प्रेरितुल्‍कुना कबाह्‍क 13:3 - पवित्र पोल्‍ले

³ अस्‍के ओर ओक्‍कापोद्‍दु मंचि पारतना कीसि ओरापोर्रो कय इरसि ओर्कुन लोहचीतुर.

प्रेरितुल्‍कुना कबाह्‍क 13:3 Iomraidhean Croise

लूकाल 2:37

इल्‍हा अद मुंडामोससि एनबै नालुं वर्सां आतां. अद रोज-रोज गुळिते वासेके मनुंदु. अद बस्केळक ओक्‍कापोद्‍दु मंचेके पेनदुक पारतना कियुंदु.

प्रेरितुल्‍कुना कबाह्‍क 1:24

अस्‍के प्रेरितुल्क पारतनाते, “सामि! निमे अंटोरा मनसुन एरपाट कींतिन, यहुदल अय्ते ओन्क हीता कबळतुन होळसिसि ओर होनना जेगाते होत्‍तोर. गानि निमे ईर इव्वुरा लोप्पोटाल प्रेरित इंचि नीवा सेवा कियालय बोन पेरकुत्‍तिन माकु हुप्‍सा,” इंचि तल्कतुर.

प्रेरितुल्‍कुना कबाह्‍क 13:2

उंदि रोज ओर ओक्‍कापोद्‍दु मंचि सामिंक आरादना कीसेके मननेंके पवित्र आत्मा ओर्कुन, “नना बद कबळताहाटीं बरनाबासुन आनि साऊलुन पेरकुत्‍तनो, अदुन कियानाहाटीं ओर्कुन अलग कीम्‍टु,” इंचि इत्‍ता.

प्रेरितुल्‍कुना कबाह्‍क 13:4

पवित्र आत्माहेंदाल ओर्कुन लोहतारित्‍ते ओर सिलुकिया सहरते होत्‍तुर, अगटाल उंदि डोंगाते उद्‍दिस साइप्रस दीबेहेके पेय्‍स्‍तुर.

प्रेरितुल्‍कुना कबाह्‍क 14:23

पजा ओर, अगाटा हरेक कलिसियाने पेद्‍दाल्कुन निलाहतुर. ओराहाटीं ओक्‍कापोद्‍दु मंचि पारतना कीसि, ओर बा सामिनपोर्रो अय्ते विस्वासम कीतुर, आ सामिंक अप्पजेपतुर.

प्रेरितुल्‍कुना कबाह्‍क 14:26

अगटाल डोंगा उदसि सिरियाता अंताकियाते मल्सि होत्‍तुर. बद कबळ अय्ते ओर पूरा कीतुरो, अद कबळ पेनदा कुर्पाते अदे जेगाताल सुरुव कीसि मत्‍तुर.

प्रेरितुल्‍कुना कबाह्‍क 15:40

पजा पौलुस ओनतोनि मननाहाटीं सिलासुन पेरकुंचि अगटाल होत्‍तोर. अय्ते अगाटा विस्वासुल्कगुडा पौलुसुंक आनि सिलासुंक पेनदा कुर्पा दोर्कानाहाटीं पारतना कीसि ओर्कुन पेनदा कय्‍दे अप्पजेपतुर.

प्रेरितुल्‍कुना कबाह्‍क 6:6

पजा ईर एडुरकुन प्रेरितुल्कुना मुन्‍ने निलाहतुर. अस्‍के प्रेरितुल्क ओरपोर्रो कय इरसि पारतना कीतुर.

प्रेरितुल्‍कुना कबाह्‍क 9:17

अस्‍के हनन्‍याल अगटाल पेय्सि साऊल बद लोते मत्‍तोरो अद लोन होत्‍तोर. होंचि ओनपोर्रो कय इर्सि, “साऊल दादा, निमे हर्रि पीसि वायानेंके नीकु दिसतोर हूळा! आ येसु सामिए नीकु मर्रा कळकु दिसगोम, निमे पवित्र आत्माते पुरागा निंडिस होनगोम इंचि नाकुन लोहतोर,” इल्‍हा वेहतोर.

रोम सहरतोरहाटीं पौलुसना सिट्‍टि 10:15

अल्‍हेने पेन बोर्कुने लोहाकोंटे ओरगा होंचि ओर बल्हा वेहा परांतोर? असले वेहा परोर. दीना बारेमते दर्मसास्‍त्रमते इल्‍हा रासतद मंता: “बेसता कबुरतुन पीसि वायना लोकुल्‍कुन हूळते बच्‍चोनो कुसि आंता!” इंचि रासि मंता.

1 तिमोति 4:14

पेद्‍दाल्क नीपोर्रो कय्‍क इर्सि पारतना कियनेंके, बविस्यवानि कियानोर वेहता आ वरम नीकु दोर्कता. अद वरमतुन निमे वाळकुन, दान मति मर्गुमा.

1 तिमोति 5:22

कलिसियाता पेद्‍दा मनकल इंचि निलाहनाहाटीं, बोन पोर्रेन गाबर आसि कय इरमा. वेरेतोरा पापाल्कुने निमे पालिगाड आयमा. इंका नीवद निमे बस्‍केळ्‍क पवित्र ईर्कुन.

2 तिमोति 1:6

इदुनहाटीं नना नीकु मति कीसि हियानद बतल इत्‍ते, नना नीवा पोर्रो कय इरतस्के, पेनदाहेंदाल नीकु उंदि वरम दोर्कता. अद वरमतुन निमे बस्‍केळ्‍क एल्‍गिच्‍चि इर्रा.

2 तिमोति 2:2

वेल्‍लेन मंदि लोकुल्‍कुना मुन्‍ने नाहेंदाल निमे केंजता पोल्‍लेन, बोर अय्ते वेरेतोर्क कराह परांतुर, असोंटा विस्वासमलायक मनानोर्कुंक अप्पजेप्पा.

3 योहान 1:6

ओर दादालोर नीवा पावरमता बारेमता गवाइ कलिसियाते वेहतुर. पेनदा लोकुल्‍कुन बल्हा अय्ते सार्ला कींतुरो अल्हा, निमे ओरा सेवा कीसि सार्ला कियानय्ते, नीवाहाटीं इंका बेस मनंता.

3 योहान 1:8

असोंटा मनकालोर्कुंक मनम सहायम कीसि ओर्कुन बेस हूळना. अस्‍के मनमगुडा सत्‍तेमताहाटीं कबळ कियानोरा लेक्‍काते वांतोम.