2 तेसलोनि 1:3 - पवित्र पोल्‍ले

³ विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

2 तेसलोनि 1:3 Iomraidhean Croise

लूकाल 15:32

गानि ईर नीवा तम्मुर वेल्‍लेन लक्‍कु होंचि हासोत्‍ताप मत्‍तोर, इंदके पिस्सि मल्सि वातोर. तप्‍सोंचि मत्‍तोर गानि इंदके दोर्कतोर. अदुनहाटीं मनम कूस आयमळ गावाले इत्‍तोर.” इल्‍हा वेहचि येसु वेसुडि वेहमळ महतोर.

लूकाल 17:5

इल्‍हा येसु वेहतद केंजसि, “मावा विस्वासमतुन बेर्सागोटा सामि,” इंचि ओना प्रेरितुल्क इत्‍तुर.

योहान 15:2

नावा पंगानाल बव पंगांक अय्ते कायां हादोंगो, अवुन ओर नरकिस पोहांतोर. आनि हादाना पंगान बारे, इंका बेस हादगोम इंचि अवुना कोस्‍सन कत्रिच्‍चंतोर.

रोम सहरतोरहाटीं पौलुसना सिट्‍टि 1:8

मोदाला नना मीकु वेहानद बतल इत्‍ते, मीवा विस्वासम बारेमते पूरा दुनियाक तेळियसि होत्‍ता. इदुन मति कीसेक मीवा अंटोराहाटीं येसु किरिस्‍तुनहेंदाल पेनदुक दन्यवाद कींतन.

1 कुरेंति 1:4

किरिस्‍तु येसुनलोप्‍पो मीक पेन हीता कुर्पाताहाटीं, नना पेनदुन बस्‍केळ्‍क दन्यवाद कींतन.

2 कुरेंति 10:15

वेरेतोर कीता कबळतुन मोमोटे कीतोम इंचि पेद्‍दिरकेम किय्‍योम. बल्हा-बल्हा मीवा विस्वासम बेर्स्‍सेके दांता, अल्हा-अल्हा मावा सेवा मना गेट्‍टुना लोप्‍पोने मीवाहाटीं पैलांचेके दांता इंचि आसे मंता.

इपीसि 5:20

अन्‍नि पोल्‍लेनाहाटीं, मना सामि येसु किरिस्‍तुना पोरोलते मना पेनबाबांक बस्‍केळ्‍क दन्यवाद कीसेके मंटु.

पिलिपिया 1:7

नना मीवा बारेमते इल्‍हा विचारम कियमळ बेसे आंद. बारित्‍ते, नना जेलने मत्‍तस्के आयि, बेसता कबुर वेहचि अव्टे मत्‍ता निजमतुन हुपिच्‍चि कापाळसेके तिरियतस्के आयि, इव अन्‍निटवुने पेनदाहेंदाल कुर्पा दोर्कता, अवुने नावातोनि मिमेटगुडा तोळ मंतिर. अदुनहाटीं मिमेट इत्‍ते नाकु वेल्‍लेन पावरम!

पिलिपिया 1:9

मीवा पावरम बेस बेरस्सेक मनना, पेनदाहेंदाल मीकु बुद्‍दि, मंचि-सेड्‍डातुन एरपाट कियना तेल्वि बेरसना इंचि नना बस्‍केळ्‍क पेनदुक पारतना कीसेक मनंतन.

1 तेसलोनि 3:12

मोमोट मीकुन पावरम कीताप, मिमेटगुडा मीलोप्‍पो वरोंक-वरोर पावरम कियालय, अंटोर लोकुल्‍कुनतोनि पावरम बेर्सालय सामि मीक सहायम कियिरकांटी.

1 तेसलोनि 3:6

गानि तिमोति इंदके मिहागटाल महगा, मीवा विस्वासम आनि पावरमता बारेमते बेसता कबुर पीसि वातोर. मोमोट बल्हा मीकुन हूळालय बागा तनलाळंतोम, अल्‍हेने माकुन हूळालय मिमेटगुडा मावा बस्‍केळ्‍क मति कींतिट इंचि वेहतोर.

1 तेसलोनि 3:9

मीवाहेंदाल मोमोट मना पेनदा मुन्‍ने वेल्‍ले कुसिते मंतोम. अदुना बारेमते मीवाहाटीं मोमोट पेनदुक वेल्‍लेने दन्यवाद कींतोम.

1 तेसलोनि 4:1

विस्वासुल्‍कुनिटा! बल्हा पिसते पेनदुन कूस ईरा परांतोम इंचि मिमेट मावाहेंदाल करियतिर, अल्‍हेने मिमेट पिस्सेकगुडा मंतिट, इंकागुडा मुन्‍ने अल्‍हेने पिस्सेक होंट इंचि विनंति कीसेके मंतोम आनि येसु सामिना लोप्पो तेल्‍पिच्‍चि वेहासेक मंतोम.

2 तेसलोनि 2:1

विस्वासुल्‍कुनिटा! इंदके मना सामि येसु किरिस्‍तु मर्रा वायाना बारेमते, आनि मनम जमा आसि ओनतोनि कलियाना बारेमते मीक विनंति कीसेके मंतोम.

2 तेसलोनि 2:13

सामिना पावरमगल्‍ला विस्वासुल्‍कुनिटा! मिमेट पवित्र आत्माताहेंदाल पवित्र आसि, सत्‍तेमते विस्वासम इर्सि पिसालय पेन मीकुन मुन्‍नेने पेरता. अदुनहाटीं माकु मीवा बारेमते पेनदुक बस्‍केळ्‍क दन्यवाद कियमळ गावाले.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

2 पत्रु 1:13

नना इद मेंदुलते मत्‍तच्‍चोरजेम मीक इवुन मति कीसि हीसि मीकुन हुसार कियमळे, बेस इनकुंतन.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.