं हिल्‍लें.

प्रेरितुल्‍कुना कबाह्‍क 15:24

मावा पावरमगल्‍ला दादालोरिटा, माकुन पूस कियाकोंटेन महागटाल इच्‍चुर लोकुल्‍क मिहगा वासि ओरा मनसुंक वाताप वळकिसि मी मनसुने अनमानम पुट्‍टिचि मीकु तकलिप हीतुर इत्‍ता संगति मोमोट केंजतोम.

योहान 7:22

कतना कियना इंचि मीकु मूसाल वेहचि मत्‍तोर. असल निजम हूळते, ई कतना रिवाज मूसाल सुरुव किया हिल्‍लोर. अद एनकटा पेद्‍दाल्कुनगटाल वाता. मिमेट अय्ते कतना कियना वेला वातस्के, नोमकेम रोजुननाडगुडा मीवा मर्कुना कतना कींतिर.

गलातिया 2:1

पजा पडनालुं वर्सां आतंका नना मर्रा येरुसलेम होत्‍तन. अस्‍के नातोनि बरनाबास मत्‍तोर. मोमोट होननेंके नातोनि तीतु इनानोनगुडा पीसि ओतन.

प्रेरितुल्‍कुना कबाह्‍क 15:3

पजा अगाटा कलिसियातोर ओर्कुन सार्ला कीतुर. अय्ते ओर पिनिके, सामरिया इनना एरियानाल तिरियसेक येरुसलेम होत्‍तुर. होननेंके वेरे जातितोर ओरा मनसु बल्हा मार्सकुत्‍तुर, अदुन बारेमते वेहासेक होत्‍तुर. इल्‍हा ओर अगाटा दादालोर्कुन इरगा कूस कीतुर.

प्रेरितुल्‍कुना कबाह्‍क 6:14

बारित्‍ते, नासरेत नाटेना येसु इद गुळितुन कूलाह्‍चि नासडेम कियानुर आनि मूसाल वेहता रीति-रिवाजकुन बदलांचनुर, इंचि वेहनेंके मोमोट केंजतोम” इल्‍हा गवाइ हीतुर.

कुलुसि 2:16

अदुनहाटीं मीवा तिनना-उनना बारेमते आयि, पंडुगुना बारेमते आयि, अमासा हिलाकोंटे नोमकेम रोजुना बारेमते आयि बोर्कुने मीवा न्‍यायम किया हियमटु.

प्रेरितुल्‍कुना कबाह्‍क 21:20

पौलुस वेहतद केंजसि पेद्‍दाल्क अंटोर पेनदा स्‍तुति कीतुर. पजा पौलुसुन, “दादा, बच्‍चोनो वेय्‍कुना मंदि यहुदिल्कु इगे विस्वासुल्‍क आतुर इत्‍ता संगति निमे हूळसेकेन मंतिन. ओर अंटोर मूसाना नियमतुन बेस पीसि ताकसेक मंतुर.

प्रेरितुल्‍कुना कबाह्‍क 15:22

पजा प्रेरितुल्क, पेद्‍दाल्क आनि कलिसियातोर अंटोर कलियसि, अगाटा विस्वासुल्‍कुनाल इच्‍चुर लोकुल्‍कुन पेरसि पौलुस आनि बरनाबासुनतोनि अंताकियाक लोहना निरनायम कीतुर. पजा बरसब्बान आनि सिलासुन ईर इव्वुर्कुन पेरतुर. ईर इव्वुरगुडा विस्वासुल्‍कुनाल मुक्‍य मनकालोर मत्‍तुर.

प्रेरितुल्‍कुना कबाह्‍क 1:15

उंदि रोजु नूटा इरवै (120) विस्वासि दादालोरा नड्‍डुम पत्रु नित्‍तिसि,

प्रेरितुल्‍कुना कबाह्‍क 15:23

ओर होननेंके ओरा कय्‍दे उंदि सिट्‍टि हीतुर, अद सिट्‍टिते इल्‍हा रासि मंता. अंताकिया, सिरिया, किलिकिया सहरकुने मनना अंटोर वेरे जाति विस्वासुल्कुंक, येरुसलेमते मनना मीवा पेद्‍दाल्क आनि प्रेरितुल्‍कुना हेंदाल जोहार.

प्रेरितुल्‍कुना कबाह्‍क 15:32

यहुदल आनि सिलास, ईर इव्वुरगुडा पेनदा कबुरतोर आंदुर. अदुनहाटीं अगाटा विस्वासुल्‍कुनतोनि वेल्‍लेनजेम वळ्‍किसि ओर्कुन विस्वासमते गट्‍टिगा कीसि ओर्कु प्रोत्‍साहन हीतुर.

गलातिया 6:12

नालुरा मुन्‍ने नना बेसतोन इंचि हुप्‍सानोर, ओरे मीकुन कतना कियागोम इंचि बल्‍मि कींतुर. इल्‍हा बारि कींतुर इत्‍ते, किरिस्‍तुना क्रुसताहेंका वायाना तकलिपताल तपिच्‍कुननाहाटीं ओर इल्‍हा कींतुर.