2 पत्रु 3:12 - पवित्र पोल्‍ले

¹² पेन वायाना रोजुनाहाटीं मिमेट एदुर हूळसेक मंतिर, अद बिराना वायाना इंचि कोरसेके मंटु. अद रोजु मब्बु तळमिते वेसि नासडेम आंता आनि अवुने मत्‍तव अन्‍नि बारे तळमि दगडाकु कर्गिस दांतां.

2 पत्रु 3:12 Iomraidhean Croise

मत्‍तयाल 16:27

मनकना रूपमते पुटतोन नना नावा बाबाना महिमाते दूतनतोनि वांतन, आ वेलाते बोरे मनकल आयिर, ओर कीता कबाह्‍कुना परकारमे ओर्क इनाम हींतन.

मत्‍तयाल 16:28

नना मीकु निजम वेहांतन, इग्‍गे नित्‍तिसि मनानोरा लोप्पोटाल इच्‍चुर इल्‍हा मंतुर गदा, मनकना रूपमते पुटतोन नाकुन नावा राज्येमते वायनेंके बदवेरदाका अय्ते हूळुर, अदवेरदाका ओर्कु हामुर वायो,” इंचि इत्‍तोर.

पिलिपिया 1:6

मीवा नड्‍डुम इच्‍चोन बेसता कबळतुन पेने सुरुव कीता. इद कबळ पुरागा आयनदाका, इत्‍ते येसु किरिस्‍तु मर्रा तिरियसि वायना रोजुनदाका पेने इद कबाटुन ताकिच्‍चेक इर्रंता इंचि नाकु पुरागा बरोसा मंता.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

2 पत्रु 3:10

गानि सामि मल्सि वायाना रोजु दोंगानलेसीं वांता. अस्‍के मब्बु पेद्‍दा आवाजतोनि दिसाकोंटा आंता. मब्बुने मनानव अन्‍नि तळमिते कर्गिस दांतां आनि बूमि, बूमिपोर्रो मत्‍तव अन्‍नि वेसि दांतां.

2 पत्रु 3:11

इवन्‍नि नासडेम आयाना मंता, अदुनहाटीं मिमेट पवित्र अल्हेन पेनदा पिस्वरते बल्हा मंदगोम, विचारम कीम्‍टु.

2 पत्रु 3:4

इंका ओर वासि, “ओर मर्रा वांतोर इंचि हीता पोल्‍ले बतल आता? मावा एनकटा पेद्‍दाल्क अय्ते हासोत्‍तुर, दुनिया पुटतस्केटाल अन्‍नि पोल्‍लें बल्हा मत्‍तव अल्हे मंतां,” इंचि मीकुन पूसकींतुर.

2 पत्रु 3:7

गानि इंदके मनना मब्बु, बूमितुन, अदे पोल्‍लेते तळमितोनि नासडेम कियाना रोजुनदाका कापाळसि इरसेक मंता. बक्‍ति हिल्‍वोरा न्‍यायम नासडेम आयाना रोजुनदाका अल्हेन मनंता.

यहुदा 1:21

बस्‍केळ्‍क मनना पिस्वरताहाटीं मना सामि येसु किरिस्‍तुना दयाता आसेते एदुर हूळसेक पेनदा पावरमते निल्‍सि मंटु.