2 तिमोति 2:25 - पवित्र पोल्‍ले

²⁵ नीवा विरोदमते वळ्कानोर्कुंक सांत मनसुने तेळियागोट्‍सि वेहा. सत्‍तेमता बारेमते तेल्‍पिचकुननाहाटीं पेन ओर्कु मार मनसु हिय्यार.

2 तिमोति 2:25 Iomraidhean Croise

मत्‍तयाल 11:29

ना कांडी मिमेट तेहाकुंचि नावातोनि करियट, नना बेस आनि सादा-सिंपल मंतन. इंका नावा कांडी सवरगा मंता नावा बर्वु अल्कगा मंता. इंचि मी आत्माकु सांति दोर्कंता.”

मत्‍तयाल 21:32

योहान मीकु सत्‍तेमता हर्रि हुप्‍सालय वातोर, ओन मिमेट नम्मा हिल्‍लिर. गानि बोगामोताह्क, कर वसुल कियानोर बारे ओन नमतुर, इद मीकु एर्के. अय्नागानि मीवा मनसु बदलांचि योहानुन नम्‍मालय मिमेट तयार आया हिल्‍लिर,” इंचि येसु इत्‍तोर.

योहान 5:34

मीकु मुक्‍ति दोर्कगोम, इंचि इव पोल्‍लें नना मीकु वेहासेक मंतन अचोने. गानि नावा बारेमते लोकुल्‍कुना गवाइता अव्‍सरम नाकु हिल्‍ले.

प्रेरितुल्‍कुना कबाह्‍क 11:18

ई पोल्‍लें केंजसि ओर अंटोर सपुडदाका आतुर. पेन वेरे जातितोर्कगुडा पिस्वर दोर्किच्‍कुननाहाटीं मनसु मार्सकुनना वरम हीता, इंचि पेनदा स्‍तुति कीतुर.

प्रेरितुल्‍कुना कबाह्‍क 2:38

अस्‍के पत्रु, “मिमेट कीता पापाल्क मापि आयगोम इंचि मनसु मार्सकुंचि पेनदाहेके तिरियट, मिमेट अंटोर येसु किरिस्‍तुना पोरोलते बापतिस्मा एतट. अल्हा कीतिरित्‍ते मीकु पवित्र आत्माता वरम दोर्कंता.

प्रेरितुल्‍कुना कबाह्‍क 20:21

पापाल्कुनाल मनसु मार्सकुंचि पेनदाहाटीं पिस्‍सट, अल्‍हेने मना येसु सामिना पोर्रो विस्वासम कीम्‍टु इंचि नना यहुदिल्कुंक, युनानि लोकुल्‍कुंक गवाइ हीसि वेहुंदुन.

प्रेरितुल्‍कुना कबाह्‍क 5:21

पेनदा दूता वेहतद केंजसि ओर पोळ्‍दु पेय्सतंका गुळिते होंचि लोकुल्‍कुंक कराहलय दल्‍गतुर. हीके, पेद्‍दा पेर्माल आनि ओना दंटातुर, इस्राएलता अंटोर पेद्‍दाल्कुन पंचादिते केय्‍सि, प्रेरितुल्कुन जेलनाल तायालय लोहतुर.

प्रेरितुल्‍कुना कबाह्‍क 5:31

हामुरताल तेहचि ओने पेन, राजाल आनि पिसागोटनोर इंचि निलाहता. मावा इस्राएलता दादालोर्कुंक मनसु मार्सकुनालय, पापाल्कुनाल मापि कियालय पेनदा तिना बाजुंक ओन कदर हीसि उपिस्ता.

प्रेरितुल्‍कुना कबाह्‍क 8:22

निमे कराब विचाराल्क कियमळ होळसिसि मनसु मार्सकुंचि पेनदुक पारतना कीम. अस्‍के नीवा इसोंटा विचाराल्कुनहाटीं नीकु मापि दोर्का पर्रार.

गलातिया 6:1

गानि विस्वासुल्‍कुनिटा! मीलोप्‍पो बोरन्‍ना पापम कीते, पेनदा आत्माते ताकानोर मिमेट होंगुंक वायाकोंटा ओनगा होंचि ओन बेस समजांचि, सत्‍तेम हर्दे तटु. अल्‍हेने मिमेटगुडा असोंटा परिक्‍साते अर्रामन्‍नि इंचि, उसारते मंटु.

1 तिमोति 2:4

लोकुल्‍क अंटोर्कुंक मुक्‍ति दोर्कना आनि निजमतुन एरपाट कियना इंचि पेनदा इच्‍चा मंता.

1 तिमोति 6:11

गानि निमे पेनदा बक्‍ति कियाना मनकन आंदिन. इव अन्‍नि सेड्‍डातनाल्कुनाल लक्‍कु मंचेके नीतिते, बक्‍तिते, विस्वासमते, पावरमते, दैरनेमते आनि सादा-सिंपल पज्जो ताका.

2 तिमोति 3:7

इव मुर्ताह्क बस्‍केळ्‍क करियसेकेन मनंतां, गानि सत्‍तेम बतल अव तेल्‍पिचकुन्‍नों.

तीतु 1:1

नना पौलुस, पेनदा दासुन आनि येसु किरिस्‍तुना प्रेरित आंदुन. पेन पेरता लोकुल्‍कुना विस्वासमतुन बेर्सागोटलय, ओर्क सत्‍तेमता बारेमते तेळियागोट्‍सि वेहालय नाकुन लोहमळ जर्गता.

तीतु 3:2

बोर्कुने बदनाम कियानायो, बोरतोने जगडाल्‍क कियानायो, मेत्‍तटा गुनम मंदना आनि अंटोरतोनि सादा-सिंपलते कलियसि मंदना इंचि ओर्क वेहा.

याकोब 1:17

हरेक बेसता वरम आनि अन्‍निंकन्‍ना बेसता इनाम पोर्रोटाले वांता, वेल्‍गुल्कुना पेनबाबानगटाल वांता, ओनालोप्‍पो बतले तेडा हिल्‍ले, ओर नीडातालेसीं बदलांचानोर आयोर.

1 पत्रु 3:15

गानि मीवा मनसुने किरिस्‍तु मावा सामि इंचि ओनकु कदर हीम्टु. येसुना पोर्रोटा मीवा आसेता बारेमते बोरन्‍ना मीकुन पूसकीते, मिमेट सादा-सिंपल आनि मान-मर्यादाते बस्‍केळ्‍क वेहालय तयार मंटु.

1 योहान 5:16

ओक्‍कला मना दंटा विस्वासि हामुर हिल्वा पापम कियनेंके हूळानय्ते ओनाहाटीं पारतना कियागोम. पेन ओना पापमताल पायिचंता. इत्‍ते बोरय्ते हामुरते होनानसोंटा पापम कींतोर ओनाहाटीं आयो. इसोंटा पापमगुडा मनंता दाना परिनाम हामुरे. नना मीकुन इसोंटा पापमताहाटीं पेनदुन तल्कागोम इंचेके हिल्‍ले.