2 तिमोति 1:1 - पवित्र पोल्‍ले

¹ पेनदा इच्‍चाताहेंदाल किरिस्‍तु येसुना प्रेरित आता पौलुसना इद सिट्‍टि आंद. किरिस्‍तु येसुनपोर्रो विस्वासम इरते, बस्‍केळ्‍क पिस्सना पिस्वर दोर्कंता इंचि पेन पोल्‍ले हीसि मत्‍ता, इदुना बारेमते वेहनाहाटीं नाकुन लोहचियमळ जर्गता.

2 तिमोति 1:1 Iomraidhean Croise

योहान 10:28

नना अवुंक बस्‍केळ्‍क पिस्सना पिस्वर हींतन, अव बस्‍केने नासडेम आयों, नावा कय्‍दाल अवुन बोरे गुंजकुना पर्रोर.

योहान 5:24

नना निजम-निजम वेहासेक, बोर अय्ते नना वेहना पोल्‍लेन केंजसि नाकुन लोहतोना पोर्रो विस्वासम इर्रंतोर, ओन्क बस्‍केळ्‍क पिस्सना पिस्वर दोर्कंता. पेन ओन्क सिक्‍साता आदेस हिय्यो, ओर हामुरताल पेय्सि पिस्वरतुन संपादिंच्‍कुंतोर.

योहान 6:40

नावा बाबाना इच्‍चा बतल मंता इत्‍ते, मर्रिनेके हूळसि ओनपोर्रो विस्वासम कियानोर अंटोर्क बस्‍केळ्‍क पिस्सना पिस्वर दोर्कना. अल्हा बोर अय्ते विस्वासम इर्रंतुरो, ओर्कुन नना आकिरता रोजुने मर्रा जीवाते तेहांतन,” इंचि येसु ओर्क वेहतोर.

योहान 6:54

गानि बोर अय्ते नावा मेंदुलतुन तिंतुर, नावा नेत्‍तुरतुन उंटुर, ओर्क बस्‍केळ्‍क पिस्सना पिस्वर दोर्कंता. आकिर रोजुने ओर्कुन नना जीवाते तेहांतन.

रोम सहरतोरहाटीं पौलुसना सिट्‍टि 1:1

नना पौलुस, येसु किरिस्‍तुना दासुन आंदुन. नना मीकु इद सिट्‍टि रासेक मंतन. येसु किरिस्‍तुना कबाह्‍क कियालय पेन नाकुन प्रेरित इंचि पेरता. पेरसि दाना बेसता कबुर वेहालय लोह्ता.

रोम सहरतोरहाटीं पौलुसना सिट्‍टि 5:21

इल्‍हा बारि आता इत्‍ते, बल्हा पापम हामुरताहेंदाल राज्येम कीसेक मत्‍ता, अल्हेन पेनदा कुर्पागुडा सत्‍तेमतोनि मना सामि येसु किरिस्‍तुनहेंदाल बस्‍केळ्‍क पिस्सना पिस्वरताहाटीं राज्येम कींता.

रोम सहरतोरहाटीं पौलुसना सिट्‍टि 6:23

पापि कबाह्‍कुना कूलि इंचि मनाकु हामुर दोर्कंता. गानि पेन मनाकु मना सामि येसु किरिस्‍तुनहेंदाल वरम इंचि बस्‍केळ्‍क पिस्सना पिस्वर हींता.

1 कुरेंति 1:1

नना पौलुसुन, किरिस्‍तु येसुना प्रेरित आयालय पेन नाकुन दाना मनसुनाल केयता. नावा आनि सोस्‍तिनेस दादानाहेंदाल जोहर.

2 कुरेंति 1:1

पेनदा इच्‍चाताहेंदाल किरिस्‍तु येसुना प्रेरित आतोन नना पौलुसुन आनि मना तम्मुर तिमोति ओक्‍कला कुरेंति सहरते मंदना कलिसियातोर्क अल्‍हेने अकाया एरियाता अंटोर पवित्र लोकुल्‍कुंक सिट्‍टि रासेक मंतोम.

2 कुरेंति 1:20

पेनदा अन्‍नि पोल्‍लें येसुनगा पूरा आतां. अदुनहाटीं मनम आमीन इंचि पेनदा महिमा कींतोम.

गलातिया 3:26

येसु किरिस्‍तुनपोर्रो विस्वासम कीताहेंका मिमेट अंटोर इंदके पेनदा पिलाल्क आतिर.

गलातिया 3:28

इंदके यहुदि, युनानि, जीतागाड, मालक, मांड्‍सा, मुरतळ इल्‍हा बतले परक हिल्‍ले. किरिस्‍तुने मिमेट अंटोर उंदे.

इपीसि 3:6

आ मर्ममता पोल्‍ले बतल इत्‍ते, यहुदि आयवोर लोकुल्‍क बेसता कबुर केंजसि किरिस्‍तु येसुनपोर्रो विस्वासम इरतुर, अदुनहेंदाल ओरगुडा यहुदि विस्वासुल्‍कुनतोनि कलियसि येसुनगा दोर्काना हक्‍कुने वारसदार्क आतुर. इल्‍हा ओर उंदि मेंदुलतोर आनि पेन हीता पोल्‍लेते हिस्‍सादार्क आतुर.

1 तिमोति 6:19

इल्‍हा कीसेके मत्‍ते, मुन्‍नेटा पिस्वरहाटीं ओर उंदि बेस पुनादि तयार कीकुंतुर, आनि बस्‍केळ्‍क पिस्सना पिस्वर पिस्सेक मनंतुर.

2 तिमोति 1:10

गानि इंदके इद पोल्‍ले, मनाकुन कापाळना किरिस्‍तु येसु वाताहेंका मनाकु तेळियसोत्‍ता. ई किरिस्‍ते हामुरतुन रद्‍द कीसि, बेसता कबुरताहेंदाल पिस्वरतुन आनि बस्‍केळ्‍क जीवाते मनानदुन पलाते अरहतोर.

2 तिमोति 1:13

किरिस्‍तु येसुना लोप्पो मनना विस्वासम आनि पावरमताहेंदाल निमे बव सत्‍तेम पोल्‍लें अय्ते नाहेकेटाल केंजतिनो, अवुन पीसि वेरेतोराहाटीं मन्‍नु.

2 तिमोति 1:9

पेन मनाकुन कापाळसि, दाना पवित्र पोल्‍लेते केयता. इदंता मना कबाह्कुनहेंदाल जर्गाहिल्‍ले गानि सिराप ओना पिलान परकारम आनि ओना कुर्पाहेंकेन जर्गता. ई दया-मायातुन पेनबाबाल मनाकु ई दुनिया पुट्‍टका मुन्‍नेन किरिस्‍तु येसुनाहेंदाल हीतोर.

2 तिमोति 2:1

ना मर्रि तिमोति, किरिस्‍तु येसुनगा मनना कुर्पाते निमे बेस ताकतवर आम.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

2 तिमोति 2:3

किरिस्‍तु येसुना वरोर बेस सिपाइनालेसीं निमेगुडा तकलिप्क बोगांचा.

2 तिमोति 3:15

अचोने आयका, निमे सिन्‍नास्केटाल पवित्र दर्मसास्‍त्रमता पोल्‍लेन करियतोन आंदिन. अव नीकु किरिस्‍तु येसुनपोर्रो विस्वासम इरते दोर्कना मुक्‍तितुन दोर्किच्‍कुननाहाटीं बुद्‍दि, तेल्वि हींतां.

तीतु 1:2

ई सत्‍तेम, बस्‍केळ्‍क पिस्सना पिस्वरता आसे पोर्रो निल्‍सि मंता. बस्‍केने आबद्‍दम वळ्कुवा पेन इदुन हींतन इंचि वेल्‍लेन मुन्‍ने पोल्‍ले हीसि मत्‍ता.

तीतु 1:4

विस्वासमते नावा समानम मनना नावा मर्रि तीतुंक इद सिट्‍टि नना रासेक मंतन. पेनबाबनहेंदाल आनि मनाकुन पिसागोटनोर किरिस्‍तु येसुनहेंदाल नीकु कुर्पा, सांति दोर्किकांटी.

इब्रि 9:15

पडाना करारते मत्‍ता नियमकुन पीसि ताकुवाहेंका अस्‍केटा लोकुल्‍क पापम कीसि अद करारतुन नेम्‍हातुर. ओर्कुन ओरा पापाल्कुना सिक्‍साताल तप्‍सानाहाटीं किरिस्‍तु हासोत्‍तोर. इल्‍हा पेन अद केयता लोकुल्‍कुन पूना करारते कल्‍पंता. अद केय्‍सि मत्‍तोर्कुंक, दाना बस्‍केळ्‍क मनना वारसान हक्‍कुन हींतन इंचि केय्‍सि पोल्‍ले हीतानो, ओर्क अद दोर्कता. इल्‍हा किरिस्‍तु ई पूना करारते नड्‍डुमतोर आतोर.

1 योहान 2:25

किरिस्‍तु मनाकु बस्‍केळ्‍क पिस्सना पिस्वर हींतन इंचि पोल्‍ले हीतोर, अद इदे आंद.