2 ओर योहानुना दादल याकोबुना तल्लातुन कसेटे कोय्सि हव्का वेहतोर.
पजा येसु ओर्कुन इल्हा इत्तोर, “नना कस्टाल्क बोगांचताप मिमेट बोगांचा परकिट, निजमे! गानि राज्येम कियनेंके, नावा तिना बाजुंक आनि नावा डेमा बाजुंक उपिच्चना अदिकार नाक हिल्ले. अव जेगां बोराहाटीं ना बाबाल तयार कीतोरो, ओरे अगा उद्दंतुर,” इत्तोर.
पजा जब्दिना मर्क याकोब आनि योहान येसुनगा वासि, “गुरु, मोमोट बतल अय्ते तल्कंतोम अदुन माहाटीं निमे कियमळ गावाले इंचि मा मनसु मंता,” इंचि इत्तुर.
गानि येसु ओर्कुन, “मिमेट बतल पूसकीसंतिरो अद मीक तेळियसेक हिल्ले. नना बव कस्टाल्क अय्ते बोगांचना मंता, अवुन मिमेट बोगांचा परकिटा? हिलाकोंटे नना बद बापतिस्मा एतंतनो, अद मिमेट एता परकिटा?” इंचि पूसकीतोर.
अस्के “हो, मोमोट तयार मंतोम,” इंचि ओर इत्तुर. अस्के येसु ओर्कुन इल्हा इत्तोर, “नना कस्टाल्क बोगांचताप मिमेट बोगांचा परकिट आनि नना एताना बापतिस्मा मिमेटगुडा एता परकिट.
अवे रोजकुने हेरोद अग्रिपा राजाल कलिसियानाल इच्चुर मंदितुन तकलिप कियालय सुरुव कीतोर.
सगोमतोर्कुन अय्ते बंडाने तंतुर, आरेने कोय्सि तुकडां कीतुर, ओरा पट्टु हूळतुर, तलवारकुने कोह्किसि हव्कतुर. गरिब-कंगाल आसि दुक्कमते, एटिं-गोर्रेना तोल्कु मुच्कुंचि बेके-बेकेनो तिरियसेके मत्तुर. लोकुल्क ओर्कुन बागेने तकलिप कीतुर.