2 तेसलोनि 2:15 - पवित्र पोल्‍ले

¹⁵ अदुनहाटीं विस्वासुल्‍कुनिटा! गट्‍टिगा निल्‍सि मंटु, मावा तोळ्‍दाल पेय्सता पोल्‍लेहेंदाल, सिट्‍टिताल बव रीति-रिवाजकु अय्ते मीक कराहतोम अवुन पीसि ताकट.

2 तेसलोनि 2:15 Iomraidhean Croise

रोम सहरतोरहाटीं पौलुसना सिट्‍टि 16:17

विस्वासुल्‍कुनिटा! इच्‍चुर लोकुल्‍क मिमेट करियता पोल्‍लेन हेळाहलय ई पोल्‍लेंक विरोदमते वेरे पोल्‍लें वेहचि मीलोप्‍पो वरोनद-वरोंक अर्राकोंटा कींतुर. असंटोरतोनि उसारते मंचि, ओर्क लक्‍कु मंटु इंचि नना मीकु विनंति कीसेक मंतन.

1 कुरेंति 11:2

अन्‍नि पोल्‍लेने नाकुन मिमेट मति कीसेक मंतिट, नना मीक कराहचि अप्पजेपता पोल्‍लेने ताकसेके मंतिट, इंचि नना मीकुन तल्‍सकुंचेके मंतन.

1 कुरेंति 15:58

नावा पावरमगल्‍ला विस्वासुल्‍कुनिटा! सामिना लोप्पो मीवा कस्‍टम एर्तम होन्‍नो इंचि मीक एरपाटे मंता. अदुनहाटीं मिमेट विस्वासमते हीके-हेके आयाकुंटा, गट्‍टिगा निल्‍सि मंटु, सामिना कबळते इंका एक्‍को बेर्स्‍सेके होंटु.

1 कुरेंति 16:13

इंदके मिमेट उसारते मंटु, विस्वासमते गट्‍टिगा मंटु, दैरनेमते मंटु, बलमगल्‍लोर्क आसि मंटु.

पिलिपिया 4:1

अदुनहाटीं विस्वासुल्‍कुनिटा! मिमेट सामिना विस्वासमते गट्‍टिगा मंटु. मीकुन हूळागोम इंचि नावा जीवा बच्‍चोरो तनलाळसेक मंता. नावा पावरमतोर मिमेटे आंदिर. किरिस्‍तु वातस्के, नना नावा कबळ महतन इंचि हुप्‍सानोर मिमेटे आंदिर.

2 तेसलोनि 2:2

अद बतल इत्‍ते, सामि मल्सि वायाना रोजु वाता इंचि मिमेट आत्माताहेंदाल आयि, पोल्‍लेताहेंदाल आयि, मावाहेंदाले सिट्‍टि वाता इत्‍ताप आयि मीक केंजा वाते, मीवा मनसुन हीके-हेके आया हियमटु, वेरियमट.

2 तेसलोनि 3:14

बोरन्‍नागिंटा इद सिट्‍टिते रासता पोल्‍लेन केंजसि ताकाकोंटे, ओनपोर्रो नदर इर्राट, ओनकु सिग्गु वायागोम इंचि ओनतोनि दंटा पियमट.

2 तेसलोनि 3:6

विस्वासुल्‍कुनिटा! बोर अय्ते लंडु आसि मंतुर, मोमोट वेहता रीति-रिवाज परकारम ताकसेक हिल्‍लुर, असोंटा हरेक मनकानाल लक्‍कु मंटु इंचि मना सामि येसु किरिस्‍तुना पोरोलते मीक आदेस हीसेक मंतोम.

तीतु 1:9

इंका ओन्क कराहता सत्‍तेम पोल्‍लेतुन ओर विस्वासमते गट्‍टिगा पीसि मनगोम. अल्हा मत्‍तेने ओर लोकुल्‍कुंक सत्‍तेम पोल्‍लें वेहचि ओर्क कराह पर्रांतोर आनि एदुर वळकानोरा तोड्‍डिं मुच्‍चा पर्रांतोर.

यहुदा 1:3

पावरमगल्‍लोरिटा! मनाक अंटोर्क दोर्कता मुक्‍तिता बारेमते मीकु रासाना इंचि इनकुंचेके मत्‍तन, गानि इंदके विस्वासमता बारेमते रासि दाना सत्‍तेमतुन कापाळनाहाटीं मीक तेळियागोटसि वेहाना इंचि नाक अव्‍सरम अनपिस्ता. ई सत्‍तेमतुन पवित्र लोकुल्‍कुंक बस्‍केळ्‍ताहाटीं उंदे मल्का हियमळ जर्गता.