2 पत्रु 3:2 - पवित्र पोल्‍ले

² अदुनहाटीं मिमेट पवित्र पेनदा कबुरतोर मुन्‍नेने वेहचि मत्‍ता पोल्‍लेन अल्‍हेने प्रेरितुल्‍कुना हेंदाल वेहतव सामि आनि मुक्‍ति हियानोना आदेसकुन मति इर्रागोम.

2 पत्रु 3:2 Iomraidhean Croise

लूकाल 24:27

पजा, मूसाना नियमते, अंटोर पेनदा कबुरतोर रासता पोल्‍लेने, अल्‍हेने दर्मसास्‍त्रमते ओना बारेमते बगा-बगा रासि मंतानो अवुनंता येसु ओर्कु बेस तेळियानाल वेहतोर.

लूकाल 24:44

तित्‍तारित्‍ते येसु ओर्कु, “इव पोल्‍लें बव इत्‍ते, नाकुन हव्कका मुन्‍ने नना मीवातोनि मत्‍तन, अस्‍के मीकु वेहतव आंदुं. मूसाना नियमते, पेनदा कबुरतोरा पुस्तकाल्कुने आनि बजन संहिताने रासि मत्‍ता अन्‍नि पोल्‍लें निजम आयनदे मत्‍ता,” इंचि इत्‍तोर.

प्रेरितुल्‍कुना कबाह्‍क 10:43

येसुनपोर्रो विस्वासम इर्रना हरेक मनकंक येसुना पोरोलते पापाल्क मापि आंतां, इंचि अंटोर पेनदा कबुरतोर्क गवाइ हीसि मत्‍तुर.”

प्रेरितुल्‍कुना कबाह्‍क 28:23

अस्‍के ओनतोनि कलियालय उंदि रोजु पक्‍का कीतुर. पक्‍का कीता रोजुने ओर आगसि मत्‍ता लोतगा यहुदिल्कु वेल्‍लेटुर जमा आतुर. पौलुस हक्‍केटाल अय्ते पोळ्‍द होननदाका पेनदा राज्येम बारेमते ओर्कु गवाइ वेहतोर. अल्‍हेने मूसाना नियमताल आनि पेनदा कबुरतोर रासता पुस्तकाल्कुनाल येसुना बारेमते ओर्कु तेळियागोट्‍सि वेहतोर.

प्रेरितुल्‍कुना कबाह्‍क 3:18

येसु किरिस्‍तुंक तकलिप अर्रापींता इंचि पेन दाना कबुरतोर्कुना हेंदाल मुन्‍नेन वेहचि मत्‍ता, अद इंदके पूरा आता.

प्रेरितुल्‍कुना कबाह्‍क 3:21

गानि पूरा दुनियातुन मोदाटालेसीं बेस कींतन, इंचि पेन वेल्‍ले मुन्‍नेने पवित्र कबुरतोराहेंदाल वेहचि मत्‍ता. अद कालम वायनादाका किरिस्‍तु स्वर्गमतेन मनंतोर.”

गलातिया 6:2

मिमेट तकलिपते वरोंक-वरोर सहायम कीम्‍टु, अल्हा कीतेने किरिस्‍तु हीता नियमतुन पूरा किया परांतिर.

इपीसि 2:20

अचोने आयाका प्रेरितुल्क आनि पेनदा कबुरतोरा पुनादिपोर्रो येसु किरिस्‍तुन मूला बंडालेसीं इर्सि दोहता लोह्‍कु मिमेटे आंदिर.

इपीसि 3:5

आ मर्ममता सत्‍तेमतुन पवित्र आत्माहेंदाल पेन दाना प्रेरितुल्कुंक आनि दाना कबुरतोर्कुंक इंदके बल्हा वेहतानो, अल्हा अस्‍केटा कालमता लोकुल्‍कुंक वेहमळ जर्गाहिल्‍ले.

2 पत्रु 2:21

बारित्‍ते ओर सत्‍तेमता हरदुन एरपाट कीसि, ओर्क हीता पवित्र आदेसताल तप्‍सि होनमळकन्‍ना, अद हर्रि ओर्कु तेळियका मनमळे बेस मत्‍ता.

2 पत्रु 3:15

मना सामिना ओप्के पीसि मनमळ मना मुक्‍तिहाटींगे इंचि इनकुंटु. सामि हीता बुद्‍दि परकारमे मना पावरमगल्‍ला पौलुस दादल मीक इव पोल्‍लें रासतोर.

2 पत्रु 3:16

इवुना बारेमते ओर ओना अन्‍नि सिट्‍टिने रासतोर. गानि अव्टेटाल इच्‍चुं पोल्‍लें तेळियालय वेल्‍लेन कस्‍टम मंतां. करियवोर, उंदि पोल्‍लेते निल्‍सि मनवोर, वेरे दर्मसास्‍त्रमते मत्‍ता पोल्‍लेन कीताप इवुनगुडा कींतुर. अल्हा कीसि ओरा नासडेमतुन ओरे तरकुंतुर.

1 योहान 4:6

गानि मनम पेनदा लोकुल्‍क आंदुम. पेनदुन एरपाट कियानोर, मना पोल्‍लें केंजंतुर. गानि पेनदुन एरपाट कियवोर, ओर मना पोल्‍लें केंजुर. इल्‍हा मनम, बद सत्‍तेमता आत्मा आनि बद आबद्‍दमता आत्मा इंचि परक एरपाट किया पर्रंतोम.

यहुदा 1:17

पावरमगल्‍लोरिटा! मना सामि येसु किरिस्‍तुना प्रेरितुल्‍कु मीवातोनि मुन्‍नेने, “आकिर वेलाते बक्‍ति हिल्वा इच्‍चां मत्‍ताप ताकानोर, मीकुन सिडांचंतुर,” इंचि वेहतुर, इव पोल्‍लेन मिमेट मति कीम्‍टु.

पेन हुपिस्‍ता पोल्‍लें 19:10

पजा नना आ दूताता काल्क मोळ्‍कालय दाना काल्कुनपोर्रो अरतन अय्ते अद नाकुन, “निमे नाकुन मोळ्‍कमा. ननागुडा नीलेसीं, नीवा दंटाता विस्वासुल्‍कुनलेसीं येसुना बारेमता गवाइ वेहासेके सेवा कियानोने आंदुन. निमे सिराप पेनदुने मोळ्‍का. बारित्‍ते येसुना बारेमता गवाइ इत्‍तेने बविस्यवानिता आत्मा आंदु.”