2 पत्रु 3:18 - पवित्र पोल्‍ले

¹⁸ मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.

2 पत्रु 3:18 Iomraidhean Croise

मत्‍तयाल 28:20

नना मीकु हीता आदेस परकारम ओर्कु ताकालय करहट, ई दुनिया मुंळगना आकिर वेलादाका नना बस्केळक मीतोने मनंतन,” इत्‍तोर.

मत्‍तयाल 6:13

माकुन पट्‍टुने अर्राकोंटा कापाळा, सेड्‍डातनमताल माकुन पिसागोट्‍टा. बस्केळक राजाल निमेन आंदिन. अदुनहाटीं ताकत आनि महिमा बस्केळक नीवदे आंद.” आमीन!

रोम सहरतोरहाटीं पौलुसना सिट्‍टि 11:36

दुनियाते मनानव अन्‍नि पेनदागटाले वातां, अन्‍निन अदे पुटिस्ता, दुनियाते मनानव अन्‍नि दानाहाटींगे मंतां. युगा-युगाल्‍कुनदाका दानदे महिमा आयि, आमीन.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

इपीसि 1:17

अचोने आयाका मना सामि येसु किरिस्‍तुना पेन, इत्‍ते महिमाते निंडिस मत्‍ता पेन बाबल, ओना बारेमते मिमेट इंका बेस एरपाट कियानाहाटीं ओना पवित्र आत्माहेंदाल मीकु बुद्‍दि आनि बेस तेल्‍पिचकुननाहाटीं तेल्वि हिय्यिर इंचि पारतना कीसेक मंतन.

इपीसि 4:15

इंका पावरमते निजम वळ्कसेक, मना तल्‍लालेसीं मनना किरिस्‍तुना बेसतनम मनालोप्‍पो बेर्सि, मनम हरेक पोल्‍लेते ओनालेसीं आयागोम.

पिलिपिया 3:8

अचोने आयाका, नावा सामि येसु किरिस्‍तुन एरपाट कीतदे पेद्‍दा पोल्‍ले आंद. कळमतव अन्‍नि अट्‍टि पोल्‍लेंगें, येसु किरिस्‍तुन दोर्किच्‍कुनालय अव अन्‍निन नना लेक्‍का किय्योन कचरा इनकुंतन.

कुलुसि 1:10

इदुनहेंदाल, मिमेट अन्‍नि तीरुकुने सामिन कूस कियालय मीवा पिस्वर दानकु इस्‍टमाताप मनंता, मीक हरेक बेसता कबळते पलम दोर्किसि, पेनदा तेल्‍विते बेर्स्‍सेके दांतिट.

कुलुसि 3:10

इंदके पूना पिस्वर पिसमळ सुरुव कीतिर, मनाकुन पुटिस्ता पेनदा गुनम मत्‍ताप, मिमेट तेल्वि दोर्किच्‍कुनालय पूनगा तयार आसेक मंतिट.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

2 तिमोति 4:18

सामि मनना स्वर्ग राज्येमते नना होनालय, ओर नाकुन हरेक कराब कबाटाल कापाळनुर. ओनके बस्‍केळ्‍ताहाटीं पेद्‍दातनम दोर्कि. आमीन.

1 पत्रु 2:2

इंदके पुटता पसिबाला बल्हा पाल उन्‍नालय तनलाळंता, अल्‍हेने मिमेटगुडा बेसता पाललेसीं मनना पेनदा पोल्‍लेताहाटीं तनलाळट. अल्हा तनलाळते मिमेट मुक्‍तिहाटीं पेनदा पोल्‍ले परकारम बेरस्सेक दांतिट.

2 पत्रु 1:11

इल्‍हा मिमेट मना सामि, मुक्‍ति हियना येसु किरिस्‍तुना बस्‍केळ्‍क मंदना राज्येमते वेल्‍ले कदरते होळिया परांतिट.

2 पत्रु 1:2

पेन आनि मना सामि येसुना तेल्विहेंदाल मीकु कुर्पा, सांति वेल्‍लेने बेर्स्‍सेके मन्‍निकांटी.

2 पत्रु 1:3

मना पिस्वर आनि बक्‍तिताहाटीं पेन दाना ताकतताहेंदाल मनाकु बतल गावाले अव अन्‍नि हीता. मनम अदुन एरपाट कीताहाटीं अव मनाकु दोर्कतां. अद मनाकुन दाना महिमा आनि बेसतनमहेंदाल केयता.

2 पत्रु 1:8

ओक्‍कला इव अन्‍नि पोल्‍लें मीलोप्‍पो मंचि बेर्स्‍सेके होनानय्ते, अव मीकुन मना सामि येसु किरिस्‍तुना तेल्‍विता बारेमते एक्‍को हुसार, बेस कबळलायक कींतां.

2 पत्रु 2:20

ओरगिंटा मना सामि मुक्‍ति हियना येसु किरिस्‍तुना तेल्‍विता हेंदाल दुनियाता कराब कबाह्कुनाल पलाते अरतंका, मर्रा अवे कराब कबाह्‍कुने हिरकिसि अवुना लोप्‍पोने ताकते, ओना गति मुन्‍नेटा गतिकन्‍ना आकिरता गति वेल्‍ले कराब मनंता.

यहुदा 1:25

अद उंदे पेनदुक, मनाकु मुक्‍ति हियानोर सामि येसु किरिस्‍तुनाहेंदाल, महिमा, पेद्‍दातनम, ताकत, अदिकारम मुन्‍नेटा कालमते मत्‍ताप इद कालमते आनि युगा-युगाल्‍कुनदाका मन्‍निकांटी, आमीन.

पेन हुपिस्‍ता पोल्‍लें 1:6

मना पेनबाबाना पेद्‍दातनम, अदिकारम बस्‍केळ्‍क मननाहाटीं ओर मनाकुन पेनदा राज्येमतोर आनि पेर्मालोर्क कीतोर. आमीन!