2 तेसलोनि 3:14 - पवित्र पोल्‍ले

¹⁴ बोरन्‍नागिंटा इद सिट्‍टिते रासता पोल्‍लेन केंजसि ताकाकोंटे, ओनपोर्रो नदर इर्राट, ओनकु सिग्गु वायागोम इंचि ओनतोनि दंटा पियमट.

2 तेसलोनि 3:14 Iomraidhean Croise

मत्‍तयाल 18:17

ओक्‍कला ओर ओरा पोल्‍लेगुडा केंजाकुंटे कलिसियातोर्क वेहा. कलिसियातोर वेहतदगुडा केंजाकुंटे, ओर पेनदा मनकल आयोर इंचि इनकुन. हिलाकोंटे कर वसुल कियानसंटोर इनकुन.

रोम सहरतोरहाटीं पौलुसना सिट्‍टि 16:17

विस्वासुल्‍कुनिटा! इच्‍चुर लोकुल्‍क मिमेट करियता पोल्‍लेन हेळाहलय ई पोल्‍लेंक विरोदमते वेरे पोल्‍लें वेहचि मीलोप्‍पो वरोनद-वरोंक अर्राकोंटा कींतुर. असंटोरतोनि उसारते मंचि, ओर्क लक्‍कु मंटु इंचि नना मीकु विनंति कीसेक मंतन.

1 कुरेंति 4:14

नना मीक सिग्गु वायागोम इंचि इव पोल्‍लें रासेक हिल्‍लेन, गानि नावा पावरमगल्‍ला पिलाल्कुनसंटोर इंचि तेळियागोट्‍सि वेहासेक मंतन.

1 कुरेंति 5:11

नना इनना पोल्‍ले बतल इत्‍ते, मीवा लोप्पोटाल बोरन्‍ना ओनद ओर विस्वासिन इंतोर, गानि ओर बोगमतनम कियमळ, आस्‍ति कियमळ, बोम्मान मोळ्कमळ, अपमानम कियमळ, रिम्मा आयमळ, दोंगा कीसि तिनमळ इसोंटा गुनम ओनालोप्‍पो मनानय्ते ओनतोनि कलियसि मनमट, ओनतोनि गाटो तिनमट इंचि रासि मत्‍तन.

1 कुरेंति 5:9

नना मुन्‍ने रासि लोहता सिट्‍टिते, बोगमतनम कियानोरतोनि कलियसि मनमट इंचि रासि मत्‍तन.

2 कुरेंति 10:6

मिमेट किरिस्‍तुना पोल्‍लेते पुरागा ताकालय आतस्के, किरिस्‍तुना पोल्‍ले केंजवोर अंटोर्कुन मोमोट सिक्‍सा हियालय तयार मंतोम.

2 कुरेंति 2:9

मिमेट नना वेहता अन्‍नि पोल्‍लेने ताकंतिरा, ताकिरा इंचि मीकुन परिक्‍सा कीसि हूळालयगुडा अद सिट्‍टि रासतन.

2 कुरेंति 7:15

मिमेट अंटोर तीतु वेहताप नावा आदेसतुन केंजतिर, वेर्रेते, कदर हीसि ओनकु कलियतिर. इद मति वातस्के मुन्‍नेटकन्‍ना इंका एक्‍को ओना पावरम मीवाहाटीं बेर्संता.

पिलिपिया 2:12

अदुनहाटीं नावा पावरमगल्‍ला विस्वासुल्‍कुनिटा! नना मीकु वेहनद बतल इत्‍ते, नना मीवातोनि मत्‍तस्के बस्‍केळ्‍क मिमेट नना वेहतापे ताकतिट. इंदके नना मीवातोनि हिलाकोन्‍ना गानि अस्केटदानकन्‍ना एक्‍को जेगर्ताते सामिना आदेसकुन पीसि ताकट. पेनदा इच्‍चा परकारम बतलन्‍ना कीकुनगोम इंचि मीवा मनसुने वाता इत्‍ते, अद इच्‍चा पेने मीवा मनसुने वाटता. अदुन पूरा कियालय गावाले मत्‍ता ताकतगुडा मीकु पेने हींता. इंचि पेनदुन बेस कदर कीसेके, वेर्रे कोद्‍दिगा पेन हीता मुक्‍ति परकारम मत्‍ता कबाह्‍क कीसेके पिस्‍सट.

कुलुसि 4:16

इद सिट्‍टितुन मिमेट हदुव्‍ता पजा, इदुन लोदिकिया सहरता कलिसियातोर्क लोहचि, अगागुडा हदवा वेहाट आनि लोदिकियाताल वाता सिट्‍टितुन मिमेटगुडा मीवा कलिसियाते हद्‍विसि वेहाट.

1 तेसलोनि 4:8

अदुनहाटीं बोर अय्ते इद पोल्‍लेतुन पास्कंतोर, ओर मनकन पास्‍कोर गानि मीक पवित्र आत्मा हियना पेनदुन पास्कंतोर.

2 तेसलोनि 3:6

विस्वासुल्‍कुनिटा! बोर अय्ते लंडु आसि मंतुर, मोमोट वेहता रीति-रिवाज परकारम ताकसेक हिल्‍लुर, असोंटा हरेक मनकानाल लक्‍कु मंटु इंचि मना सामि येसु किरिस्‍तुना पोरोलते मीक आदेस हीसेक मंतोम.

तीतु 2:8

निमे कराहना बोदा इच्‍चोन सत्‍तेम मनना गदा, अव्टे बोरे तप्पु तेंडामन्‍नि आनि नीवा विरोदमते वळ्कानोर्कुंक मना बारेमते बतले तप्पु दोर्कका ओर्क सिग्गु वायगोम.

तीतु 3:10

अल्हा चुगली कीसि वेरे-वेरे कियालय हूळानोंक, उंदि-रोंड मल्कां दटांचा. केंजाकोंटे, ओर मनकल हर्रि तप्‍सि पापम कीसंतोर, ओनद-ओरे दोस्‍सि इंचि हुपिच्‍कुंचंतोर इंचि एरपाट कीसि ओना दंटा होळसीम.

पिलेमोन 1:21

नना वेहतद निमे केंजंतिन इत्‍ता बरोसाते इद सिट्‍टि रासेक मंतन. अचोने आय्‍का नना वेहतादानकन्‍ना निमे एक्‍को कींतिन इंचि नाक एर्के.

इब्रि 13:17

मीवा पेद्‍दाल्क वेहताप मिमेट ताकट. ओर्कु लोंगिस मंटु. मीवा जीवाता कावेल कियमळे ओरा जिम्मेदारि आंद. ओर्कु मीवा बारेमते, पेनदागा लेक्‍का हिय्या पींता. ओर वेहताप मिमेट ताकते, ओरा कबळ ओर कुसिते कींतुर, हिलाकोंटे ओर दुक्‍कमते कबळ कींतुर. ओर दुक्‍कमते कबळ कियानय्ते मीकु बतल पायदा वायो.

2 योहान 1:10

ओक्‍कला बोरन्‍ना मिहगा वासि, किरिस्‍तु कराह्ता बोदा तप्‍पा वेरे बोदा कराहनय्ते, ओन मी लोता लोप्पो वाया हियमटु, इंका ओन्क जोहारगुडा कियमट.