2 तिमोति 2:16 - पवित्र पोल्‍ले

¹⁶ बक्‍ति हिलुवा वट्‍टि पोल्‍लेनाल तप्पिच्‍कुन, असोंटा पोल्‍लें लोकुल्‍कुन हेळाहचि पेनदागटाल इंकिच्‍चो लक्‍कु कींतां.

2 तिमोति 2:16 Iomraidhean Croise

1 कुरेंति 15:33

गानि हातोर मर्रा जीवाते अर्रुर इंचि इनानोरा हेंदाल दोकाते अरमट. “कराब लोकुल्‍कुना दंटा, बेस ताकानोर्कुन हेडहंता.”

1 कुरेंति 5:6

मिमेट पेद्‍दिरकेम कियमळ बेस आयो, इच्‍चुर पुल्‍लाटा पिंडि वेल्‍लेन पिंडिते कल्‍पते, पूरा पिंडितुन पुल्‍लगा कींता अद मीक एरपाटे मंता.

1 तिमोति 1:9

इंका इव नियमकु नीतिमंतुल्‍कुनाहाटीं रासमळ जर्गाहिल्‍ले. गानि अव अय्ते, नियमकुन पीसि ताकवोराहाटीं, आदेसकुन पीसि ताकवोराहाटीं, बक्‍ति कियवोर आनि पापि लोकुल्‍कुनाहाटीं, अपवित्र आनि सत्‍तेमते ताकवोराहाटीं, तल्‍लुर-बाबोन हव्कानोराहाटीं, मनकालोर्कुन हव्कानोराहाटीं,

1 तिमोति 4:7

बक्‍ति हिल्वव अल्हेन तयार कीसि वेहना कतानाल मंटु. बस्‍केळ्‍क बक्‍ति पिस्वरते मुन्‍नेळ्‍क ताकाना कोसिसते मंटु.

1 तिमोति 6:20

तिमोति, नीकु अप्पजेपतदुन निमे कापाळकुन. बक्‍ति हिल्वा कराब पोल्‍लेनाल लक्‍कु मन. इंका इदे “निजम तेल्वि” इंचि वेहना आबद्‍दम कतानाल लक्‍कु मन.

2 तिमोति 2:14

इव अन्‍नि पोल्‍लें निमे ओर्कु मति कीसि हीसेक मन्‍नु. इंका केंजानोर्कुन हेळाहनालायक बतले पायदा हिलुवा पोल्‍लेनाहाटीं लोल्‍लिं कियामन्‍नि, इंचि ओर्कुन सामिना मुन्‍ने निलाहचि दटांचि वेहा.

2 तिमोति 2:21

अदुनहाटीं बोरन्‍ना मनकल इलुवा तक्‍कोतोर मनानय्ते, ओर पेद्‍दा-पेद्‍दा कबाह्‍कुने वाळकुनना बोळिंलेह्काटोर आयनुर. अस्‍के ओर पवित्र आसि ओना मालकुना कबळ्‍क ओज्‍जंतोर पजा अन्‍नि तीरकुना बेसता कबाह्‍क कियालय ओर तयार मनंतोर.

2 तिमोति 3:13

गानि कराब कियानोर, मुळाहनोर, वेरेतोर्कुंक दोका हीसेक, ओर दोकाते अरसेक इंकिच्‍चो कराब आंतुर.

तीतु 1:11

ईरकुन वळ्‍काकोंटा कियमळे गावाले. बारित्‍ते ईर लोकुल्‍क, बव पोल्‍लें अय्ते कराहना आयनो, अव पोल्‍लें कराहचि तप्‍पुड कमाइ कियनाहाटीं अन्‍नि कुटुंबाल्कुनंता पाळ कींतुर.

तीतु 1:14

यहुदिल्कुना तयार कीता वेसुडिन पोर्रो विस्वासम इर्राकोंटा, सत्‍तेमताल तप्‍सोत्‍ता मनकालोरा आदेसकुनाल लक्‍कु मनांतुर.

तीतु 3:9

गानि अर्तम हिल्वा लोल्‍लिनाल, वंसाल्कुना बारेमता पोल्‍लेनाल, जगडाल्कुनाल इंका मूसाना नियमकुना बारेमता लोल्‍लिनाल निमे लक्‍कु मन. अव बतक ओज्जानव आयों, अवुनाहेंदाल बतल पायदा इंका वायो.

इब्रि 12:15

पेनदा कुर्पाताल वरोरगुडा तप्‍सोनामन्‍नि इंचि जेगर्ता मंटु. अल्हा तप्‍सोंचि हेळतोर बोरन्‍ना मी नड्‍डुम मनानय्ते, ओर कळमातोर्कुन हेळाहचि, पेनदाल लक्‍कु कींतोर. इदुन जरा जेगर्ता हुळट.

2 पत्रु 2:18

ओर बत्‍तक ओज्जुवा पोंगुळ पोल्‍लें वळ्कसेके मनंतुर, तप्‍पुड हर्रि ताकानोरव्टेटाल तपिच्‍कुंचि इंदके-इंदकेने बेसता हर्दे वातोर्कुन, ओर ओरा मेंदुल्ता रोता आसेना हेंदाल बोगमतनमते अरहंतुर.

2 पत्रु 2:2

वेल्‍ले लोकुल्‍क ओरा सिग्गु हिल्वा कबाह्‍कुन हूळसि ओरालेह्केन कियानुर. ओरसंटोराहाटींगे सत्‍तेमता हर्रि बदनाम आंता.

पेन हुपिस्‍ता पोल्‍लें 13:14

मोदाटा जिवरासिता मुन्‍ने इद जिवरासिक चिन्‍हां हुप्‍सना अदिकार दोर्कता, अदुनहाटीं चिन्‍हां हुपिच्‍चेक बूमिपोर्रो मनना लोकुल्‍कुन, “बद जिवरासिक अय्ते हायानसोंटा देब्बा दल्‍गिसि मत्‍ता, अद जीवाते मंता अदुना बोम्मा कीम्‍टु,” इंचि बोंकिचुंदु.

पेन हुपिस्‍ता पोल्‍लें 13:3

अद जिवरासिता एडुं तल्‍लानाल उंदि तल्‍लाक हायानसोंटा देब्बा दल्‍गिसि पुन्‍नु आसि मत्‍ता, गानि अद पुन्‍नु बेस आतद हूळसि, दुनियातोर अंटोर इचंत्रम आसि दान पज्जो होनालय दल्‍गतुर.