2 तेसलोनि 2:16 - पवित्र पोल्‍ले

¹⁶ मना सामि येसु किरिस्‍तु आनि पेनबाबाल मनाकुन पावरम कीसि, ओना कुर्पाहेंदाल बस्‍केळ्‍क मनना सांति, बेसता आसे हीतोर.

2 तेसलोनि 2:16 Iomraidhean Croise

लूकाल 16:25

अस्‍के अब्राहाम ओन, “हूळा पेडा, निमे मति कीम, निमे पिस्सि मननेंके नीकु बतल गावाले मत्‍ता अव अन्‍नि दोर्कतां, गानि लाजरुंक मात्रम अव अन्‍नि सुकाल्क दोर्का हिल्‍लें. इंदके इगे ईनकु बतल तकलिप हिल्‍ले गानि निमे मात्रम तडमिते तनलाळसेक मंतिन.

योहान 13:1

इद दुनियातुन होळसि पेनबाबानगा मल्सि होनना वेला दग्गेर्क एव्ता इंचि, येसुंक दाटसि होनना पंडुगुंकन्‍ना मुन्‍नेन तेळियता. इद दुनियाते मनना ओना लोकुल्‍कुन ओर वेल्‍लेन पावरम कीतोर. अचोने आयाका अद पावरमतुन आकिरदाका ओरपोर्रो हुपिच्‍चेकेन मत्‍तोर.

योहान 15:13

वरोर मनकल ओना दंटागानाहाटीं ओना जीवा हियमळकन्‍ना पेद्‍दा पावरम बद्‍दे आयो.

योहान 15:9

नावा बाबाल नाकुन बल्हा पावरम कीतोर, अल्हेन नना मीकुन पावरम कीतन. मिमेट नावा पावरमते निलसि मंटु.

योहान 16:22

इदगुडा अल्हेन! इंदके दुक्‍कम वांता, गानि नना मीकु मर्रा कलियंतन अस्‍के, मिमेट वेल्‍लेन कूस आकिर. अद कुसितुन मिहागटाल बोरे तेंडकुना परुर.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 4:14

गानि नना हियना एतुन बोर अय्ते उंटोरो, ओन्क मर्रा बस्‍केने दूपायो. नना हीता एर ओनालोप्‍पो बस्‍केळ्‍क ऊरसेके मनना ऊटालेसीं मारियसि, ओन्क बस्‍केळ्‍क पिस्सना पिस्वरतुन हिय्यार,” इंचि जवाब हीतोर.

प्रेरितुल्‍कुना कबाह्‍क 15:11

येसु सामिना कुर्पाते मनाकु मुक्‍ति दोर्कंता इंचि मनम नम्मंतोम गदा! अल्हेन ओर्कगुडा मुक्‍ति दोर्कंता इंचि विस्वासम मंता.” इंचि इत्‍तोर.

प्रेरितुल्‍कुना कबाह्‍क 18:27

अय्ते अप्‍पुलोस अकाया इनना एरियाक होनना विचारम कीतोर. अस्‍के दादालोरगुडा ओन्क बेस दैरनेम हीतुर. अचोने आयका अकाया एरिया पीसि मनना सिस्युल्कुंक, ईन बेस दग्‍गेर कीकुंटु, इंचि उंदि सिट्‍टि रासतुर. ओर अगा एवतारित्‍ते, पेनदा कुर्पाहेंदाल विस्वासमते वाता लोकुल्‍कुंक वेल्‍ले सहायम कीतोर.

रोम सहरतोरहाटीं पौलुसना सिट्‍टि 1:7

रोम सहरते मनना मीकु अंटोर्क ई सिट्‍टि रासि नना बतल वेहासेक इत्‍ते, पेनदुक मिमेट इत्‍ते वेल्‍लेन पावरम. इंका अद मीकुन दाना पवित्र लोकुल्‍क आयालय केयता. मना पेनबाबाल आनि येसु किरिस्‍तु सामिनहेंदाल मीकु कुर्पा, सांति दोर्कि.

रोम सहरतोरहाटीं पौलुसना सिट्‍टि 4:16

अदुनहाटीं पेन अब्राहामुना वंसंमतोर्क अंटोर्क हीता पोल्‍ले विस्वासम कीतोर्कुंक दाना कुर्पाताहेंदाले दोर्कंता. इद सिराप मूसाना नियम परकारम ताकानोर्कुंके आयो गानि अब्राहामुनलेसीं विस्वासमते ताकानोर अंटोराहाटीं मंता. ओर मना अंटोरा बाबल आंदुर.

रोम सहरतोरहाटीं पौलुसना सिट्‍टि 4:4

कबळ कियानोंक दोर्कनद कूलि आंद, दान इनाम इन्‍नुर. ओर कबळ कीतोर, इंचि अद ओन्क दोर्कता.

रोम सहरतोरहाटीं पौलुसना सिट्‍टि 5:8

गानि मनम इंका पापमतेन मत्‍तोम, अस्‍केने किरिस्‍तु मनाहाटीं जीवा हीतोर. इदुना हेंदाल पेन मनापोर्रो बच्‍चोन पावरम कींता इंचि दिसंता.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

इपीसि 5:25

अय्ते ए मरमिं आता मांडसुरिटा! किरिस्‍तु बल्हा कलिसियातुन पावरम कीसि, दानाहाटीं ओना सतता जीवातुन हीतोर, अल्हेन मिमेटगुडा मीवा मुत्‍तोह्‍कुन पावरम कीम्‍टु.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

कुलुसि 1:5

मीवाहाटीं स्वर्गमते उंदि आसे इर्सि मंता इंचि, अदुना बारेमते मिमेट मुन्‍नेने बेसता कबुरता सत्‍तेम पोल्‍लेते केंजतिर.

1 तेसलोनि 1:3

मिमेट विस्वासमते कियाना कबाटुन, पावरमते कियाना मीवा कस्‍टमतुन अल्‍हेने सामि येसु किरिस्‍तुनापोर्रोटा आसेते ओप्के पीसि मत्‍तादुन मोमोट मना पेनबाबाना मुन्‍ने बस्‍केळ्‍क मति कीसेके मंतोम.

1 तेसलोनि 3:11

इंदके मना पेनबाबाल आनि मना येसु सामि, मोमोट मिहगा वायालय हर्रि तयार कियिरकांटी.

2 तेसलोनि 2:13

सामिना पावरमगल्‍ला विस्वासुल्‍कुनिटा! मिमेट पवित्र आत्माताहेंदाल पवित्र आसि, सत्‍तेमते विस्वासम इर्सि पिसालय पेन मीकुन मुन्‍नेने पेरता. अदुनहाटीं माकु मीवा बारेमते पेनदुक बस्‍केळ्‍क दन्यवाद कियमळ गावाले.

तीतु 1:2

ई सत्‍तेम, बस्‍केळ्‍क पिस्सना पिस्वरता आसे पोर्रो निल्‍सि मंता. बस्‍केने आबद्‍दम वळ्कुवा पेन इदुन हींतन इंचि वेल्‍लेन मुन्‍ने पोल्‍ले हीसि मत्‍ता.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

1 योहान 3:16

किरिस्‍तु मनाहाटीं ओना सतता जीवा हीतोर. दीनाहेंदाल, पावरम इत्‍ते बतल मनाकु तेळियता. अदुनहाटीं मनम मना दंटा विस्‍वासुल्‍कुनाहाटीं जीवा हियालय तयार मनगोम.

पेन हुपिस्‍ता पोल्‍लें 22:5

अगा हीकट बस्‍केने मन्‍नो. ओर्कु पोळ्‍दु, वेडसि वेलगुना अव्‍सरम मन्‍नो. बारित्‍ते सामि पेनबाबाले ओर्कु वेलगु हियानुर. युगा-युगाल्‍कुनदाका ओरे राज्येम ताकसंतोर.

पेन हुपिस्‍ता पोल्‍लें 3:9

हूळा! नना देय्यमता दर्मसास्‍त्रम कराहना लोता लोकुल्‍कुन निहगा वायागोटंतन, ओर “मोमोट यहुदिर्क आंदुम इंचि इंतुर” ओर यहुदि आयुर गानि ओर आबद्‍दम वळ्कसेक मंतुर. नना ओर्कुन निहागा तायसि नीवा काल्क मोळ्‍का गोटांतन. अस्‍के नना मीकुन बच्‍चोन पावरम कींतन इंचि ओर्क तेळियंता.