3 योहान 1:2 - पवित्र पोल्‍ले

² पावरमगल्‍ला दंटातोना! निमे बक्‍तिते पेनतोनि बल्हा बेस मंचंतिनो, अन्‍नि पोल्‍लेनेगुडा निमे अल्‍हेने मन, नीकु बदे रोगम वायाकोंटा निमे बस्‍केळ्‍क सुकमते मनना इंचि नना पारतना कीसेके मंतन.

3 योहान 1:2 Iomraidhean Croise

मत्‍तयाल 9:12

अस्‍के येसु अद केंजसि ओर्कुन इल्‍हा इत्‍तोर, “बिमार हिल्‍वोर्कुंक डाक्‍टरना अव्‍सरम मन्‍नो गानि बिमार मत्‍तोर्कुंक डाक्‍टरना अव्‍सरम मनंता. अदुनहाटीं, मिमेट होंट, होंचि ‘नना कोरानद दया आंद, मोक्‍कु आयो,’ इंचि दर्मसास्‍त्रमते रासि मनना पोल्‍लेता अर्तमतुन तेळियागोटकुंटु. बारित्‍ते नना नीतिमंतुल्‍कुन केयालय आयो गानि पापि लोकुल्‍कुन केयालय वातन,” इंचि इत्‍तोर.

पिलिपिया 2:27

ओर बिमार अर्सि हायानाल आसि मत्‍तोर इद निजमे! गानि पेनदा दया ओनपोर्रो मत्‍ताहेंका ओन्क बतल आयाहिल्‍ले. ओर बिमारताल बेस आयाकोंटा मंचि मत्‍ते, नावा दुक्‍कम इंका बेरसि मनवळ इंचि पेन नावा पोर्रोगुडा दया हुपिच्‍चि ओन बेस कीता.

पिलिपिया 2:4

बोरे आयिर, सिराप सतता इस्‍टाल्कुना बारेमतेन आयो, गानि वेरेतोरा बारेमतेगुडा विचारम कियगोम.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

2 तेसलोनि 2:13

सामिना पावरमगल्‍ला विस्वासुल्‍कुनिटा! मिमेट पवित्र आत्माताहेंदाल पवित्र आसि, सत्‍तेमते विस्वासम इर्सि पिसालय पेन मीकुन मुन्‍नेने पेरता. अदुनहाटीं माकु मीवा बारेमते पेनदुक बस्‍केळ्‍क दन्यवाद कियमळ गावाले.

याकोब 5:12

गानि नावा विस्वासुल्‍कुनिटा! अन्‍निंकन्‍ना पेद्‍दा पोल्‍ले बतल इत्‍ते, मिमेट स्वर्गमतद आयि, बूमितद आयि आनि बदे पोल्‍लेतद आयि ओट्‍टु तिनमट. मत्‍ते मंता इंटु, हिलाकोंटे हिल्‍ले इंटु. इल्‍हा इत्‍ते पेन मीकु सिक्‍साता आदेस हिय्यो.

1 पत्रु 4:8

अन्‍निंकन्‍ना पेद्‍दा पोल्‍ले बतल इत्‍ते, वरोंक-वरोर एक्‍को पावरम कीम्‍टु, अल्हा कीते वेल्‍लेने पापाल्कुन मापि किया परकिर.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.

3 योहान 1:1

नना योहानुन, कलिसियाते बेस पोरोल होत्‍ता वरोन मनकन आंदुन. नना बोन अय्ते निजमते पावरम कींतन आ गयुसुंक इद सिट्‍टि रासेक मंतन.

पेन हुपिस्‍ता पोल्‍लें 2:9

“नीवा तिप्‍पल्‍क आनि गरिबतनम नाकु एरपाटे. (गानि निमे सिरमंतुने आंदिन) बोर अय्ते नीवा अपमानम कींतुर, मोमोट यहुदिल्क आंदुम इंचि इंतुर, गानि असल ओर आयुर. ओर देय्यमता दर्मसास्‍त्रम कराहना लोतुर आंदुर.