2 पत्रु 3:10 - पवित्र पोल्‍ले

¹⁰ गानि सामि मल्सि वायाना रोजु दोंगानलेसीं वांता. अस्‍के मब्बु पेद्‍दा आवाजतोनि दिसाकोंटा आंता. मब्बुने मनानव अन्‍नि तळमिते कर्गिस दांतां आनि बूमि, बूमिपोर्रो मत्‍तव अन्‍नि वेसि दांतां.

2 पत्रु 3:10 Iomraidhean Croise

मत्‍तयाल 24:35

इद बूमि, मब्बु नासडेम आसि होंदार, गानि नावा पोल्‍लें बस्‍केने नासडेम आयों.

मरकुस 13:31

इद बूमि, मब्बु नासडेम आसि होंदार, गानि नावा पोल्‍लें बस्‍केने नासडेम आयों.

लूकाल 12:39

गानि मिमेट उंदि पोल्‍ले बेस तेळियागोट्‍कुंटु. अद बतल इत्‍ते, दोंगल बद वेलाक वांतोर इंचि ओक्‍कला लोता मालकुंक मुन्‍नेन तेळियसि मत्‍ते ओर तेल्वितेन मनांतोर आनि आ दोंगन लोते होळिया हिय्योर.

रोम सहरतोरहाटीं पौलुसना सिट्‍टि 8:20

बारित्‍ते पेन पुट्‍टिस्‍तव अन्‍निटव अवुना इच्‍चा परकारम बत्‍तक ओज्‍जाकोंटा आया हिल्‍लें, गानि पेने दाना इच्‍चा परकारम अवुन बतक ओज्‍जाकोंटा कीता.

1 कुरेंति 1:8

सामि येसु किरिस्‍तु मर्रा वायाना रोजुने मिमेट दोसेम हिलाकोंटा मंदना इंचि पेन मीकुन आकिरदाका गट्‍टिगा इर्रंता.

1 कुरेंति 5:5

असोंटा तप्‍पुड कबळ कियानोना मेंदुल्तुन नासडेम कियालय पेद्‍दा देय्यमता कय्‍दे अप्पजेप्पना. बारित्‍ते, ओक्‍कला ओर पस्‍चातापम कियानय्ते, सामि वायाना रोजुने ओना आत्मा पिस्सार.

1 तेसलोनि 5:2

बारित्‍ते नर्कटा वेलाते दोंगल बल्हा अचानक वांतोर, अल्‍हेने सामि वायाना रोजुगुडा मनंता इंचि मीकु एरपाटे.

1 तेसलोनि 5:4

गानि विस्वासुल्‍कुनिटा! अद रोजु दोंगानलेसीं अचानक मीपोर्रो वायालय मिमेट बारे हीकटते हिल्‍लिर.

2 पत्रु 3:11

इवन्‍नि नासडेम आयाना मंता, अदुनहाटीं मिमेट पवित्र अल्हेन पेनदा पिस्वरते बल्हा मंदगोम, विचारम कीम्‍टु.

2 पत्रु 3:12

पेन वायाना रोजुनाहाटीं मिमेट एदुर हूळसेक मंतिर, अद बिराना वायाना इंचि कोरसेके मंटु. अद रोजु मब्बु तळमिते वेसि नासडेम आंता आनि अवुने मत्‍तव अन्‍नि बारे तळमि दगडाकु कर्गिस दांतां.

2 पत्रु 3:7

गानि इंदके मनना मब्बु, बूमितुन, अदे पोल्‍लेते तळमितोनि नासडेम कियाना रोजुनदाका कापाळसि इरसेक मंता. बक्‍ति हिल्‍वोरा न्‍यायम नासडेम आयाना रोजुनदाका अल्हेन मनंता.

यहुदा 1:6

अचोने आयाका, बवय्ते पेनदा दूतां अवुना अदिकारमता जेगान इर्रा हिल्‍लें, अल्हेन अव जेगान होळ्‍सीतां, पेन अवुनगुडा न्‍यायम कियाना रोजुनहाटीं हीकटते बस्‍केन नेम्मुवा गोल्सुल्कुने दोहचि इर्ता.

पेन हुपिस्‍ता पोल्‍लें 16:15

अव आत्मां आ राजालोर्कुन इब्रानि बासाते अरमिगदोन इनना जेगातगा कल्‍पतां. अदुनहाटीं येसु, “हुळाट नना मिहगा दोंगानलेसीं वांतन, बोर अय्ते तेल्‍विते मंचि, केर्राना कपडिन कापाळकुंतोर ओरे आसिर्वाद दोर्कतोर आंद. बोरे आयिर अल्हा मनाकोंटे मेंदुल कुळकें दिस्‍सि लोकुल्‍कुना मुन्‍ने ओनद ओरे सिग्गु पोगोटकुत्‍तोर आंतोर” इंचि वेहतोर.

पेन हुपिस्‍ता पोल्‍लें 20:11

पजा नना, उंदि तेल्‍लाटा राजगद्‍दे आनि दानपोर्रो उद्‍दिस मत्‍तोन हूळतन. बूमि, मब्बु ओना मुन्‍नेटाल पेय्सि वित्‍तुतां. मर्रा अवुंक बग्‍गेन जेगा दोर्काहिल्‍ले.

पेन हुपिस्‍ता पोल्‍लें 21:1

पजा नना उंदि पूना स्वर्गम, उंदि पूना बूमितुन हूळतन. बारित्‍ते, मोदाटा स्वर्गम, मोदाटा बूमि मायम आसि होत्‍ता, इंका समुद्रमगुडा मनाहिल्‍ले.

पेन हुपिस्‍ता पोल्‍लें 3:3

अदुनहाटीं केंजता बोदातुन निमे बल्हा ओप्कुत्‍तिनो अदुन मति कीम. मति कीसि अल्हे ताका आनि मनसु मार्सकुन. ओक्‍कला निमे जेगर्ता मनाकोंटे, नना वरोर दोंगानलेसीं वांतन, नना बद वेलाक निहागा वांतन, दाना पत्‍तागुडा नीकु दल्‍गो.

पेन हुपिस्‍ता पोल्‍लें 6:14

मब्बु उंदि कागदेम हुटताप हुटकुंचि मायसोत्‍ता. अल्हेन हरेक गुट्‍टा, दीबे अवुना जागानाल जर्गतां.