2 तिमोति 2:21 - पवित्र पोल्‍ले

²¹ अदुनहाटीं बोरन्‍ना मनकल इलुवा तक्‍कोतोर मनानय्ते, ओर पेद्‍दा-पेद्‍दा कबाह्‍कुने वाळकुनना बोळिंलेह्काटोर आयनुर. अस्‍के ओर पवित्र आसि ओना मालकुना कबळ्‍क ओज्‍जंतोर पजा अन्‍नि तीरकुना बेसता कबाह्‍क कियालय ओर तयार मनंतोर.

2 तिमोति 2:21 Iomraidhean Croise

प्रेरितुल्‍कुना कबाह्‍क 9:15

अस्‍के सामि ओन, “नावा पोरोलतुन वेरे जातितोरा नड्‍डुम, राजालोरा मुन्‍ने, इस्राएलता लोकुल्‍कुन मुन्‍ने वेहनाहाटीं नना ईन नावा विस्रे इंचि पेर्कुत्‍तन, अदुनहाटीं निमे होन.

1 कुरेंति 5:7

पळाना पुल्‍लाटा पिंडितसंटोन तेंडसि पोहाचि मिमेट पूना पिंडि मुद्‍दा आया परांतिर, बारित्‍ते मिमेट निजमे पुल्‍लाटोर आयवाहाटीं, येसु किरिस्‍तु मना दाटसि होनना पंडुगुना गोर्रे पोरिनलेसीं मोक्‍कु आतोर.

2 कुरेंति 7:1

पावरमगल्‍लोरिटा! पेन हीता इव पोल्‍लें मनकगुडा दोर्किसे मंतां, अदुनहाटीं मनम मना मेंदुल्क, आत्माक अंट्‍सि मत्‍ता मुर्कितुन नोर्सि साप कीकोम, पेनदुक वेरियसि पूरा पवित्र आसेके दाकोम.

2 कुरेंति 9:8

मिमेट अन्‍नि बेसता कबाह्‍क कियालय, मीक अव्‍सरम मत्‍तव अन्‍नि मिहगा बस्‍केळ्‍क मंदालय, पेन दाना दयाते अव अन्‍निन हिया परांता.

इपीसि 2:10

बारित्‍ते, पेने मनाकुन पुट्‍टिस्‍ता. मनम किरिस्‍तु येसुनलोप्‍पो बेसता कबाह्‍क कियाना इंचि अद मनाकुन पुटिस्ता. अव बेसता कबाह्‍क बव आंदुंगो अवुन पेन मुन्‍नेने तयार कीसि इरता.

1 तिमोति 6:11

गानि निमे पेनदा बक्‍ति कियाना मनकन आंदिन. इव अन्‍नि सेड्‍डातनाल्कुनाल लक्‍कु मंचेके नीतिते, बक्‍तिते, विस्वासमते, पावरमते, दैरनेमते आनि सादा-सिंपल पज्जो ताका.

2 तिमोति 2:16

बक्‍ति हिलुवा वट्‍टि पोल्‍लेनाल तप्पिच्‍कुन, असोंटा पोल्‍लें लोकुल्‍कुन हेळाहचि पेनदागटाल इंकिच्‍चो लक्‍कु कींतां.

2 तिमोति 2:20

सिरमंतुल्कुना लोह्कुने सिराप एंडि-बंगारमता बोळिंगें मनंतां इंचि आयो, अगा कट्‍टेतव आनि तोळितवगुडा बोळिं मनंतां. अव्टे एक्‍को इलुवातवुन पेद्‍दा-पेद्‍दा कबाह्कुनेन वाळकुंतुर आनि तक्‍को इलुवातवुन बारे बस्‍केळ्‍क वाळकुंतुर.

2 तिमोति 3:17

अद बल्हा इत्‍ते, दर्मसास्‍त्रमहेंदाल पेन दाना हरेक मनकन पुरागा दानालायक कीसि, अन्‍नि तीरकुना बेसता कबाह्‍क कियनाहाटीं, ओर्कुन तयार कींता.

2 तिमोति 4:11

सिराप लूकाले नातोनि मंतोर. निमे वायनेंके मरकुसुन नीतोनि पीसि वा. सेवा कबळते ओर नाकु वेल्‍लेन सहायम कींतोर.

तीतु 3:1

राज्येम कियानोरद आनि अदिकारिल्कुना पोल्‍ले केंजसि ओर वेहताप ताकना, इंचि लोकुल्‍कुंक मति कीसि हीम. इंका कदरलायक मंदना हरेक बेस कबळ कियालय बस्‍केळ्‍क तयार मंदना.

तीतु 3:14

अवसराल्कुन दोर्किच्‍कुननाहाटीं मना लोकुल्‍कगुडा बेस कबाह्‍क कीसेके मनमळ करियगोम, अल्हा कीते ओर पलम हियानोरलेह्का मनांतुर.

तीतु 3:8

इद पोल्‍ले निजम आंद. आनि निमे इव पोल्‍लें दटांचि वेहाना इंचि नावा इच्‍चा मंता. निमे दटांचि वेहतेने, बोर अय्ते पेनदुन विस्वासम कीतुर, ओर जेर्गताते मंचेके बेसता कबाह्‍क कीसेके मनांतुर. बारित्‍ते इव अन्‍नि मनकालोरहाटीं बच्‍चोनो बेस आनि पायदता पोल्‍लें आंदुं.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

1 पत्रु 1:7

नासडेम आयाना बंगारमतुन तळमिते करगागोटसि परिक्‍सा कींतुर. गानि आ बंगारमकन्‍ना बच्‍चोरो विलुवाता मीवा विस्वासमतुनगुडा परिक्‍सा एतमळ जर्गंता. येसु किरिस्‍तु मर्रा वातस्के, मीकुन मेच्‍कुंचि पेद्‍दातनम आनि कदर दोर्काना कारनम आयगोम.

1 योहान 3:3

किरिस्‍तुनपोर्रो इसोंटा आसे इर्राना हरेक मनकल किरिस्‍तु पवित्र मत्‍ताप कुद्‍दुगुडा पवित्र कीकुंतोर.