2 तेसलोनि 2:9 - पवित्र पोल्‍ले

⁹ पेनदा पोल्‍लेतुन विरोद कियानोर वायमळ इत्‍ते, देय्यमतदे उंदि कबळ आंदु, ओर वासि आबद्‍दम पोल्‍लेने देय्यमतव अन्‍नि ताकतकुनतोनि चिन्‍हां, इचंत्रमता कबाह्‍क कियानुर.

2 तेसलोनि 2:9 Iomraidhean Croise

मत्‍तयाल 12:22

पजा वरोर देय्यम पीता गुड्‍डि-मूकन लोकुल्‍क येसुनगा तत्‍तुर. येसु ओन बेस कीतोर. अस्‍के आ मनकल हूळालय-वळकालय दल्‍गतोर.

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

मत्‍तयाल 4:10

अस्‍के, “ए देय्यमतुना हब्बेर होन, बारित्‍ते निमे नीवा पेनदुने मोळ्‍कना, सिराप दानादे सेवा कियना, इल्‍हा दर्मसास्‍त्रमते रासि मंता.” इंचि येसु दान इत्‍तोर.

लूकाल 11:25

मर्रा अगा होंचि हूळतस्‍के मुन्‍नेटा लोन रिकम आताप, मंचिगा ऊसताप दानकु बेस दिसंता.

योहान 4:48

अस्‍के येसु, “चिन्‍हां, इचंत्रमता कबाह्‍क हूळवद मिमेट नम्मनोर आयिर!” इंचि ओन इत्‍तोर.

योहान 8:41

मिमेट मीवा बाबाल कीताप कीसंतिर,” इंचि इत्‍तोर. अस्‍के ओर, “मोमोट बोगमतनम कीते पुट्‍टा हिल्‍लोम! माकु वरोरे बाबाल मंतोर, ओर पेनबाबाले,” इंचि येसुन इत्‍तुर.

योहान 8:44

मिमेट देय्यमता पिलाल्क आंदिर, देय्यमे मीवा बाबाल आंदुर. अदुनहाटीं मीवा बाबाल कियना तप्‍पुड कबाह्‍क कियमळ इत्‍ते मीकु वेल्‍लेन इस्‍टम. देय्यम मुन्‍नेटाले जीवां तिंचेके वाता. अद सत्‍तेमतुन बस्‍केने हय्सो. दानागा सत्‍तेम हिल्‍लेन हिल्‍ले. आबद्‍दम वळ्‍कमळे दाना गुनम आंदु, अदुनहाटीं अद बस्‍केळ्‍क आबद्‍दमे वळ्कंता, आबद्‍दमतुन पुट्‍संता.

प्रेरितुल्‍कुना कबाह्‍क 13:10

“अरे! दोका हियानोना, अन्‍नि तीरकुना नडेह कियाना बुद्‍दिं निंडिस मत्‍ता देय्यमता मर्रिना! अन्‍नि नीति पोल्‍लेंक अड्‍डम तिरियना पगातोन आंदिन. सामिना निजम पोल्‍लेतुन बदवेरदाका आबद्‍दम वळ्कसेक मनांतिन?

2 कुरेंति 11:14

इवने इचंत्रम बतल हिल्‍ले, देय्यमगुडा वेल्‍गु हिय्याना पेनदा दूतालेसीं आंता.

2 कुरेंति 11:3

गानि तरास चालाकिते हव्‍वान पसांचतापे, किरिस्‍तुनतोनि इमानदार, पवित्र मंदना मीवा मनसुनगुडा लक्‍कु किय्‍यार इंचि नना वेरियंतन.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

इपीसि 2:2

मिमेट मुन्‍ने इद दुनियातोर ताकाना रीति-रिवाजकुन पीसि ताकिंदिर. पोर्रो वळिते तिरियना देय्याल्कुना मुक्‍यल बल्हा ताकिस्‍ते अल्हा ताकिंदिर. इंदकेळ्‍कगुडा पेनदा पोल्‍ले परकारम ताकवोर लोप्पो अद आत्मा कबळ कीसेके मंता.

2 तिमोति 3:8

यन्‍नेस, यंब्रेस इनानोर मूसांक अड्‍डम तिरियतुर. ओरालेसींगे ई मनकालोरगुडा सत्‍तेमकु अड्‍डम तिरियंतुर. ई मनकालोरा बुद्‍दि हेळसोंचि विस्वासमते हर्रि तप्‍सि मंतुर.

याकोब 3:15

ई तेल्वि पोर्रोटाल रेय्‍सि वातद आयो, गानि दुनियातागटाल, मनकनगटाल आनि देय्यमतगटाल आंद.

पेन हुपिस्‍ता पोल्‍लें 12:17

इदुनहेंदाल तरासुंक मुरतळ पोर्रो बागा होंग वाता. अस्‍के तरास आ मुरतटा कळमता वंसंमतोरतोनि, पेनदा आदेसकुनपोर्रो ताकानोरतोनि आनि येसुना गवाइ वेहानोरतोनि लडाइ कियालय होत्‍ता.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 18:23

इंदकेटाल नीवा लोप्पो पंतेना वेळसि बस्‍केने दिस्सो. मरमिने एगराना-दुनकाना सप्पुड बस्‍केने केंजा वायो. बारित्‍ते निहगा दंदा कियाना लोकुल्‍क पूरा बूमिपोर्रो पेद्‍दाल्क मत्‍तुर, इंका निमे नीवा होदें-मंत्राल्कु कीसि अन्‍नि देसेल्‍कुनोर्कुन पसांचतिन.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.

पेन हुपिस्‍ता पोल्‍लें 20:10

अस्‍के, जिवरासितुन आनि आबद्‍दम कबुरतोर्कुन बगा अय्ते मुन्‍नेन वाटतुरो, अदे गंदकमतोनि बगा-बगा पोतसेके मनना तडमिते, ओर्कुन नडेह कियाना देय्यमतुन वाटमळ जर्गता. अगा ओर नर्का-पिय्यल युगा-युगाल्‍कुनाहाटीं तडमि मंटाते तनलाळसेक मनांतुर.

पेन हुपिस्‍ता पोल्‍लें 9:11

वेल्‍लेन लोत पोक्‍काता दूता, अवुंक राजाल आसि मत्‍ता. इब्रानि बासाते दान अबदोन आनि ग्रीक बासाते अपुलोन इंचि इंतुर.