2 तिमोति 2:8 - पवित्र पोल्‍ले

⁸ नना वेहता बेसता कबुर परकारम, दाविद राजाना वंसंमते पुटसि, हामुरताल मर्रा जीवाते तेदता येसु किरिस्‍तुन मतिते इर्रा.

2 तिमोति 2:8 Iomraidhean Croise

मत्‍तयाल 1:1

येसु किरिस्‍तुना पेद्‍दाल्कुना तंतुल्क इल्‍हा मंतां. येसुना एनकटा मातिर-दादाल अब्राहाम आंदुर. अब्राहामुना तंतुनाल दाविद राजाल पुटतोर, दाविदुना तंतुनाले येसु सामि वातोर.

लूकाल 24:46

हीसि ओर्कुन इल्‍हा इत्‍तोर. “दर्मसास्‍त्रमते रासि मत्‍ताप, किरिस्‍तुंक वेल्‍लेन तकलिपकु वासि ओर हायानुर, पजा मूड रोजकुने मर्रा जीवाते तेदानुर इद अदे पोल्‍ले आंद.

प्रेरितुल्‍कुना कबाह्‍क 13:23

“पेन हीता पोल्‍ले परकारम ईना वंसमताले इस्राएल लोकुल्‍कुंक मुक्‍ति हियानोर इंचि येसुन, पेन लोहता.

प्रेरितुल्‍कुना कबाह्‍क 2:24

गानि येसुन पेन हामुटाल अलग कीसि मर्रा जीवाते तेहाता, अदुनहाटीं हामुर ओन इर्रा पराहिल्‍ले.

प्रेरितुल्‍कुना कबाह्‍क 2:30

ओर पेनदा कबुरतोर मत्‍तोर. ओना वंसमताल वरोन राजगद्‍देपोर्रो उप्‍संतन इंचि पेन ओट्‍टु तिंचि पोल्‍ले हीता, अद ओन्क एरपाटे मत्‍ता.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

रोम सहरतोरहाटीं पौलुसना सिट्‍टि 2:16

नना वेहना बेसता कबुर परकारम, बोर्क तेळियाकोंटा मनकालोर्क कीता कबाह्‍कुन पोर्रोटाल, अद रोजुने पेन येसु किरिस्‍तुनाहेंदाल लोकुल्‍कुना न्‍यायम किय्‍यार.

1 कुरेंति 15:1

विस्वासुल्‍कुनिटा! नना मीक वेहता बेसता कबुरतुन मर्रा उंदि मल्का मति कीसि हीसेक मंतन. अद बेसता कबुरतुन ओप्कुत्‍तिर, अवने गट्‍टिगा निल्सिगुडा मंतिर.

1 कुरेंति 15:4

बोंदा दोस्तुर, दर्मसास्‍त्रमते रासताप मूडो रोजुने जीवातेगुडा तेदतोर.

2 तेसलोनि 2:14

इल्‍हा मिमेट मना सामि येसु किरिस्‍तुना महिमातुन दोर्किच्‍कुनना इंचि, पेन मोमोट वेहता बेसता कबुरताहेंदाल मीकुन केयता.

1 तिमोति 1:11

तल्‍सकुननालायक पेनदाहेंदाल वाता महिमामय बेसता कबुरतुन नना कराहना इंचि नाकु अप्पजेपमळ जर्गता.

1 तिमोति 2:7

इदे गवाइतुन वेहनाहाटीं, नाकुन प्रचार कियानोर प्रेरित इंचि पेरमळ जर्गता. इंका यहुदि आयवोर्कुंक विस्वासम आनि सत्‍तेमता बारेमते कराहनोर इंचि निलाहमळ जर्गता. नना निजम वेहचंतन, आबद्‍दम वेहासेक हिल्‍लेन.

2 तिमोति 1:8

अदुनहाटीं मना सामिना बारेमते आयि, ओनाहाटीं जेलने मनना नावा बारेमते आयि वेरेतोर्क गवाइ वेहालय बस्‍केने सिग्गु अरमा. दानकु बदुल, बेसता कबुरतुन वेहनाहाटीं पेन हीता बलमते निमे नातोनि तकलिप्क सहन कियालय तयार मन्‍नु.

2 तिमोति 2:7

नना वेहना पोल्‍लेना बारेमते विचारम कीम, अन्‍नि पोल्‍लें तेळियानाहाटीं सामि नीकु बुद्‍दि हियानुर.

पेन हुपिस्‍ता पोल्‍लें 5:5

अस्‍के “निमे अळमा. हूळा! आ गुंडूर्गा हुट्‍सि मत्‍ता पुस्तकमपोर्रोटा सिक्‍कान नेम्‍हाचि अदुन विच्‍चिसि हूळानाहाटीं दाविदना वंसंमतोर, यहुदाना गोत्रमता सिंहम इंचि पोरोल होत्‍तोर वरोर, गेल्सि मंतोर” इंचि आ पेद्‍दाल्कुना अव्टेटाल वरोर नाकुन इत्‍तोर.