2 तेसलोनि 3:15 - पवित्र पोल्‍ले

¹⁵ अयना ओन पगातोनलेसीं हूळमट, गानि तम्मुनालेसीं ओन्क वेर्रे वेहाट.

2 तेसलोनि 3:15 Iomraidhean Croise

मत्‍तयाल 18:15

ओक्‍कला तम्मुर आयि दादाल आयि नीवा विरोदमते पापम कियानय्ते, निमे वरोने ओनगा होंचि ओर कीता पापम ओन्क तेळियागोट्‍सि वेहा. ओर ओक्‍कला नीवा पोल्‍ले केंजानय्ते निमे ओना मनसुन गेल्सताप.

1 कुरेंति 4:14

नना मीक सिग्गु वायागोम इंचि इव पोल्‍लें रासेक हिल्‍लेन, गानि नावा पावरमगल्‍ला पिलाल्कुनसंटोर इंचि तेळियागोट्‍सि वेहासेक मंतन.

1 कुरेंति 5:5

असोंटा तप्‍पुड कबळ कियानोना मेंदुल्तुन नासडेम कियालय पेद्‍दा देय्यमता कय्‍दे अप्पजेप्पना. बारित्‍ते, ओक्‍कला ओर पस्‍चातापम कियानय्ते, सामि वायाना रोजुने ओना आत्मा पिस्सार.

2 कुरेंति 10:8

मीकुन नासडेम कियालय आयो गानि, मीकुन बेर्सागोटालय सामि माक अदिकारम हीतोर इंचि नना इंकागुडा पेद्‍दिरकेम वेहकुनिना नाक सिग्गु हिल्‍ले.

2 कुरेंति 13:10

अदुनहाटीं सामि मीकुन नासडेम कियालय आयो गानि, गट्‍टिगा निलाहलय नाक अदिकारम हीतोर. नना मिहगा वातस्के नावा अदिकारमते मीतोनि कडक वळ्कना वेला वायामन्‍नि इंचि, मिहागटाल लक्‍कु मनेंकेने इव पोल्‍लें रासेक मंतन.

गलातिया 6:1

गानि विस्वासुल्‍कुनिटा! मीलोप्‍पो बोरन्‍ना पापम कीते, पेनदा आत्माते ताकानोर मिमेट होंगुंक वायाकोंटा ओनगा होंचि ओन बेस समजांचि, सत्‍तेम हर्दे तटु. अल्‍हेने मिमेटगुडा असोंटा परिक्‍साते अर्रामन्‍नि इंचि, उसारते मंटु.

1 तेसलोनि 5:14

मावा विस्वासुल्‍कुनिटा! लंडोर्कुंक समजांचि वेहाट, वेरियानोर्कुंक दैरनेम हीम्टु, कमजोर मत्‍तोर्कुंक सहायम कीम्‍टु, अंटोरतोनि ओप्‍केते मंटु इंचि मोमोट मीक तेळियागोट्‍सि विनंति कीसेके मंतोम.

2 तेसलोनि 3:13

विस्वासुल्‍कुनिटा! मिमेट बेसता कबाह्‍कुने नेरबळताप मनमट.

2 तेसलोनि 3:6

विस्वासुल्‍कुनिटा! बोर अय्ते लंडु आसि मंतुर, मोमोट वेहता रीति-रिवाज परकारम ताकसेक हिल्‍लुर, असोंटा हरेक मनकानाल लक्‍कु मंटु इंचि मना सामि येसु किरिस्‍तुना पोरोलते मीक आदेस हीसेक मंतोम.

तीतु 3:10

अल्हा चुगली कीसि वेरे-वेरे कियालय हूळानोंक, उंदि-रोंड मल्कां दटांचा. केंजाकोंटे, ओर मनकल हर्रि तप्‍सि पापम कीसंतोर, ओनद-ओरे दोस्‍सि इंचि हुपिच्‍कुंचंतोर इंचि एरपाट कीसि ओना दंटा होळसीम.