2 तिमोति 4:5 - पवित्र पोल्‍ले

⁵ गानि निमे बसोंटा परिस्तिति वायिना, पजोळ्क होनाकोंटा नित्‍तिसि मन. तकलिप्क वाते सहन कीम, बेसता कबुरतुन वेहाना नीवा कबळतुन कीसेके, निमे कियना पेनदा सेवाता कबळ पुरागा कीम.

2 तिमोति 4:5 Iomraidhean Croise

मत्‍तयाल 25:16

बोनकु अय्ते हेय्युं मुल्‍लें दोर्कतंगो ओर बिराने अव कोत्‍तन दंदाते दोस्‍सि, इंका हेय्युं मुल्‍लेना कल्‍दार्क संपलिच्‍तोर.

मरकुस 13:34

इद वरोर मनकनलेसीं मंता, बोर अय्ते पय्‍नेम होनाका मुन्‍ने, ओना जीतागाह्कुन केय्‍सि, बोना कबळ ओनकु अप्‍पजेपसि, लोतुन कावेल कियानोन ‘तेल्‍विते मन’ इंचि आदेस हींतोर.

मरकुस 13:37

इद नना मीक वेहतन, अल्‍हेने अंटोर्कगुडा अदे वेहासेक मंतन. तेल्‍विते मंटु,” इंचि येसु ओर्क वेहतोर.

लूकाल 12:37

मालक वातस्के एदुर हूळसेक तेल्‍विते मत्‍ता सेवाकुल्कु वेल्‍लेन आसिर्वाद दोर्कुतोर आंदुर. नना मीकु निजम वेहासेक मंतन, मालक वासि अंटोर सेवाकुल्कुन बेस उद्‍दा वेहांतोर. पजा नडिकट्‍टु दोहकुंचि ओरे सेवाकुल्कुना सेवा कियालय तयार आंतोर.

प्रेरितुल्‍कुना कबाह्‍क 21:8

इंकुंदि रोजु मोमोट अगटाल पेय्सि कैसरिया सहर होत्‍तोम. अगा होंचि मोमोट, पिलिपुस पोरोलता पेनदा सेवाकुना लोन आगतोम. ई पिलिपुस येरुसलेम सहरते गाटो पंचि दोसनाहाटीं पेरता एडुर लोप्पोटाल वरोर मत्‍तोर.

इपीसि 4:11

ओर, पेनदा सेवाहाटीं पवित्र लोकुल्‍कुन तयार कियालय आनि किरिस्‍तुना मेंदुललेसीं मनना कलिसियातोर्कुन बेस बक्‍तिते, बरोसाते बेर्सागोटनाहाटीं, इच्‍चुर्कुन प्रेरितुल्क, इच्‍चुर्कुन पेनदा कबुरतोर, इच्‍चुर्कुन बेसता कबुर वेहानोर आनि इंकिच्‍चुर्कुन बारे पास्‍टर आनि कराहनोर इंचि पेर्सि ओर्कु वराल्‍क हीतोर.

कुलुसि 1:25

पेनदा पोल्‍लेतुन मीकु पूरा वेहानाहाटीं पेन नाक अप्पजेपता जिम्मेदारिहेंदाल नना कलिसियाता सेवकुन आतन. अद पोल्‍ले वेल्‍लेन कालाल्‍कुनाल, पीळि-पीळिनाल मर्ममते मत्‍ता, गानि इंदके दाना पवित्र लोकुल्‍कुंक तेळियागोटता.

कुलुसि 4:17

अल्‍हेने अरकिपुसुंक, “सामि नीकु अप्पजेपता सेवातुन तप्‍पाकोंटा पूरा कीम,” इंचि वेहाट.

1 तेसलोनि 5:6

अदुनहाटीं मनम वेरेतोरालेसीं मींडसि मनमळ आयो गानि तेल्‍विते, उसारते मंदकोम.

1 तिमोति 4:12

नीवा लेय्यातनमहेंदाल बोरे नीकुन सिन्‍नगा हूळानायो. गानि वळ्कुमळते, ताकमळते, पावरम हूप्‍समळते, विस्वासमते, पवित्र मनमळते विस्वासुल्‍क नीकुन हूळसि करियगोम, अल्हा मन्‍नु.

1 तिमोति 4:15

इवे पोल्‍लेन निमे नीवा मनसुने इर्सि अवुना परकारमे ताकसेक मन. अस्‍के निमे बक्‍तिते बेस बेर्सनद अंटोर लोकुल्‍कुंक दिस अर्रंता.

2 तिमोति 1:8

अदुनहाटीं मना सामिना बारेमते आयि, ओनाहाटीं जेलने मनना नावा बारेमते आयि वेरेतोर्क गवाइ वेहालय बस्‍केने सिग्गु अरमा. दानकु बदुल, बेसता कबुरतुन वेहनाहाटीं पेन हीता बलमते निमे नातोनि तकलिप्क सहन कियालय तयार मन्‍नु.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

2 तिमोति 2:3

किरिस्‍तु येसुना वरोर बेस सिपाइनालेसीं निमेगुडा तकलिप्क बोगांचा.

2 तिमोति 4:17

गानि नाहेंदाल बेसता कबुर अंटोर्क एव्‍सि, दान यहुदि आयवोर अंटोर केंजगोम इंचि, सामि नाकु तोळ मंचेके नाकु बलम हीतोर. इल्‍हा नाकुन सिंहम तोळ्‍दाल कापाळतोर.

इब्रि 13:17

मीवा पेद्‍दाल्क वेहताप मिमेट ताकट. ओर्कु लोंगिस मंटु. मीवा जीवाता कावेल कियमळे ओरा जिम्मेदारि आंद. ओर्कु मीवा बारेमते, पेनदागा लेक्‍का हिय्या पींता. ओर वेहताप मिमेट ताकते, ओरा कबळ ओर कुसिते कींतुर, हिलाकोंटे ओर दुक्‍कमते कबळ कींतुर. ओर दुक्‍कमते कबळ कियानय्ते मीकु बतल पायदा वायो.

1 पत्रु 1:13

अदुनहाटीं मिमेट बेसता बुद्‍दितोनि, हुसारते मंटु. येसु किरिस्‍तु मर्रा मल्सि वातस्के मीक दोर्कना कुर्पाताहाटीं पूरा आसेते मंटु.

पेन हुपिस्‍ता पोल्‍लें 3:2

निमे तेल्‍विते मन, पेनदा मुन्‍ने नीवा कबाह्‍क पुरा आताप नाक दिस्सेक हिल्‍ले. अदुनहाटीं, मय्सि मत्‍ता कबाह्‍कुन पुरागा कीम. मायसि होनालय आता विस्वासमतुन गट्‍टिगा कीम.