2 तिमोति 3:10 - पवित्र पोल्‍ले

¹⁰ गानि निमे नावा कराहमळतुन, ताकमळतुन, नना पिस्सना उद्‍देसमतुन, विस्वासमतुन, ओप्केतुन, पावरमतुन, नावा दैरनेमतुन,

2 तिमोति 3:10 Iomraidhean Croise

प्रेरितुल्‍कुना कबाह्‍क 11:23

ओर अगा होंचि अगाटा लोकुल्‍कुनपोर्रो पेनदा कुर्पा हूळसि इरगा कूस आतोर, सामिनतोनि बस्‍केळ्‍ताहाटीं पूरा मनसुनाल बेस विस्वासमते नित्‍तिसि मनना, इंचि ओर्क अंटोर्क दैरनेम हीतोर.

प्रेरितुल्‍कुना कबाह्‍क 2:42

ओर अंटोर, प्रेरितुल्कुना कराहमळते, कूळमळते, हारि उरुहमळते आनि पारतना कियमळते उंदि आसि मनुंदुर.

प्रेरितुल्‍कुना कबाह्‍क 20:18

ओर अंटोर वातारित्‍ते पौलुस ओरतोनि इल्‍हा वळकालय दल्‍गतोर. “नना आसिया एरियाते वातस्के, मोदाटा रोजुनाल मीवातोनि उंदि-उंदि निमसम बल्हा मत्‍तन, इद मीकु एरपाटे मंता.

प्रेरितुल्‍कुना कबाह्‍क 26:4

नना सिन्‍ना मत्‍तस्केटाल नावा लोकुल्‍कुनतोनि येरुसलेमते मत्‍तन. अदुनहाटीं नावा ताकमळ, नावा पिस्वर बल्हा मत्‍ता अंटोर यहुदिल्कुंक एरपाटे मंता.

रोम सहरतोरहाटीं पौलुसना सिट्‍टि 16:17

विस्वासुल्‍कुनिटा! इच्‍चुर लोकुल्‍क मिमेट करियता पोल्‍लेन हेळाहलय ई पोल्‍लेंक विरोदमते वेरे पोल्‍लें वेहचि मीलोप्‍पो वरोनद-वरोंक अर्राकोंटा कींतुर. असंटोरतोनि उसारते मंचि, ओर्क लक्‍कु मंटु इंचि नना मीकु विनंति कीसेक मंतन.

2 कुरेंति 1:17

नना इव पिलानकु बतले विचारम कियाकेने कीतोर इंचेके मंतिरा? दुनियाता लोकुल्‍कुनालेसीं उंदि मल्का “हो” इंचि इंकुंदि मल्का “हिल्‍ले” इंचि इनानोन आयोन.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

पिलिपिया 2:20

मीवा बेसताहाटीं मनसुनाल चिंता कियानोर नहगा ओन्क तप्‍पा वेरे बोरे हिल्‍लोर.

पिलिपिया 2:22

गानि तिमोति असंटोर आयोर. वरोर मर्रि बाबनतोनि कलियसि कबळ कीताप, ओर बेसता कबुर वेहना सेवाते नावातोनि इमानदारिते कस्‍टपळतोर. ओना गुनम बसंटदो मीकु बेस एरपाट.

1 तेसलोनि 1:5

बारित्‍ते, मोमोट वेहता बेसता कबुर सिराप पोल्‍लेनतोने आयो गानि ताकतते, पवित्र आत्माते आनि पूरा गट्‍टि विस्वासमते मिहगा वाता. मोमोट मीवा नड्‍डुम मंचेके बल्हा ताकतोम मीक एरपाटे मंता.

1 तिमोति 1:3

नना मेसिडोनिया राज्येम होननेंके नीकु नना विनंति कीसि वेहतन. दाना परकारम निमे इपीसि सहरते मन्‍नु. निमे अगा मत्‍ते, बोर अय्ते सत्‍तेमकु बदुल वेरे बोदां कराहंतुर, ओर्कुन अल्हा कराहकोंटा आपा.

1 तिमोति 4:6

ओक्‍कला निमे इव आदेसकुन विस्वासुल्कुंक कराहनय्ते, निमे विस्वासम कियना बव पोल्‍लें आनि सत्‍तेम बोदानापोर्रो ताकंतिनो अवुनहेंदाल बेरसता, येसु किरिस्‍तुना वरोर बेस सेवक आकिन.

1 तिमोति 6:11

गानि निमे पेनदा बक्‍ति कियाना मनकन आंदिन. इव अन्‍नि सेड्‍डातनाल्कुनाल लक्‍कु मंचेके नीतिते, बक्‍तिते, विस्वासमते, पावरमते, दैरनेमते आनि सादा-सिंपल पज्जो ताका.

2 तिमोति 2:22

लेय्यातनमते वायाना कराब इच्‍चानाल लक्‍कु मन. पवित्र मनसुने सामिंक आरादना कीसेके मनानोरतोनि कलियसि नीतिते, विस्वासमते, पावरमते, सांतिते मनालय कोसिस कीम.

2 तिमोति 4:2

पेनदा पोल्‍लेतुन, टाइम दोर्किना दोर्काकोन्‍ना प्रचार कियालय तयार मन, अन्‍नि तीरकुना ओप्‍केते ओर्कु कराहसेके, दटांच्‍सेके तेळियागोट्‍सि वेहा.

2 तिमोति 4:3

नना इल्‍हा बारि वेहासेक इत्‍ते, बेस बोदातुन लोकुल्‍क केंजुर असोंटा कालम वायना मंता. ओर ओरा मनसुंक वाताप ताकंतुर, ओरां दुर्दा केव्कुंक बतल अय्ते केंजमळ इस्‍टमो, असोंटा पोल्‍लें कराहना गुरुल्‍कुन सततातोनि कल्‍पकुंतुर.

2 तिमोति 4:7

सामिना पोर्रोटा विस्वासम बारेमता लडाइते, नना लडाइ बेस कीतन, नना बेस वित्‍तुतन. नावा विस्वासमतुन नना कापाळकुत्‍तन.

तीतु 2:7

बेस कबाह्‍क कीसि निमे अन्‍नि पोल्‍लेने ओराहाटीं उंदि उदाहरनलेसीं मन्‍नु. नीवा कराहमळ सत्‍तेम आनि लोकुल्‍क बेस केंजनालायक मनगोम.

इब्रि 13:9

अदुनहाटीं, वेरेतोर वासि कराहना रका-रकाल्कुना बोदां केंजसि मिमेट गयबेत आयमट. बोनके बतल पायदा वायवा, तिंदाना नियमकुन पीसि तनलाळसेक मत्‍ते मना मनसुंकु ताकत दोर्को, गानि पेनदा कुर्पातेन मनसुंकु ताकत वांता.

2 पत्रु 3:11

इवन्‍नि नासडेम आयाना मंता, अदुनहाटीं मिमेट पवित्र अल्हेन पेनदा पिस्वरते बल्हा मंदगोम, विचारम कीम्‍टु.