प्रेरितुल्‍कुना कबाह्‍क 13:1 - पवित्र पोल्‍ले

¹ अंताकिया सहरता कलिसियातोरव्टे इच्‍चुर पेनदा कबुरतोर आनि कराहनोर मत्‍तुर. ओर बोर इत्‍ते, बरनाबास, सिमोन ईन निगर (इत्‍ते कर्रेटोर) गुडा इनुंदुर, कुरेनि सहरता लुकियुस, साऊल, गालिल एरियाता राजाल हेरोद अंतिपासुनतोनि बेर्सता मनाहेम ईर आंदुर.

प्रेरितुल्‍कुना कबाह्‍क 13:1 Iomraidhean Croise

मत्‍तयाल 27:32

येसुन पीसि पलाते होननेंके, कुरेनि सहरतोर वरोर सिमोन इनना मनकल कलियतोर. सिपाइल्क ओन वेराहचि येसुना क्रुस कांजा वेहतुर.

लूकाल 3:1

तिबेरियुस कैसर इनना वरोर राजाल पूरा रोम राज्येमपोर्रो पेद्‍दा राजाल मत्‍तोर. ओर राज्येम कियालय दल्‍गिसि पदिहेन वर्सां पूरा आतां. अवे तूकुल्कुने पुंतुस पिलातुस इनानोर यहुदिया एरियाता राज्यपाल मत्‍तोर. अंतिपस हेरोद राजाल गालिल एरियाता राज्यपाल मत्‍तोर. इंका ओना तम्मुर पिलिप इतुरिया आनि तारकोनितिस इव एरियान पोर्रो राज्यपाल मत्‍तोर. लिसानियास इनानोर बारे अबिलेन इनना एरियाता राज्यपाल मत्‍तोर.

प्रेरितुल्‍कुना कबाह्‍क 11:30

ओरा निरनायमनुसार सहायमहाटीं जमा कीता सोम्मुन ओर बरनाबास आनि साऊलना कय्‍दे यहुदियाते मनना पेद्‍दाल्कुनहेके लोहचीतुर.

प्रेरितुल्‍कुना कबाह्‍क 12:25

बरनाबास आनि साऊल ओरा सेवा कबळ पूरा कीसि येरुसलेमताल वापस अंताकिया होत्‍तुर. होननेंके मरकुस इनना योहानुनगुडा पज्जो पीकुंचि होत्‍तुर.

प्रेरितुल्‍कुना कबाह्‍क 13:9

अस्‍के साऊल (ईन पौलुस इंका इनुंदुर) पवित्र आत्माते निंडिसि, एलिमलनाहेके उंदेतीर हूळसेक,

प्रेरितुल्‍कुना कबाह्‍क 15:32

यहुदल आनि सिलास, ईर इव्वुरगुडा पेनदा कबुरतोर आंदुर. अदुनहाटीं अगाटा विस्वासुल्‍कुनतोनि वेल्‍लेनजेम वळ्‍किसि ओर्कुन विस्वासमते गट्‍टिगा कीसि ओर्कु प्रोत्‍साहन हीतुर.

प्रेरितुल्‍कुना कबाह्‍क 15:35

पजा पौलुस आनि बरनाबास कोन्‍नि रोजकु अंताकियातेन आगतुर. अगाटा वेल्‍लेन लोकुल्‍कुनतोनि कलियसि सामिना पोल्‍लें कराहसेक, बेसता कबुर वेहासेक मत्‍तुर.

प्रेरितुल्‍कुना कबाह्‍क 19:6

पजा बस्के अय्ते पौलुस ओरापोर्रो कय इरतोरो अस्‍के ओर अंटोरपोर्रो पवित्र आत्मा रेयता. ओर वेरे-वेरे बासाने वळकालय, बविस्यवानि कियालय दल्‍गुतुर.

प्रेरितुल्‍कुना कबाह्‍क 21:9

ओन्क नालुं मरमिं आयवा मियाह्क मत्‍तां. अय्ते अव नालुंगुडा बविस्यवानि वेहुंदुं.

प्रेरितुल्‍कुना कबाह्‍क 4:36

साइप्रस दीबेते पुटता योसेप इनना लेवि वंसमतोर वरोर मत्‍तोर. ओन्क प्रेरितुल्क बरनाबास इंचि पोरोल दोस्तुर. बरनाबास इत्‍ते “अंटोर्कुन समत कियना मनकल” इंचि अर्तम.

प्रेरितुल्‍कुना कबाह्‍क 9:1

अदे वेलाते साऊल सामिनपोर्रो विस्वासम कियानोर्कुन हव्कंतन इंचि बेदरिचेक मत्‍तोर. ओर पेद्‍दा पेर्मानगा होत्‍तोर.

रोम सहरतोरहाटीं पौलुसना सिट्‍टि 16:21

नावातोनि कलियसि किरिस्‍तुना सेवा कियानोर तिमोतिनाहेंदाल मीकु जोहार. नावा जीवातोर लुकियुस, यासोन आनि सोसिपत्रु ईराहेंदाल मीकु जोहार.

1 कुरेंति 11:4

बोरन्‍ना मांडसा पारतना कियानेंके, हिलाकोंटे बविस्यवानि कियानेंके तल्‍लातुन मुच्‍कुनानय्‍ते ओर तल्‍लातुन अपमानम कींतोर.

1 कुरेंति 13:2

नाक गिंटा बविस्यवानि वेहना वरम मनना, अन्‍नि मर्माल्‍कु आनि तेल्‍विता पोल्‍लें तेळियना, गुट्‍टान जर्पनच्‍चो पूरा विस्वासम मनना गानि नावा लोप्पो पावरम हिलाकोंटे नना बतले कबळतोन आयोन.

1 कुरेंति 13:8

पावरम बस्‍केने मारो. गानि बविस्यवानि वेहना वरम मारंता, वेरे-वेरे बासां वळ्कना वरम आगसि दांता, मर्मम तेल्‍पिचकुनना तेल्वि मत्‍ते अदगुडा कबळ किय्‍यो.

1 कुरेंति 14:29

पेनदा कबुरतोर इव्वुर हिलाकोंटे मुव्वुरे वेहिर, कळमतोर वेहता पोल्‍लेन परिक्‍सा कीसि हूळिर.

1 कुरेंति 14:32

पेनदा कबुरतोर ओरा आत्मातुन ओर इनकुत्‍ताप तिरहा परांतुर.

1 कुरेंति 9:6

हिलाकोंटे पिस्वरहाटीं कबळ कियाकोंटा मनालय सिराप बरनाबास आनि नाके अदिकारम हिल्‍लेना?

गलातिया 2:13

इंका ओर कियनद हूळसि वेरे यहुदि विस्वासुल्कगुडा अल्हे कियालय दल्‍गतुर. अचोने आयका बरनाबासगुडा ओरव्टेन कलियतोर.

इपीसि 4:11

ओर, पेनदा सेवाहाटीं पवित्र लोकुल्‍कुन तयार कियालय आनि किरिस्‍तुना मेंदुललेसीं मनना कलिसियातोर्कुन बेस बक्‍तिते, बरोसाते बेर्सागोटनाहाटीं, इच्‍चुर्कुन प्रेरितुल्क, इच्‍चुर्कुन पेनदा कबुरतोर, इच्‍चुर्कुन बेसता कबुर वेहानोर आनि इंकिच्‍चुर्कुन बारे पास्‍टर आनि कराहनोर इंचि पेर्सि ओर्कु वराल्‍क हीतोर.

पिलिपिया 4:22

इग्‍गेटा पेनदा लोकुल्‍क अंटोर, कास कैसर राजांक सेवा कियानोर विस्वासुल्‍क मीकु जोहार वेहसेक मंतुर.

1 तेसलोनि 5:20

पेनदा कबुरतोरा पोल्‍लेन पास्कमट.