2 तिमोति 2:3 - पवित्र पोल्‍ले

³ किरिस्‍तु येसुना वरोर बेस सिपाइनालेसीं निमेगुडा तकलिप्क बोगांचा.

2 तिमोति 2:3 Iomraidhean Croise

प्रेरितुल्‍कुना कबाह्‍क 23:31

सिपाइल्कुंक बल्हा आदेस हीतोर, अल्‍हेने पौलुसुन पीसि नर्कटद-नर्केन अंतिपत्रि सहरते ओतुर.

1 कुरेंति 13:7

पावरम अन्‍नि पोल्‍लें सहन किया वेहंता, अन्‍नि पोल्‍लेनपोर्रो विस्वासम किया वेहंता. अन्‍नि पोल्‍लेनपोर्रो आसे इर्रा वेहंता, अन्‍नि पोल्‍लेने ओप्‍केते इर्रंता.

1 कुरेंति 9:7

बोर ओना संतम कोत्‍तां कर्स कीसि सिपाइना नौकरि कींतोर? बोर अंगुरता बगिचा कीसि अंगुर पंडिं तिनाका मनंतोर? आनि बोर गोळ्कु-गोर्रें पोसकीसि अवुना पाल उनाका मनंतोर? बोरे मन्‍नोर.

2 कुरेंति 1:6

मीक सांति आनि मुक्‍ति दोर्कागोम इंचे मोमोट तकलिप बोगांचेके मंतोम. माक सांति दोर्कता इत्‍ते, अद मीवा सांतिताहाटींगे आंद. इदुनहेंदाल बद तकलिपतुन अय्ते मोमोट ओर्सकुत्‍तोम, मिमेटगुडा अदे तकलिपतुन ओप्‍केते ओर्सकुना परांतिर.

1 तिमोति 1:18

कोको तिमोति! पेनदा कबुरतोर नीवा बारेमते मुन्‍ने बव पोल्‍लें अय्ते वेह्‍चि मत्‍तुरो, आ पोल्‍लेना परकारम, निमे नीवा विस्वासमतुन गट्‍टिगा पीसि, मनसुना बेस पोल्‍ले पीसि वरोर बेस सिपाइलेह्का लडाइ कीसेके मनना इंचि नना नीकु आदेसतुन अप्पजेपसंतन. बारित्‍ते मनसुना पोल्‍लेतुन हय्सका वेल्‍लेन मंदि लोकुल्‍क, उंदि डोंगा रोंडु तुकडां आसोत्‍ताप, ओर ओरा विस्वासमतुन नासडेम कीकुत्‍तुर.

2 तिमोति 1:1

पेनदा इच्‍चाताहेंदाल किरिस्‍तु येसुना प्रेरित आता पौलुसना इद सिट्‍टि आंद. किरिस्‍तु येसुनपोर्रो विस्वासम इरते, बस्‍केळ्‍क पिस्सना पिस्वर दोर्कंता इंचि पेन पोल्‍ले हीसि मत्‍ता, इदुना बारेमते वेहनाहाटीं नाकुन लोहचियमळ जर्गता.

2 तिमोति 1:8

अदुनहाटीं मना सामिना बारेमते आयि, ओनाहाटीं जेलने मनना नावा बारेमते आयि वेरेतोर्क गवाइ वेहालय बस्‍केने सिग्गु अरमा. दानकु बदुल, बेसता कबुरतुन वेहनाहाटीं पेन हीता बलमते निमे नातोनि तकलिप्क सहन कियालय तयार मन्‍नु.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

2 तिमोति 2:9

इदे बेसता कबुर वेहताहाटीं नना जेलुंक होत्‍तन. वरोर तप्पु कीतोना कय्‍कुंक वाटताप नावा कय्‍कुंक बेडीं वाटतुर. गानि पेनदा पोल्‍ले मात्रम बेडिने दोह्‍चि हिल्‍ले.

2 तिमोति 3:11

नना अंताकिया, इकोनिया आनि लिसरा इनना सहरकुने बोगांच्‍ता तकलिप्क, नना अरता बादां, इव अन्‍नि नीकु एरपाटे मंतां. आयना इव अन्‍नि तकलिपकुनाल सामि नाकुन कापाळतोर.

2 तिमोति 4:5

गानि निमे बसोंटा परिस्तिति वायिना, पजोळ्क होनाकोंटा नित्‍तिसि मन. तकलिप्क वाते सहन कीम, बेसता कबुरतुन वेहाना नीवा कबळतुन कीसेके, निमे कियना पेनदा सेवाता कबळ पुरागा कीम.

इब्रि 10:32

मिमेट बेसता कबुर केंजसि पेनदा वेलगुन दोर्किच्‍कुत्‍ता आ एनकटा रोजकुन मति कीम्‍टु, अव रोजकुने बच्‍चुंगो तकलिपकु वातां, अयना मिमेट ओर्सकुत्‍तिट.

इब्रि 11:27

विस्वासमहेंदाले, इजिप्‍त देसेमता राजाल होंगुंक वायिनागानि, वेरियाकोंटा मूसाल इजिप्‍त देसेम होळसीतोर. बोर्के दिसुवा पेन ओन्क दिसताप, ओर गट्‍टि दैरनेमते मत्‍तोर.

इब्रि 6:15

इल्‍हा अब्राहाम वेल्‍ले ओप्‍केते एदुर हूळतोर इंचि पेन ओन्क हींतन इंचि पोल्‍ले हीतद ओन्क दोर्कुता.

याकोब 1:12

बोर अय्ते परिक्‍सां वातस्के अवुन ओर्सकुंतोर, ओर आसिर्वाद दोर्कतोर आंदुर. बारित्‍ते परिक्‍साने गट्‍टिगा नित्‍तिसि मंचि बोर अय्ते पेनदुन पावरम कींतोर, ओनकु पिस्वरता किरिटम हींतन इंचि पेन पोल्‍ले हीसि मत्‍ता, अद ओनकु हिय्यार.