3 योहान 1:9 - पवित्र पोल्‍ले

⁹ नना कलिसियातोर्क उंदि सिट्‍टि रासि लोहतन. गानि कलिसियाते पेद्‍दा आयालय हूळना दियुतिरपेस इनानोर नना वेहानदुन ओप्‍कुंचेक हिल्‍लोर.

3 योहान 1:9 Iomraidhean Croise

मत्‍तयाल 7:8

बारित्‍ते बोर अय्ते तल्कंतोर ओन्क हियमळ जर्गंता, बोर अय्ते पह्कंतोर ओन्क दोर्कंता, बोर अय्ते तल्‍पुन तनंतोर ओनाहाटीं तल्‍पु तेंडमळ जर्गंता.

मरकुस 9:34

गानि “अंटोर्कन्‍ना पेद्‍दा बोर?” इंचि ओर वरोंक वरोर वळ्कसेक वातुर. अदुनहाटीं ओर चुपचाप मत्‍तुर.

मरकुस 9:37

“बोर अय्ते ई सिन्‍ना पेडनलेसीं आसि मनानोन नावा पोरोलते ओप्कुंतुरो, ओर नाकुनगुडा ओप्‍कुंतुर. बोर अय्ते नाकुन ओप्‍कुंतुर ओर सिराप नाकुने आयो गानि नाकुन लोहतोनगुडा ओप्‍कुंतुर,” इंचि वेहतोर.

लूकाल 9:48

निल्‍हाचि, “बोर अय्ते ई सिना पेडनसंटोन नावा पोरोलते स्विकार कींतोर ओर नाकुन स्विकार कीतापे. अल्‍हेने बोर अय्ते नाकुन स्विकार कींतोर ओर नाकुन लोहता पेनदुन इंका स्विकार कींतोर. अदुनहाटीं बोर अय्ते मीलोप्‍पो अंटोर्कन्‍ना सिन्‍ना मंतोर, ओरे अंटोर्कन्‍ना पेद्‍दोड आंदुर,” इंचि येसु ओर्कुन इत्‍तोर.

रोम सहरतोरहाटीं पौलुसना सिट्‍टि 12:10

उंदि कुटुंबतोरलेसीं वरोंक-वरोर बेस पावरम कीकुंटु, वरोंक-वरोर कदर हियनेंके, मनाकन्‍ना एक्‍को इंकावरोंक कदर हीम्टु.

कुलुसि 1:18

मेंदुललेसीं मंदना कलिसियाकु ओर तल्‍ला आंदुर. अन्‍नि पोल्‍लेने पेद्‍दोड आयागोम इंचि हातोरा लोप्पोटाल मोट्‍टा मोदाला तेदतोर ओरे आंदुर. ओरे मोदोल आंदुर.

2 योहान 1:9

किरिस्‍तु कराहता बोदा परकारम ताकाकोंटा बोर अय्ते मुन्‍ने-मुन्‍ने दांतोर, ओर पेनतोनि कलिया हिल्‍लोर. गानि बोर अय्ते किरिस्‍तु कराहता बोदा परकारम ताकंतोर, ओनतोनि पेनबाबाल, मर्रि इव्वुरगुडा मनांतुर.

3 योहान 1:8

असोंटा मनकालोर्कुंक मनम सहायम कीसि ओर्कुन बेस हूळना. अस्‍के मनमगुडा सत्‍तेमताहाटीं कबळ कियानोरा लेक्‍काते वांतोम.