2 तिमोति 2:9 - पवित्र पोल्‍ले

⁹ इदे बेसता कबुर वेहताहाटीं नना जेलुंक होत्‍तन. वरोर तप्पु कीतोना कय्‍कुंक वाटताप नावा कय्‍कुंक बेडीं वाटतुर. गानि पेनदा पोल्‍ले मात्रम बेडिने दोह्‍चि हिल्‍ले.

2 तिमोति 2:9 Iomraidhean Croise

लूकाल 23:32

पेद्‍दा तप्पु कीता इंका इव्वुर मनकालोर्कुनगुडा हामुर सिक्‍सा हिय्यालय येसुनतोनि ओसेक मत्‍तुर.

प्रेरितुल्‍कुना कबाह्‍क 21:33

पजा आ सिपाइल्कुना अदिकारि पौलुसनगा होंचि ओन पीसि गोल्सुकुने दोहनाहाटीं आदेस हीतोर. आयंका ओर लोकुल्‍कुन, ईर बोर आंदुर, ईर बतल कीतोर? इल्‍हा पूसकीतोर.

प्रेरितुल्‍कुना कबाह्‍क 28:31

वेरियाकोंटा, आगाकोंटा पेनदा राज्येम बारेमते वेहुंदुर, येसु किरिस्‍तुना बारेमते कराहुंदुर.

प्रेरितुल्‍कुना कबाह्‍क 9:16

नावा पोरोल एतानाहाटीं ओन्क बच्‍चोर कस्‍टाल्‍क अर्रा पींतानो नना कुद ओन्क हुप्‍संतन,” इंचि इत्‍तोर.

इपीसि 3:1

मिमेट यहुदिल्क आयिर. अय्नागानि मीकु किरिस्‍तु येसुना बारेमता बेसता कबुर वेहताहाटीं नना पौलुस, जेलने बंद मंतन.

पिलिपिया 1:17

गानि नापोर्रो कळ्‍क पोत्‍सि, किरिस्‍तुना बारेमता पोल्‍लेतुन वेहना लोकुल्‍क मात्रम नना जेलने मननेंके नाकु इरगा तकलिप आयागोम इंचि, ओरा सतता पाय्दाहाटीं अल्हा कीसंतुर.

पिलिपिया 1:7

नना मीवा बारेमते इल्‍हा विचारम कियमळ बेसे आंद. बारित्‍ते, नना जेलने मत्‍तस्के आयि, बेसता कबुर वेहचि अव्टे मत्‍ता निजमतुन हुपिच्‍चि कापाळसेके तिरियतस्के आयि, इव अन्‍निटवुने पेनदाहेंदाल कुर्पा दोर्कता, अवुने नावातोनि मिमेटगुडा तोळ मंतिर. अदुनहाटीं मिमेट इत्‍ते नाकु वेल्‍लेन पावरम!

कुलुसि 4:18

नना पौलुसुन, नावा कय्‍देन रासि मीकु जोहार वेहासेक मंतन, नना जेलते मंतन इंचि पारतनाते मति कीम्‍टु. पेनदा कुर्पा मीवातोनि मन्‍निकांटी. आमेन.

कुलुसि 4:3

नना किरिस्‍तुना मर्ममता पोल्‍ले वेहताहाटीं जेलते मंतन, इदे पोल्‍लेतुन मोमोट अंटोर्क वेहानाहाटीं पेन माकु मोका हिय्यि इंचि मावाहाटींगुडा पारतना कीम्‍टु.

1 तेसलोनि 1:8

बारित्‍ते मीहेंदाल सामिना पोल्‍ले सिराप मेसिडोनिया आनि अकाया राज्येमतेन एवता इंचि आयो गानि पेनदापोर्रोटा मीवा विस्वासमता बारेमते अन्‍नि जेगाने तेळियसि होत्‍ता. अदुनहाटीं मोमोट मीक वेहाना बतल अव्‍सरम हिल्‍ले.

2 तेसलोनि 3:1

विस्वासुल्‍कुनिटा! मीक आकिरते वेहानद बतल इत्‍ते, सामिना पोल्‍ले मीलोप्‍पो पैलांचतापे, वेरेतोरा लोप्‍पोगुडा बिराना पैलांचि पेद्‍दातनम दोर्कनाहाटीं पारतना कीम्‍टु.

2 तिमोति 1:12

इदुनाहाटींगे नना इद जेलते तकलिप्क बोगांचेक मंतन. अय्नागानि नना सिग्गु अर्रोन. बारित्‍ते नना बोनपोर्रो विस्वासम इरतन ओर नाकु एर्के. इंका ओर नाकु बतल अय्ते अप्पजेपतोरो अदुन, मल्सि वायाना आ रोजु वायनदाका कापाळा परांतोर इंचि नाकु बरोसा मंता.

2 तिमोति 1:16

नावा कय्‍कुंक बेडीं वाटसि मंतां इंचि सिग्गु अर्राकोंटा, उनेसिपुरुस इनानोर, नाकु ऊके-ऊके कलियसि नाकु वेल्‍लेन दैरनेम हीतोर. सामि ओना कुटुंबमपोर्रो दया हुप्‍सिरकांटी.

2 तिमोति 1:8

अदुनहाटीं मना सामिना बारेमते आयि, ओनाहाटीं जेलने मनना नावा बारेमते आयि वेरेतोर्क गवाइ वेहालय बस्‍केने सिग्गु अरमा. दानकु बदुल, बेसता कबुरतुन वेहनाहाटीं पेन हीता बलमते निमे नातोनि तकलिप्क सहन कियालय तयार मन्‍नु.

2 तिमोति 2:3

किरिस्‍तु येसुना वरोर बेस सिपाइनालेसीं निमेगुडा तकलिप्क बोगांचा.

2 तिमोति 4:17

गानि नाहेंदाल बेसता कबुर अंटोर्क एव्‍सि, दान यहुदि आयवोर अंटोर केंजगोम इंचि, सामि नाकु तोळ मंचेके नाकु बलम हीतोर. इल्‍हा नाकुन सिंहम तोळ्‍दाल कापाळतोर.

1 पत्रु 2:12

मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.

1 पत्रु 3:16

गानि मिमेट किरिस्‍तुना लोप्पो बेस पिसमळतुन हूळसि बोर अय्ते मीवा अपमानम कींतुर, असंटोर्क मीवा ताकमळतुन हूळसि सिग्गु वायानाल मीवा विवेक बुद्‍दितुन बेस इर्सि ताकट.

1 पत्रु 4:15

गानि मीवा लोप्पोटोर बोरे आयिर, हव्कताहेंका, दोंगातनम कीताहेंका, तप्‍पुड कबळ कीताहेंका, वेरेतोरा कबळते कय वाटताहेंका दुक्‍कम बोगांचा मन्‍नि.