2 पत्रु 3:16 - पवित्र पोल्‍ले

¹⁶ इवुना बारेमते ओर ओना अन्‍नि सिट्‍टिने रासतोर. गानि अव्टेटाल इच्‍चुं पोल्‍लें तेळियालय वेल्‍लेन कस्‍टम मंतां. करियवोर, उंदि पोल्‍लेते निल्‍सि मनवोर, वेरे दर्मसास्‍त्रमते मत्‍ता पोल्‍लेन कीताप इवुनगुडा कींतुर. अल्हा कीसि ओरा नासडेमतुन ओरे तरकुंतुर.

2 पत्रु 3:16 Iomraidhean Croise

मत्‍तयाल 15:3

अस्‍के येसु ओर्क इल्‍हा जवाब हीतोर. “मिमेट अय्ते मीवां मुन्‍नेटा रीति-रिवाजकुन ताकसालय पेनदा आदेसतुन होळसेक मंतिर.

मत्‍तयाल 15:6

इत्‍ते मिमेट मीवा रीति-रिवाजकुनाहाटीं पेनदा पोल्‍लेतुन होळसेक मंतिर.

मत्‍तयाल 22:29

अस्‍के येसु ओर्क इल्‍हा जवाब हीतोर. “मिमेट दर्मसास्‍त्रमतुन आनि पेनदा ताकततुन एरपाट कियाका तप्पु अर्तम कीकुंचंतिर.

पिलिपिया 3:19

आकिरते ओर नासडेम आयानुर, ओरा पिस्वर पीटाहाटींगे. सिग्गु होनना कबाह्‍क कीसेके ओर पेद्‍दातनम वेह्‍कुंतुर. दुनियाता पोल्‍लेन पोर्रेन ओरा मनसु मनंता.

इब्रि 5:11

ई मेल्किसेदेकुना बारेमते वेहकोम इत्‍ते वेल्‍लेन पोल्‍लें मंतां. गानि मिहगा केंजना मनसु हिलुवाहेंका, बेस तेळियागोट्‍सि वेहमळ इत्‍ते वेल्‍लेन कस्‍टम.

1 पत्रु 1:1

नना पत्रुन, येसु किरिस्‍तुना प्रेरितुन आंदुन. रोम देसेमता पुंतुस, गलातिया, कप्‍पुदुकिया, आसिया आनि बितुनिया राज्येल्कुने पैलांचि होंचि, पराय देसेमतोर आसि मत्‍ता लोकुल्‍कुंक नना इद सिट्‍टि रासेके मंतन.

1 पत्रु 2:8

इंका दर्मसास्‍त्रमते इल्‍हा मंता गदा, “अद बंडा लोकुल्‍कुंक दल्‍गंता, इंका पर्पु बंडा ओर्कुन हिळु अरहंता. बारित्‍ते, ओर पेनदा पोल्‍लेने ताकवाहेंके, बंडा दल्‍गिसि हिळु अर्रंतुर. ओर हिळु अर्रनाहाटींगे इल्‍हा निलाहमळ जर्गता.”

2 पत्रु 2:1

अस्‍के बल्हा लोकुल्‍कुना नड्‍डुम आबद्‍दम कबुरतोर मत्‍तुर, अल्‍हेने मीवा नड्‍डुमगुडा आबद्‍दम कराहनोर मंदानुर. नासडेम कियाना नियमकुन ओर मक्‍किस पीसि वांतुर आनि बोर सामि अय्ते ओर्कुन अस्तोर, ओनगुडा ओर ओप्‍कुन्‍नुर. इल्‍हा ओरद-ओरे नासडेमतुन बिराना ओरापोर्रो तरकुंतुर.

2 पत्रु 2:14

ओरा कळ्‍क बोगमतनमते निंडिस मंतां. ओर पापम कियाका मन्‍ना पर्रुर. विस्वासमते गट्‍टिगा हिल्वोर्कुन नळेह कीसि पापमते अरहंतुर. ओरा मनसु आस्तिक अलवट आसि मंता. ओर सापनेमते मत्‍तोरा मर्क आंदुर,

2 पत्रु 3:14

अदुनहाटीं पावरमगल्‍लोरिटा, मिमेट इवुनाहाटीं एदुर हूळसेक मंतिट, अय्ते पेनदा मुन्‍ने सांतिते, डाग हिलाकोंटा, दोसेम हिलाकोंटा मनालय कोसिस कीम्‍टु.

2 पत्रु 3:2

अदुनहाटीं मिमेट पवित्र पेनदा कबुरतोर मुन्‍नेने वेहचि मत्‍ता पोल्‍लेन अल्‍हेने प्रेरितुल्‍कुना हेंदाल वेहतव सामि आनि मुक्‍ति हियानोना आदेसकुन मति इर्रागोम.

यहुदा 1:4

बारित्‍ते चुपचाप इच्‍चुर लोकुल्‍क मीलोप्‍पो होळियतुर, ओर पेनदा बक्‍तुल्क आयुर. ओर पेनदा कुर्पातुन बिगडांचि पापमता कबाह्‍क कियानाहाटीं मना वरोरे मालक सामि येसु किरिस्‍तुन ओप्‍कुन्‍नुर. असंटोर्क सिक्‍सा आंता इंचि मोदाटाले दर्मसास्‍त्रमते रासि मंता.