2 तेसलोनि 1:9 - पवित्र पोल्‍ले

⁹ ओर सामिना मुन्‍नेटाल आनि ओना ताकतता महिमाताल लक्‍कु आसि ओर्क बस्‍केळ्‍क मनना नासडेमता सिक्‍सा आयार.

2 तेसलोनि 1:9 Iomraidhean Croise

मत्‍तयाल 16:27

मनकना रूपमते पुटतोन नना नावा बाबाना महिमाते दूतनतोनि वांतन, आ वेलाते बोरे मनकल आयिर, ओर कीता कबाह्‍कुना परकारमे ओर्क इनाम हींतन.

मत्‍तयाल 22:13

अस्‍के राजाल ओना जीतागाह्कुन केय्‍सि, “ईना कय्‍क-काल्क दोहचि, पलाते हीकटते पोहचीम्ट. अगा मनानोर अळसेके, वरगेयसेके, पल्कु कोर्कसेक मनांतुर,” इंचि इत्‍तोर.

मत्‍तयाल 24:30

पजा मनकना रूपमते पुटतोन नना वायना चिन्‍ह स्वर्गमते दिस्‍सार, अस्‍के बूमि पोर्रोटोर अन्‍नि जातिना लोकुल्‍क वेल्‍ले दुक्‍कम कियानुर. पजा मनकना रूपमते पुटतोन नना पेद्‍दा महिमा आनि ताकततोनि मब्बु तेर्पेनपोर्रो उद्‍दिसि वायानेंके लोकुल्‍क हूळानुर.

मत्‍तयाल 25:41

पजा ओना डेमा बाजुंक मत्‍तोर्कुन, “सापनेमते मनानोरिटा, नहागटाल पेय्सि होंट. देय्याल्कुना मुक्‍यानाहाटीं आनि अवुना दूतनहाटीं तयार कीता बस्‍केळ्‍क पोत्‍सेके मनना तडमिते होंचि अर्रट.

मत्‍तयाल 25:46

पजा “ई सेड्‍डा लोकुल्‍कुंक मारवा सिक्‍सा आंता. नीतिमंतुल्‍कुंक बारे बस्‍केळ्‍क पिस्सना पिस्वर दोर्कंता,” इंचि येसु इत्‍तोर.

मत्‍तयाल 26:24

दर्मसास्‍त्रमते रासि मत्‍ताप, मनकना रूपमते पुटतोन नना अय्ते दांतने. गानि बोनाहेंदाल अय्ते नाकुन पीसि हियमळ जर्गंता, आ मनकल पुट्‍टाकोंटेन बेस आसि मनवळ,” इत्‍तोर.

मत्‍तयाल 7:23

अस्‍के ओर्कुन, ए सेड्‍डा कबाह्‍क कियानोरिटा! नना मीकुन एरपाट किय्योन. मिमेट इगेटाल पेय्सि होंटु इंचि इंतन.

लूकाल 13:27

गानि ओर मात्रम, ‘नना मीकु वेहासेक मिमेट बगाटाल वातिरो, बोर आंदिरो नना मीकुन एरपाट किय्योन. अरे सेड्‍डा कबाह्‍क कियानोरिटा, मिमेट इगेटाल पेय्सि होंटु,’” इंचि इंतोर.

योहान 5:14

इदंता आतंका येसु आ मनकंक गुळिते कलियसि, “हूळा, निमे इंदके बेस आतिन! मर्रा पापि कबाह्‍कुना जोलिक होन्‍मा. होत्‍तिनित्‍ते दीनकन्‍ना एक्‍को बिमार अर्रंतिन,” इंचि वेहतोर.

पिलिपिया 3:19

आकिरते ओर नासडेम आयानुर, ओरा पिस्वर पीटाहाटींगे. सिग्गु होनना कबाह्‍क कीसेके ओर पेद्‍दातनम वेह्‍कुंतुर. दुनियाता पोल्‍लेन पोर्रेन ओरा मनसु मनंता.

1 तेसलोनि 5:3

बस्के अय्ते लोकुल्‍क, “मोमोट सांतिते मंतोम, माक वेर्रे हिल्‍ले,” इंचि वेहासेक मनंतुर, अस्‍केने पीटे मंदना मुरतळकु बल्हा नोप्‍पिं तेदंतां अल्हा, पीळा ओरापोर्रो अचानक वांता. ओर बल्हा किय्यिनागानि पिस्सुर.

2 तेसलोनि 2:8

बस्के अय्ते पेनदा पोल्‍लेतुन विरोद कियानोर दिस्‍सानुर, अस्‍के येसु सामि ओना तोळ्‍दा ऊपिरते ओन हव्‍किसि, ओर वायानेंके दिस्‍सना वेलगुने ओन नासडेम कियानुर.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

इब्रि 10:29

अय्ते, इंदके पेनदा मर्रिन पास्काना मनकंक, बद नेत्‍तुरहेंदाल अय्ते पवित्र कियमळ जर्गता आ पूना करारता नेत्‍तुरतुन, पवित्र आयो इंचि इनना मनकंक, कुर्पा हुप्‍साना पेनदा आत्मातुन पास्कानोंक, बच्‍चोन पेद्‍दा सिक्‍सा दोर्कारो, मिमेटे विचारम कीसि हुळट.

2 पत्रु 2:17

ओर एर हिल्वा कुहिं आनि दुमारम तेह्‍कुंचि ओयाना मब्बु तेर्पे आंदुर. ओराहाटीं बस्‍केळ्‍क हीकट मनना उंदि जेगा तयार कीसि मंता.

2 पत्रु 3:7

गानि इंदके मनना मब्बु, बूमितुन, अदे पोल्‍लेते तळमितोनि नासडेम कियाना रोजुनदाका कापाळसि इरसेक मंता. बक्‍ति हिल्‍वोरा न्‍यायम नासडेम आयाना रोजुनदाका अल्हेन मनंता.

यहुदा 1:13

ओर, समुद्रमता तडाने एतपोर्रो तेलाना कराब पोंगुरतालेसीं सिग्गु हिल्वा कबाह्‍क कियानोर आंदुर. ओर हर्रि तप्‍सि तिरियना सुक्‍कानसंटोर आंदुर. ओराहाटीं बस्‍केन मारवा हिर्र-हीकट तयार कीसि मंता.

पेन हुपिस्‍ता पोल्‍लें 20:11

पजा नना, उंदि तेल्‍लाटा राजगद्‍दे आनि दानपोर्रो उद्‍दिस मत्‍तोन हूळतन. बूमि, मब्बु ओना मुन्‍नेटाल पेय्सि वित्‍तुतां. मर्रा अवुंक बग्‍गेन जेगा दोर्काहिल्‍ले.

पेन हुपिस्‍ता पोल्‍लें 20:14

पजा पातालमतुन आनि नरकमतुन तळमिता सेरवुने वाटमळ जर्गता. ई तळमिता सेरवु इत्‍ते रोंडो हामुर आंदु.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.

पेन हुपिस्‍ता पोल्‍लें 22:15

गानि नयकस्‍केल लोकुल्‍क, होदेगाह्‍कु, बोगमतनम कियानुर, हव्कानुर, बोम्मांक मोळ्‍कानुर, आबद्‍दमतुन पावरम कियानुर, आबद्‍दम वळ्कानुर अंटोरगुडा सहरता पलातेन मनांतुर.