2 तिमोति 3:14 - पवित्र पोल्‍ले

¹⁴ गानि निमे बतल करियतिनो, बतल विस्वासम कीतिनो आनि अवुन निमे बोनहेंदाल करियतिन नीकु एरपाट मंता. अवुने उंदेतीर ताकसेक मन.

2 तिमोति 3:14 Iomraidhean Croise

प्रेरितुल्‍कुना कबाह्‍क 17:31

अद पेर्कुत्‍ता मनकनाहेंदाल, इद दुनियाते मनना हरेक मनकना न्‍यायम नीतिते कियानाहाटीं पेन उंदि रोजुन पिक्‍स कीता. अचोने आयका अद पेर्कुत्‍ता मनकन हातोराव्टेटाल मर्रा जीवा अरहचि अंटोर मनकालोर्कुंक अद हीता पोल्‍लेतुन रुजुव कीता.”

रोम सहरतोरहाटीं पौलुसना सिट्‍टि 14:5

बोरो-बोरो बदाना उंदि रोजुन अन्‍नि रोजकुंकन्‍ना बेसता रोजु इंतुर. इंका बोरो बारे अन्‍नि रोजुक उंदेतीर समानमे इंचि इंतुर. बोरे आयिर मी मनसुने बद बेसतद इंचि अनपिस्‍ते अल्हेन कीम्‍टु.

कुलुसि 2:2

इद कस्‍टम बारि कीसेके इत्‍ते, मिमेट मीवा विस्वासमते दैरनेमते मनना, मिमेट पावरमते वरोंक-वरोर कलियसि मंदना, मीक पूरा बुद्‍दिता पूरा दनम दोर्कना, पेनबाबाना मर्मम इत्‍ते किरिस्‍तुना लोप्पो मक्‍किस मत्‍ता बुद्‍दि, तेल्‍विता कजानातुन एरपाट कियाना.

1 तेसलोनि 1:5

बारित्‍ते, मोमोट वेहता बेसता कबुर सिराप पोल्‍लेनतोने आयो गानि ताकतते, पवित्र आत्माते आनि पूरा गट्‍टि विस्वासमते मिहगा वाता. मोमोट मीवा नड्‍डुम मंचेके बल्हा ताकतोम मीक एरपाटे मंता.

1 तेसलोनि 2:13

बस्के अय्ते पेनदा पोल्‍ले मावाहेंदाल मिहगा एव्ता, अस्‍के अद मनकालोराहेंदाल वातद आयो, गानि पेनदाहेंदाल वाता निजम पोल्‍ले आंद इंचि मिमेट केंजसि ओप्कुत्‍तिर. अदुनहाटीं मोमोट पेनदुक बस्‍केळ्‍क दन्यवाद कींतोम. मीवा विस्वासुल्कुना नड्‍डुम पेनदा पोल्‍लेगुडा कबळ कीसेके मंता.

1 तिमोति 4:16

निमे नीवा पिस्वर बारेमते आनि निमे वेहना पोल्‍लेन बारेमते वेल्‍ले जेर्गताते मन. अल्हा मत्‍तिनित्‍ते, नीवद निमे कापाळकुंतिन, नीवा पोल्‍लें केंजानोर्कुनगुडा कापाळंतिन.

2 तिमोति 1:13

किरिस्‍तु येसुना लोप्पो मनना विस्वासम आनि पावरमताहेंदाल निमे बव सत्‍तेम पोल्‍लें अय्ते नाहेकेटाल केंजतिनो, अवुन पीसि वेरेतोराहाटीं मन्‍नु.

2 तिमोति 2:2

वेल्‍लेन मंदि लोकुल्‍कुना मुन्‍ने नाहेंदाल निमे केंजता पोल्‍लेन, बोर अय्ते वेरेतोर्क कराह परांतुर, असोंटा विस्वासमलायक मनानोर्कुंक अप्पजेप्पा.

2 तिमोति 3:15

अचोने आयका, निमे सिन्‍नास्केटाल पवित्र दर्मसास्‍त्रमता पोल्‍लेन करियतोन आंदिन. अव नीकु किरिस्‍तु येसुनपोर्रो विस्वासम इरते दोर्कना मुक्‍तितुन दोर्किच्‍कुननाहाटीं बुद्‍दि, तेल्वि हींतां.

तीतु 1:9

इंका ओन्क कराहता सत्‍तेम पोल्‍लेतुन ओर विस्वासमते गट्‍टिगा पीसि मनगोम. अल्हा मत्‍तेने ओर लोकुल्‍कुंक सत्‍तेम पोल्‍लें वेहचि ओर्क कराह पर्रांतोर आनि एदुर वळकानोरा तोड्‍डिं मुच्‍चा पर्रांतोर.

इब्रि 10:22

अदुनहाटीं मनम सत्‍तेम मनसुने, पुरागा विस्वासमते, इंका मना विवेकमतुन दोसेम हिलाकोंटा कियानाहाटीं मना मनसुनपोर्रो किरिस्‍तुना नेत्‍तुर सल्सि, इंका मेंदुल्तुन बेस साप एते नोर्सि पेनदा दग्गेर्क दाकोम.

इब्रि 6:11

मनम बदुनाहाटीं अय्ते आसे पळसि एदुर हूळसेक मंतोमो अद दोर्कनदाका, मी लोप्पोटा हरेक मनकल पुरागा गट्‍टि आसेते आकिरदाका कोसिस कीसेके मनना इंचि मोमोट मनसुनाल कोरसंतोम.