2 तिमोति 2:15 - पवित्र पोल्‍ले

¹⁵ बस्‍केने सिग्गु होनाकोंटा, पेनदा पोल्‍लेता सत्‍तेमतुन बरोबर कराहनोनलेसीं पेन निल्‍हाता वरोर सेवाकुड आसि मनालय कोसिस कीम.

2 तिमोति 2:15 Iomraidhean Croise

मत्‍तयाल 13:52

अस्‍के येसु “बोर मनकल अय्ते ओना कजानाताल पूनद-पळानद सोम्मुन पलाते पेच्‍हांतोर, आ मनकन लेह्कने स्वर्ग राज्येमता सिस्युड मत्‍ता हरेक दर्मसास्‍त्रम कराहना गुरु मनांतोर, ओर यहुदि लोकुल्‍कुना पडाना आनि पूना बोदा रोंडु इंका करहा परांतोर.” इंचि ओर्कु वेहतोर.

मरकुस 4:33

येसु इसोंटव बच्‍चुंगो वेसुडिं वेह्‍चि, ओर्क पेनदा पोल्‍लें तेळियानाल वेहुंदुर.

लूकाल 12:42

अस्‍के सामि इल्‍हा इत्‍तोर: “मालक हिल्वस्के ओनगा कबळ कियानोर्कुंक वेलापोर्रो गाटो-जावा दोस्‍सालय, वरोर बेस तेल्विगल्‍लोड, विस्वासमलायक दिवांजि मालाकुंक गावाले. अय्ते असोंटा सेवक बोर मंतोर?

प्रेरितुल्‍कुना कबाह्‍क 2:22

इस्राएल लोकुल्‍कुनिटा, इव पोल्‍लें केंजट. पेन नासरेत नाटेना येसुनाहेंदाल पेद्‍द-पेद्‍दा कबाह्‍क, इचंत्रमता कबाह्‍क आनि चिन्‍हां मीवा मुन्‍ने हुपिच्‍चि, पेन लोहतोर ईरे आंदुर इंचि रुजुव कीता, इद मीकु एरपाटे.

प्रेरितुल्‍कुना कबाह्‍क 20:27

बारित्‍ते नना पेनदा पूरा इच्‍चातुन मीकु वेहालय बस्‍केने पजोळ्क होना हिल्‍लेन.

रोम सहरतोरहाटीं पौलुसना सिट्‍टि 14:18

इल्‍हा किरिस्‍तुना सेवा कीतोन पेन मेच्‍चुकुंता, लोकुल्‍कुना नड्‍डुमगुडा ओनकु कदर दोर्कंता.

रोम सहरतोरहाटीं पौलुसना सिट्‍टि 16:10

किरिस्‍तुनलोप्‍पो तकलिप वायिनागानि होळसाकोंटा इमानदारते मत्‍ता अपिलेस इनानोंक नावा जोहार. अरिस्‍तुबुलुसना लोतोर्कुंकगुडा जोहार वेहाट.

रोम सहरतोरहाटीं पौलुसना सिट्‍टि 6:13

मीवा मेंदुलतुन सेड्‍डा कबाह्‍क कियालय पापमता कय्‍दुक हियमट. अल्हा कियाकोंटा, “मनम हामुरताल जीवाते तेदतोरम,” इद पोल्‍लेतुन मति कीसि, मीपोर्रो पेनदुक अदिकारम हीम्टु आनि मीवा मेंदुलतुन नीति कबाह्‍क कियनाहाटीं पेनदुक अप्‍पजेप्‍पट.

1 कुरेंति 2:6

मोमोट इद दुनियाता हिलाकोंटे इद दुनियाते नासडेम आयाना अदिकारिल्कुना तेल्वि वेहोम, गानि विस्वासमते गट्‍टिगा मत्‍तोर्कुंके तेल्वि वेहंतोम.

2 कुरेंति 10:18

बोर अय्ते ओनद-ओरे मेच्‍कुंतोर ओर कबळतोर आयोर, गानि सामि बोनय्ते मेच्‍कुंतोर ओर कबळतोर आंदुर.

2 कुरेंति 3:6

पेन माकुन पूना करारता सेवक आयाना लायकगुडा कीता. अद करार मूसाना नियमते रासि मत्‍ताप आयो गानि, पेनदा आत्माताहेंदाल मंता. मूसाना नियम हामुरतेके ओंता गानि पवित्र आत्मा पिस्वरताहेके ओंता.

2 कुरेंति 4:2

सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.

2 कुरेंति 5:9

अदुनहाटीं मोमोट इद मेंदुल्ते मनना, मनाकोन्‍ना, सामिंक इस्‍टाम वाताप ताकमळे मावा उद्‍देसम.

गलातिया 1:10

अय्ते नना इंदके लोकुल्‍क नाकुन मेच्‍चुकुनगोम इंचि हूळसंतना मरि पेनदा आसिर्वाद दोर्कगोम इंचि हूळसंतना? हिलाकोंटे लोकुल्‍कुन कूस कियानसंटोना? ओक्‍कला नना लोकुल्‍कुन कूस कियानसंटोन आसि मत्‍ते किरिस्‍तुना सेवाकुन आयाकोन्‍नेन.

इपीसि 1:13

मीकु मुक्‍ति हीता बेसता कबुर सत्‍तेम आंद अदुन मिमेटगुडा केंजतिर. केंजसि किरिस्‍तुना लोकुल्‍क आयानाहाटीं ओनपोर्रो विस्वासम इर्तिट. अस्‍के पेन हीता पोल्‍ले परकारम पवित्र आत्माता सिक्‍का मीपोर्रो वाटमळ जर्गता.

1 तेसलोनि 2:4

गानि पेन माकुन दाना बेसता कबुरता लायक कीसि, बेसता कबुरतुन वेहालय माक अप्पजेपता. अदुनहाटीं मावा मनसुन परिक्‍सा कीसि हूळना पेनदुन कूस कियालय वेहंतोम गानि मनकालोर्कुन कूस कियालय पेनदा पोल्‍ले वेहोम.

1 तेसलोनि 5:14

मावा विस्वासुल्‍कुनिटा! लंडोर्कुंक समजांचि वेहाट, वेरियानोर्कुंक दैरनेम हीम्टु, कमजोर मत्‍तोर्कुंक सहायम कीम्‍टु, अंटोरतोनि ओप्‍केते मंटु इंचि मोमोट मीक तेळियागोट्‍सि विनंति कीसेके मंतोम.

1 तिमोति 4:6

ओक्‍कला निमे इव आदेसकुन विस्वासुल्कुंक कराहनय्ते, निमे विस्वासम कियना बव पोल्‍लें आनि सत्‍तेम बोदानापोर्रो ताकंतिनो अवुनहेंदाल बेरसता, येसु किरिस्‍तुना वरोर बेस सेवक आकिन.

इब्रि 4:11

इस्राएल लोकुल्‍क पेनदा पोल्‍ले परकारम ताकुवाहेंका ओर नासडेम आतुर, गानि मनम ओरालेसीं आयाकोंटा, पेनदा पोल्‍ले परकारम ताकसेके अद जेगाते होळियाना इरगा कोसिस कियागोम.

याकोब 1:12

बोर अय्ते परिक्‍सां वातस्के अवुन ओर्सकुंतोर, ओर आसिर्वाद दोर्कतोर आंदुर. बारित्‍ते परिक्‍साने गट्‍टिगा नित्‍तिसि मंचि बोर अय्ते पेनदुन पावरम कींतोर, ओनकु पिस्वरता किरिटम हींतन इंचि पेन पोल्‍ले हीसि मत्‍ता, अद ओनकु हिय्यार.

याकोब 1:18

ओर पुटिस्तवुन लोप्पो मोट्‍टा मोदाटा पलम मनमे आयागोम इत्‍ता ओना सतता इच्‍चातुन पीसि, सत्‍तेम पोल्‍लेताल मनाकुन पुटिस्तोर.

2 पत्रु 1:10

अदुनहाटीं विस्वासुल्‍कुनिटा! पेन मीकुन केय्‍सि पेरता इत्‍ता पोल्‍लेतुन पक्‍का कियालय बस्‍केळ्‍क आतच्‍चोन कोसिस कीम्‍टु, अल्हा कीते मिमेट बस्‍केने विस्वासमताल अर्सि होन्‍निर.

2 पत्रु 1:15

अदुनहाटीं नना हासोत्‍तंकागुडा मिमेट इव पोल्‍लेन बस्‍केळ्‍क मति कियनलायक मिमेट आयगोम इंचि नना कोसिस कीसंतन.

2 पत्रु 3:14

अदुनहाटीं पावरमगल्‍लोरिटा, मिमेट इवुनाहाटीं एदुर हूळसेक मंतिट, अय्ते पेनदा मुन्‍ने सांतिते, डाग हिलाकोंटा, दोसेम हिलाकोंटा मनालय कोसिस कीम्‍टु.