6 ओर सिमोन इनना वरोर तोलकुन कबळ कियानोना लोते मंचंतोर. ओना लोन समुद्रम ओड्डुंक मंता.” इंचि ओन इत्ता.
मीवा लोप्पोटाल बोरे आयिर, पेनदा इच्चा मत्ताप ताकंतन इनकुनानय्ते, नना कराहना पोल्लें नहगटाल वासंतंगा हिलाकोंटे पेनदागटाल वासंतंगा, इंचि ओन्क तेळियंता.
अदुनहाटीं यापाते बोनना लोहचि पत्रुन केया लोहा. ओर समुद्रम ओड्डुनगा सिमोन इनना तोलकुन कबळ कियानोन लोन आगसि मंतोर,’ इंचि इत्तोर.
इल्हा ओनतोनि वळकसेके मत्ता पेनदा दूता अगटाल होत्ता होनमळे, कुरनेलियुस ओना लोन कबळ कियाना जीतागाह्कुनाल इव्वुर जीतागाह्कुन आनि पेनदुक वेरियानोर अल्हेने ओन्क बेस सेवा कियना वरोर पोलिसुन, इल्हा मुव्वुर्कुन केयतोर.
आयंका पत्रु यापा सहरतेन सिमोन इनना वरोर तोलकुन कबळ कियानोनगा वेल्लेन रोजकु आगतोर.
निमे इंदके तेदसि सहरतेके होन. बतल कियमळो अद नीकु अगा वेहमळ जर्गंता,” इंचि इत्तोर.