2 तेसलोनि 2:12 - पवित्र पोल्‍ले

¹² बचुटुर अय्ते सत्‍तेम पोल्‍लेतुन विस्वासम कियवा, कराब कबाह्‍कुने कूस आंतुर, ओर अंटोर्क पेन सिक्‍साता आदेस हिय्यार.

2 तेसलोनि 2:12 Iomraidhean Croise

मरकुस 14:11

अद केंजसि ओर कूस आसि, ओन्क कोत्‍तां हींतोम इंचि ओप्‍कुत्‍तुर. अदुनहाटीं ओर येसुन पीसि हियालय मोका हूळसेक मत्‍तोर.

मरकुस 16:16

बोर अय्ते विस्वासम कीसि, बापतिस्मा एतंतोर ओनके मुक्‍ति दोर्कंता, गानि बोर अय्ते विस्वासम किय्योर, ओनकु पेन सिक्‍साता आदेस हिय्यार.

योहान 3:36

पेनदा मर्रिन बोर अय्ते नम्मंतुरो, ओर्क बस्‍केळ्‍क पिस्सना पिस्वर दोर्कंता. गानि बोर अय्ते मर्रिना पोल्‍ले केंजुरो, ओर्क बस्‍केळ्‍क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.

रोम सहरतोरहाटीं पौलुसना सिट्‍टि 1:32

इसोंटा मनकालोर्कुंक पेनदाहेंदाल हामुरता सिक्‍सा तप्‍पो इंचि ओर्क एरपाट मंचिगुडा ओर इल्हे ताकंतुर. अचोने आयका अल्हा ताकानोर्कुन “बेस ताकसेक मंतिट,” इंचि मेच्‍चकुंतुर.

रोम सहरतोरहाटीं पौलुसना सिट्‍टि 12:9

लोकुल्‍कुंक हुप्‍सना इंचि पावरम कियमट, निजम पावरम कीम्‍टु. तप्पु कबाह्‍कुन हय्समट, बस्‍केळ्‍क बेस कबाह्‍क कीसेक मंटु.

रोम सहरतोरहाटीं पौलुसना सिट्‍टि 2:8

गानि बोर अय्ते सत्‍तेमते ताकाकोंटा तप्‍पुड कबाह्‍क कीसेके सतताहाटीं पिस्संतुर, ओरपोर्रो पेन होंग आसि सिक्‍सा हींता.

1 कुरेंति 13:6

कराब कबाह्‍कुने कूस आया हिय्यो, गानि सत्‍तेमते कूस आंता.

1 तेसलोनि 5:9

बारित्‍ते पेन मनापोर्रो होंग हुप्‍सालय आयो, गानि मना येसु किरिस्‍तु सामिनाहेंदाल मुक्‍ति दोर्किच्‍कुनालय मनाकुन निलाहता.

2 तेसलोनि 2:10

पजा कराब कबाह्‍क कीसि नासडेम आयानोर्कुन अन्‍नि तीरुकुने पसांचंतोर. बारित्‍ते बद सत्‍तेमतुन अय्ते पावरमते ओप्‍कुंचि मत्‍ते मुक्‍ति दोर्किस मनवळ, ओर अदुन ओप्पकुन्‍ना हिल्‍लुर.

2 पत्रु 2:3

आबद्‍दम कराहनोर, आस्तिताहाटीं तिय्यटा पोल्‍लें वेह्‍चि मीकुन ओरा पायदाहाटीं वाळकुंतुर. ओर्क हीता सिक्‍साता आदेस मुन्‍नेटाल मंता, ओरा नासडेम कूर्कसेके हिल्‍ले.

3 योहान 1:11

पावरमगल्‍ला दंटातोना! निमे ओनालेसीं कराबता जोलिक होन्‍मा, सिराप बेस बतल अदे कीसेके मन. बेसता कबाह्‍क कियानोर पेनदा मनकल आंदुर, सेड्‍डा कबाह्‍क कियानोर पेनदा मनकल आयोर.