2 तेसलोनि 2:14 - पवित्र पोल्‍ले

¹⁴ इल्‍हा मिमेट मना सामि येसु किरिस्‍तुना महिमातुन दोर्किच्‍कुनना इंचि, पेन मोमोट वेहता बेसता कबुरताहेंदाल मीकुन केयता.

2 तेसलोनि 2:14 Iomraidhean Croise

मत्‍तयाल 25:21

अस्‍के मालक कूस आसि, “वा रे वा, निमे बेस विस्वासमलायक दासुन आंदिन. इच्‍चोटा पोल्‍लेतगा निमे विस्वासमलायक मंतिन, अदुनहाटीं नना नीकु वेल्‍लेटोरपोर्रो अदिकारम हींतन. निमे लोप्पो होंचि मालकुनतोनि कूळसि कुसिते मन,” इत्‍तोर.

योहान 17:22

निमे ना लोप्पो मंतिन, नना नी लोप्पो मंतन. निमे नाकु हीता कदरतुन नना ओर्क हीतन. मनम इंदके बल्हा उंदि आसि मंतोमो, अल्हेन ओरगुडा उंदि आसि मंदना. अल्हा मत्‍तेने, नाकुन निमे लोहतिन आनि नाकुन पावरम कीताप ओर्कुनगुडा पावरम कीसंतिन, इंचि दुनियाक एरपाट आयापींता.”

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

रोम सहरतोरहाटीं पौलुसना सिट्‍टि 2:16

नना वेहना बेसता कबुर परकारम, बोर्क तेळियाकोंटा मनकालोर्क कीता कबाह्‍कुन पोर्रोटाल, अद रोजुने पेन येसु किरिस्‍तुनाहेंदाल लोकुल्‍कुना न्‍यायम किय्‍यार.

रोम सहरतोरहाटीं पौलुसना सिट्‍टि 8:17

मनम पेनदा मर्क-मियाह्क आताहाटीं वारसदार्कगुडा आंदुम. पेनदा वारसदार्क आताहेंका किरिस्‍तुनतोनिगुडा मनम वारसदार्के. मनम ओनतोनि कलियसि ओना महिमाते पोत्‍तु आंतोम इनकुनानय्ते, ओना तकलिपतेगुडा पोत्‍तु आयापींता.

इपीसि 1:18

अल्‍हेने, पेन मीकुन बद आसेताहाटीं केयता? दाना पवित्र लोकुल्‍कुंक अद हिय्याना वारसानहक्‍कताल दोर्काना महिमाता दनम बल्हा मंता? इदुना बारेमते तेळियानाहाटीं मीवा मनसुना वेळसि एल्‍गागोट्‍टि.

1 तेसलोनि 1:5

बारित्‍ते, मोमोट वेहता बेसता कबुर सिराप पोल्‍लेनतोने आयो गानि ताकतते, पवित्र आत्माते आनि पूरा गट्‍टि विस्वासमते मिहगा वाता. मोमोट मीवा नड्‍डुम मंचेके बल्हा ताकतोम मीक एरपाटे मंता.

2 तिमोति 2:12

मनम ओर्सकुंचेके मनानय्ते, ओनतोनि राज्येम इंका कींतोम. ओक्‍कला मनम ओन एरपाट किय्योन इनानय्ते, ओर इंका मनाकुन एरपाट किय्योर.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

2 पत्रु 1:3

मना पिस्वर आनि बक्‍तिताहाटीं पेन दाना ताकतताहेंदाल मनाकु बतल गावाले अव अन्‍नि हीता. मनम अदुन एरपाट कीताहाटीं अव मनाकु दोर्कतां. अद मनाकुन दाना महिमा आनि बेसतनमहेंदाल केयता.

पेन हुपिस्‍ता पोल्‍लें 21:23

अद सहरते वेलगु हियालय पोळ्‍दु, वेडसिता अव्‍सरम हिल्‍ले, बारित्‍ते पेनदा महिमाता वेल्‍गु अगा कांति हींता आनि गोर्रे पोरि दाना वेळसि आंद.

पेन हुपिस्‍ता पोल्‍लें 3:21

बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.