2 पत्रु 3:17 - पवित्र पोल्‍ले

¹⁷ अदुनहाटीं पावरमगल्‍लोरिटा! मीक इव पोल्‍लें मुन्‍नेटाले एरपाट मंतां, नीति हिल्वा लोकुल्‍कुना तप्पुकुने हिरकिसि, मीवा गट्‍टिगा निल्‍सि मत्‍ता हरदाल तप्‍पिसि होनाकोंटा हुसारते मंटु.

2 पत्रु 3:17 Iomraidhean Croise

मत्‍तयाल 16:11

नना वळ्‍कानद हारिना बारेमते आयो इंचि मीकु बल्हा तेळियसेक हिल्‍ले? नना बारे परिसिल्क आनि सदुकिर्कुना पुल्‍लटा पिंडिता बारेमते जेगर्ता मंटु इत्‍तन,” इंचि इत्‍तोर.

मत्‍तयाल 16:6

पजा येसु ओर्कुन इल्‍हा इत्‍तोर, “परिसिल्क आनि सदुकिर्कुना पुल्‍लटा पिंडिता बारेमते जेगर्ता मंटु,” इत्‍तोर.

मत्‍तयाल 7:15

आबद्‍दम कबुरतोरागटाल उसारते मंटु. ओर मिहगा सादा गोर्रेतालेसीं वांतुर गानि ओरा लोप्पो तोडेल्‍लिता गुनम मनंता.

योहान 16:4

अद कालम वातस्के, नना वेहता पोल्‍लें मीकु मति वायाना इंचि, इव पोल्‍लें नना मीकु वेहचंतन. इव पोल्‍लें नना मीकु मुन्‍ने वेहा हिल्‍लेन, बारित्‍ते नना मीतोने मत्‍तन.”

प्रेरितुल्‍कुना कबाह्‍क 2:42

ओर अंटोर, प्रेरितुल्कुना कराहमळते, कूळमळते, हारि उरुहमळते आनि पारतना कियमळते उंदि आसि मनुंदुर.

रोम सहरतोरहाटीं पौलुसना सिट्‍टि 16:18

असंटोर मना सामि किरिस्‍तुना सेवा किय्युर, गानि ओरा पीटाहाटीं सेवा कींतुर. ओरा तिय्यटा पोल्‍लेनाहेंदाल सीदा-सादा लोकुल्‍कुन मुळहंतुर.

1 कुरेंति 10:12

बोर अय्ते नना विस्वासमते गट्‍टिगा नित्‍तिसि मंतन इंचि विचारम कींतोरो, ओर विस्वासमताल अर्रामन्‍नि इंचि कापाळकुनना.

1 कुरेंति 15:58

नावा पावरमगल्‍ला विस्वासुल्‍कुनिटा! सामिना लोप्पो मीवा कस्‍टम एर्तम होन्‍नो इंचि मीक एरपाटे मंता. अदुनहाटीं मिमेट विस्वासमते हीके-हेके आयाकुंटा, गट्‍टिगा निल्‍सि मंटु, सामिना कबळते इंका एक्‍को बेर्स्‍सेके होंटु.

2 कुरेंति 11:3

गानि तरास चालाकिते हव्‍वान पसांचतापे, किरिस्‍तुनतोनि इमानदार, पवित्र मंदना मीवा मनसुनगुडा लक्‍कु किय्‍यार इंचि नना वेरियंतन.

गलातिया 5:4

मी लोप्पोटाल बोर अय्ते मूसाना नियम मत्‍ताप ताकसि नीतिमंतुल्क आंतोम इंचि इनकुंचेके मंतिर, मिमेट किरिस्‍तुनाल अलग आतिर, ओना कुर्पाताल लक्‍कु आतिर.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

पिलिपिया 3:2

अदुनहाटीं तप्‍पुड कबाह्‍क कियना नयकस्‍केल गुनमतोरगटाल जेगर्ता मंटु. कतना रिवाज कीतेन नीतिमंतुल्क आंतुर इंचि ओर कराहंतुर.

कुलुसि 2:5

नना मेंदुल्ते मिहागटाल लक्‍कु मंतन, गानि आत्माते मिहागेन मंतन. मीवा रोजता पिस्वर आनि किरिस्‍तुनलोप्‍पो मंदना मीवा गट्‍टि विस्वासम हूळसि नाक वेल्‍लेन कुसि आसेक मंता.

कुलुसि 2:8

मिमेट जेगर्ताते मंटु! बोरन्‍ना वासि मीकुन दुनियाता तेल्वि पोल्‍लें, एर्तम दोका हिय्यना पोल्‍लें वेह्‍चि पसांचा परांतुर, अव पोल्‍लें मनकालोर्कुना रीतिरिवाजकुनालेसीं, दुनियाते एनकटा कराहता पोल्‍लेनलेसीं मंतां गानि किरिस्‍तुना पोल्‍लेनलेसीं हिल्‍लें.

2 तिमोति 4:15

मनम वेहता पोल्‍लेंक ओर वेल्‍लेन अड्‍डम तिरियतोर. अदुनहाटीं निमेगुडा ओनागटल जेगर्ता मन.

इब्रि 3:14

बारित्‍ते, सुरुवने मनम इर्ता बरोसातुन मना पिस्वरता आकिरदाका गट्‍टिगा पीसि मत्‍तेन, मनम किरिस्‍तुना पालिगाह्क आंतोम.

1 पत्रु 5:9

मिमेट विस्वासमते गट्‍टिगा मंचि, दान्क विरोद कीम्‍टु. दुनियाते मनानोर विस्वासुल्कगुडा इल्हेने तकलिप बोगांचेके मंतुर इद मीक एरपाटे मंता.

2 पत्रु 3:1

पावरमगल्‍लोरिटा! इद रोंडो सिट्‍टि नना मीक रासतन. इव रोंडु सिट्‍टिने मीवा पवित्र मनसुन जेगर्ताते इर्राट इंचि नना मति कीसि हीतन.

पेन हुपिस्‍ता पोल्‍लें 2:5

निमे बद परिस्तितिते अय्ते अरतिनो अदुन मति कीम. मनसु मार्सकुंचि मुन्‍ने कीता कबाह्‍कुन मर्रा कीम. निमे गिंटा मनसु मार्सकुनाकुंटे नना वासि नी वेडसितुन अद जागाताल तेंडसि पोहांतन.