2 तेसलोनि 3:2 - पवित्र पोल्‍ले

² अल्‍हेने अंटोर लोकुल्‍क विस्वासुल्‍क आयुर, अदुनहाटीं तेडा आनि दुस्‍ट लोकुल्‍कुनाल पेन माकुन पिसागोट्‍टि.

2 तेसलोनि 3:2 Iomraidhean Croise

मत्‍तयाल 17:17

अस्‍के येसु ओर्कुन, “अरे विस्वासम तक्‍को आनि हर्रि तप्‍ता पीळितोरिटा, नना बदवेरदाका मीतोनि मनकन? बदवेरदाका नना मीकुन सहन कीकन? ओन नाहेके तटु.” इंचि इत्‍तोर.

मत्‍तयाल 23:23

अरे डोंगि दर्मसास्‍त्रम कराहना गुरुल्क आनि परिसिल्कुनिटा, मीक गोसा तप्‍पो. बारित्‍ते मिमेट पुदिना, जिल्करा, सोप इसोंटा पंटातालगुडा पदि तूसकुनाल उंदि तूस पेनदुक हींतिर. गानि न्‍यायमते तिरियमळ, दया कियमळ, पेनदापोर्रो विस्वासम इरमळ इसोंटव दर्मसास्‍त्रमता बेसता पोल्‍लेन मिमेट होळसीतिर. पदि तूसकुनाल उंदि तूस पेनदुक हियमळ इद बेसे. गानि इद कीसेक-कीसेक अवुनगुडा होळसाकोंटा ताका मत्‍तिर.

लूकाल 18:8

नना मीक वेहासेक मंतन, पेन ओरा न्‍यायम बिराना किय्‍यार. अय्नागानि मनकना रूपमते पुटतोन नना मल्सि वातस्के, इद बूमिते विस्वासम होळसाकोंटा पारतना कीसेक मनानोर दोर्कानुरा?” इंचि वेहतोर.

प्रेरितुल्‍कुना कबाह्‍क 13:45

अच्‍चो वेल्‍ले मंदितुन हूळसि यहुदिल्कुना जीवा मसुल्ता, अदुनहाटीं ओर पौलुसना पोल्‍लेंक विरोद कीसि ओन बदनाम कियालय दल्‍गतुर.

प्रेरितुल्‍कुना कबाह्‍क 13:50

गानि यहुदि लोकुल्‍क मात्रम निजमाता पेनदुन आरादना किय्यानव सहरता कदरगल्‍ला वेरे जातिता मुर्ताह्‍कुन, पेद्‍दाल्कुन एक्‍किस्तुर. अस्‍के ओर पौलुस, बरनाबासुन पक्‍का तकलिप कीसि ओर्कुन आ एरियाताल पलाते पेचाहतुर.

प्रेरितुल्‍कुना कबाह्‍क 14:2

गानि विस्वासम कियवा यहुदिल्कु, विस्वासुल्‍कुनतोनि जगडम कियालय वेरे जातितोर्कुन एक्‍किस्तुर.

प्रेरितुल्‍कुना कबाह्‍क 17:5

गानि यहुदिल्कुंक मात्रम मंटा अरसेक मत्‍ता. ओर इच्‍चुर बदमासुल्कुन जमा कीसि सहरते लोल्‍लिं कीतुर. बल्हा कीसन्‍ना गानि पौलुस, सिलासुन लोकुल्‍कुना मुन्‍ने तायागोम इंचि ओर यासोन इनानोना वरोन लोतपोर्रो होंचि अरतुर.

प्रेरितुल्‍कुना कबाह्‍क 25:27

जेलते मत्‍ता मनकना बारेमते ओना तप्पु बतले वेहवा, उंदे मल्का ओन कैसर राजानगा लोहमळ नाकु बेस दिस्सो,” इंचि इत्‍तोर.

प्रेरितुल्‍कुना कबाह्‍क 28:24

ओर वेहता पोल्‍लें इच्‍चुर्कु नच्‍चुतां, इच्‍चुर्कु नच्‍चुवा ओर विस्वासम किया हिल्‍लुर.

रोम सहरतोरहाटीं पौलुसना सिट्‍टि 10:16

गानि इस्राएल लोकुल्‍क अद बेसता कबुरतुन केंजसिगुडा अंटोर विस्वासम किया हिल्‍लुर. बारित्‍ते, “ए सामि! मोमोट वेहता कबुरतुन बोर नम्मुतुर?” इंचि दीना बारेमते दर्मसास्‍त्रमते यसायाहल रासतोर.

1 कुरेंति 15:32

इपीसि सहरतगा, नना केडा जिवरासिनसोंटा मनकालोर्कुना रीतिते लडांचतन, अय्ते बतल पाय्दा आता? हातोर गिंटा तेदाकोंटे, दर्मसास्‍त्रमते रासि मत्‍ताप, “नाळि अय्ते हायानदे मंता, अदुनहाटीं तिनकोम-उनकोम,” इंचि मन्‍नेम.

1 तेसलोनि 2:18

बारित्‍ते माक मिहगा वायागोम इंचि मंता. नना पौलुस, बच्‍चुंगो मल्कां कोसिसगुडा कीतन, गानि देय्यम माक अड्‍डम आयुंदु.

2 तिमोति 4:17

गानि नाहेंदाल बेसता कबुर अंटोर्क एव्‍सि, दान यहुदि आयवोर अंटोर केंजगोम इंचि, सामि नाकु तोळ मंचेके नाकु बलम हीतोर. इल्‍हा नाकुन सिंहम तोळ्‍दाल कापाळतोर.