2 तिमोति 3:5 - पवित्र पोल्‍ले

⁵ पलाताल पेनदा बक्‍ति कीतापे दिसंतुर गानि आ बक्‍तिता बलमतुन मात्रम नम्मुर. इसंटोरगटाल लक्‍कु मन.

2 तिमोति 3:5 Iomraidhean Croise

मत्‍तयाल 7:15

आबद्‍दम कबुरतोरागटाल उसारते मंटु. ओर मिहगा सादा गोर्रेतालेसीं वांतुर गानि ओरा लोप्पो तोडेल्‍लिता गुनम मनंता.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

2 तेसलोनि 3:14

बोरन्‍नागिंटा इद सिट्‍टिते रासता पोल्‍लेन केंजसि ताकाकोंटे, ओनपोर्रो नदर इर्राट, ओनकु सिग्गु वायागोम इंचि ओनतोनि दंटा पियमट.

2 तेसलोनि 3:6

विस्वासुल्‍कुनिटा! बोर अय्ते लंडु आसि मंतुर, मोमोट वेहता रीति-रिवाज परकारम ताकसेक हिल्‍लुर, असोंटा हरेक मनकानाल लक्‍कु मंटु इंचि मना सामि येसु किरिस्‍तुना पोरोलते मीक आदेस हीसेक मंतोम.

1 तिमोति 4:7

बक्‍ति हिल्वव अल्हेन तयार कीसि वेहना कतानाल मंटु. बस्‍केळ्‍क बक्‍ति पिस्वरते मुन्‍नेळ्‍क ताकाना कोसिसते मंटु.

1 तिमोति 4:8

बारित्‍ते मेंदुलताहाटीं कियना टेरनिंगते गोडच्‍चेन पायदा मंता. गानि पेनदा बक्‍ति कीते, अव्टे अन्‍नि तीरकुना पायदा मंता. इंदकेटा पिस्वर आनि मुन्‍नेटा पिस्वरहाटीं पेन हीता पोल्‍ले अव्टे कलियसि मंता.

1 तिमोति 5:8

ओक्‍कला बोरन्‍ना ओना हेडमितोर्कुन बेस हूळकुनाकोंटे, विसेस कीसि सतता लोतोर्कुन बेस हूळकुनाकोंटे, ओर विस्वासमता कदर कियवोर आंतोर. अचोने आयका विस्वासम कियवोंकन्‍ना एक्‍को कराब मनकना लेक्‍काते वांतोर.

1 तिमोति 6:5

आनि इसोंटोरा नड्‍डुम बस्‍केळ्‍क लोल्‍लिं-जगडाल्‍क आसेकेन मनंतां. इंका इसंटोरा बुद्‍दि हेळसोंचि, ओर निजमताल लक्‍कु आतोर आंद. अदुनहाटीं ओर पेनदा बक्‍तितुन कमाइ कियना उंदि हर्रि इनकुंतुर.

2 तिमोति 2:16

बक्‍ति हिलुवा वट्‍टि पोल्‍लेनाल तप्पिच्‍कुन, असोंटा पोल्‍लें लोकुल्‍कुन हेळाहचि पेनदागटाल इंकिच्‍चो लक्‍कु कींतां.

2 तिमोति 2:23

तेल्वि तक्‍को अल्हेन बेकार पोल्‍लेनाल लक्‍कु मन. नीकु अय्ते एरपाटे, असोंटा पोल्‍लें वाद-विवाद जगडाल्‍कुन पुटसंतां.

तीतु 1:16

पेन माकु एरपाटे इंचि ओर वेहांतुर, गानि ओरा कियना कबाह्‍क हूळते, ओर पेनदुन एरपाट किय्युर इत्‍तद दिस अर्रंता. ओर हय्सवोर, वेहता पोल्‍ले केंजवोर आंदुर, ओर असल बदे बेस कबळ कियनालायक हिल्‍लुर.

तीतु 3:10

अल्हा चुगली कीसि वेरे-वेरे कियालय हूळानोंक, उंदि-रोंड मल्कां दटांचा. केंजाकोंटे, ओर मनकल हर्रि तप्‍सि पापम कीसंतोर, ओनद-ओरे दोस्‍सि इंचि हुपिच्‍कुंचंतोर इंचि एरपाट कीसि ओना दंटा होळसीम.