प्रेरितुल्‍कुना कबाह्‍क 1:8 - पवित्र पोल्‍ले

⁸ गानि पवित्र आत्मा मीपोर्रो वातस्के मिमेट येरुसलेम सहर, पूरा यहुदिया एरिया, सामरिया एरिया अल्‍हेने बूमिता आकिरदाका नावा गवाइ आयना ताकत मीकु वायार,” इंचि इत्‍तोर.

प्रेरितुल्‍कुना कबाह्‍क 1:8 Iomraidhean Croise

मत्‍तयाल 24:14

पेनदा राज्येमता बारेमता बेसता कबुर दुनियाता अन्‍नि देसेल्‍कुना लोकुल्‍कुंक उंदि गवाइ इंचि तेळियागोटसि वेहतस्के, इद दुनियाता आकिर आयार.”

मत्‍तयाल 28:19

अदुनहाटीं मिमेट होंचि दुनियाता अन्‍नि देसेल्‍कुना लोकुल्‍कुन सिस्युल्क कीम्‍टु. ओर्कु बाबाना पोरोलते, मर्रिना पोरोलते आनि पवित्र आत्माता पोरोलते बापतिस्मा हीम्टु.

मरकुस 16:15

पजा ओर्कु इल्‍हा वेहतोर. “मिमेट होंचि दुनियाता अन्‍नि देसेल्‍कुना लोकुल्‍कुंक बेसता कबुर प्रचार कीम्‍टु.

लूकाल 1:35

अस्‍के पेनदा दूता इल्‍हा इत्‍ता, “पेनदा पवित्र आत्मा नीवा पोर्रो वांता आनि अन्‍निटकन्‍ना पेद्‍दा पेनबाबाना ताकतहेंदाल नीवा पोर्रो उंदि नीडा अर्रंता, अस्‍के निमे नेला तप्पंतिन. दानहाटीं नीकु पुट्‍टना पेडल पवित्र मनांतोर, ओन ‘पेनदा मर्रि’ इंचि इंतुर.

लूकाल 10:19

केंजट, नना मीकु तरासकु, मिच्‍चोन जारानद आनि पगातोरा पूरा बलमतुन गेल्सानद अदिकारम हीतन. मीपोर्रो बोरे अन्‍यायम किया पर्रुर.

लूकाल 24:29

अदुनहाटीं ओर ओन, “इंदके पोळ्‍द होत्‍ता, इय्याला निमे इगेन महगा आगा दादा!” इंचि वेल्‍लेन विनंति कीतुर. अस्‍के येसु ओरगा मननाहाटीं ओरतोनि लोप्पो होत्‍तोर.

योहान 15:27

नना सेवा सुरुव कीतस्केटाल मिमेट नातोनि मत्‍तिर, अदुनहाटीं मिमेटगुडा नावा बारेमते गवाइ वेहंतिर.”

प्रेरितुल्‍कुना कबाह्‍क 1:5

बारित्‍ते, योहान एतोनि बापतिस्मा हीतोर, गानि मीवा बापतिस्मा कोन्‍नि रोजकुंक पवित्र आत्माताहेंदाल आयार,” इंचि ओर्कुन इत्‍तोर.

प्रेरितुल्‍कुना कबाह्‍क 13:31

तेहतारित्‍ते, गालिल एरियाताल येरुसलेमदाका ओनतोनि होत्‍तोर्कुंक वेल्‍लेने रोजकुनदाका ओर दिस्सेक मत्‍तोर. इंदके लोकुल्‍कुना मुन्‍ने येसुना गवाइ इंचि ओरे मंतुर.

प्रेरितुल्‍कुना कबाह्‍क 2:32

आ येसुन पेने मर्रा जीवा तेहता इंचि मोमोट अंटोरम गवाइ मंतोम.

प्रेरितुल्‍कुना कबाह्‍क 22:15

निमे बतल अय्ते हूळतिन, बतल अय्ते केंजतिन अदुना बारेमते दानाहेंदाल अंटोर लोकुल्‍कुना मुन्‍ने गवाइदार आंतिन.

प्रेरितुल्‍कुना कबाह्‍क 3:15

मिमेट लोकुल्‍कुंक बस्‍केळ्‍क पिस्‍साना पिस्वरता हर्रि हुप्‍सानोन हव्कतिर, गानि पेन ओन हातोराव्टेटाल मर्रा जीवा अरहता, दीना मोमोट गवाइ मंतोम.

प्रेरितुल्‍कुना कबाह्‍क 4:33

येसु सामि हासि मर्रा जीवाते तेदतोर, इंचि ओना पेद्‍दा ताकतते प्रेरितुल्क गवाइ हियुंदुर. इल्‍हा ओर अंटोरपोर्रो पेनदा कुर्पा मत्‍ता.

प्रेरितुल्‍कुना कबाह्‍क 5:32

इव अन्‍नि पोल्‍लेनहाटीं मोमोट गवाइ मंतोम. पेनदा पोल्‍लें केंजसि ताकानोराहाटीं पवित्र आत्मागुडा गवाइ मंता,” इंचि इत्‍तुर.

प्रेरितुल्‍कुना कबाह्‍क 6:8

पेनदा कुर्पाते, ताकतते निंडिस मत्‍ता स्‍टिपन लोकुल्‍कुना मुन्‍ने पेद्‍दा-पेद्‍दा इचंत्रमता कबाह्‍क, चिन्‍हां कियुंदुर.

प्रेरितुल्‍कुना कबाह्‍क 8:1

अवे रोजकुनाल येरुसलेमता कलिसियातोरपोर्रो पेद्‍दा कस्‍टाल्‍क वायालय सुरुव आता. प्रेरितुल्कुन होळसि कळमातोर अंटोर विस्वासि लोकुल्‍क यहुदिया, सामरिया एरियाता नाहकुने बेकेटोर हेके सिल्‍लर-सल्‍लर आतुर.

रोम सहरतोरहाटीं पौलुसना सिट्‍टि 10:18

अयना नना उंदि पोल्‍ले पूसकींतन, इस्राएलतोर इद कबुरतुन केंजा हिल्‍लुरा? तप्‍पाकोंटा केंजतुर. इदुना बारेमते इल्‍हा रासतद मंता: “ओरा लेंग दुनियंता केंजा होत्‍ता, ओरा पोल्‍ले दुनियाता मूला-मूलादाका एव्ता,” इंचि दर्मसास्‍त्रमते रासि मंता.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.