2 पत्रु 3:1 - पवित्र पोल्‍ले

¹ पावरमगल्‍लोरिटा! इद रोंडो सिट्‍टि नना मीक रासतन. इव रोंडु सिट्‍टिने मीवा पवित्र मनसुन जेगर्ताते इर्राट इंचि नना मति कीसि हीतन.

2 पत्रु 3:1 Iomraidhean Croise

मत्‍तयाल 5:8

बोर ओना मनसु पेनदापोर्रो इर्रंतोर, पेन ओन्‍के आसिर्वाद हींता, उंद रोजु ओरे पेनदुन हूळांतोर.

1 तिमोति 5:22

कलिसियाता पेद्‍दा मनकल इंचि निलाहनाहाटीं, बोन पोर्रेन गाबर आसि कय इरमा. वेरेतोरा पापाल्कुने निमे पालिगाड आयमा. इंका नीवद निमे बस्‍केळ्‍क पवित्र ईर्कुन.

2 तिमोति 1:6

इदुनहाटीं नना नीकु मति कीसि हियानद बतल इत्‍ते, नना नीवा पोर्रो कय इरतस्के, पेनदाहेंदाल नीकु उंदि वरम दोर्कता. अद वरमतुन निमे बस्‍केळ्‍क एल्‍गिच्‍चि इर्रा.

इब्रि 6:9

अय्ते नावा पावरमगल्‍लोरिटा, मोमोट इंदके इल्‍हा वळ्‍कसंतोम. अयना मीहेंदाल मोमोट इवुंकन्‍ना बेस पोल्‍लें आसे पडसंतोम. मिमेट कियाना कबाह्‍कुन हूळसि, मीकु निजमे मुक्‍ति दोर्कता इंचि माकु बरोसा मंता.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

1 पत्रु 2:11

नावा पावरमगल्‍लोरिटा, मिमेट वेरे देसेमतोर, वेरे नाटेनोर आसि मंतिर. अदुनहाटीं मी आत्माकु अड्‍डम मनानव दुनियातां अन्‍नि सेड्‍डा आसेनाल लक्‍कु मंटु इंचि विनंति कीसेके मंतन.

2 पत्रु 3:14

अदुनहाटीं पावरमगल्‍लोरिटा, मिमेट इवुनाहाटीं एदुर हूळसेक मंतिट, अय्ते पेनदा मुन्‍ने सांतिते, डाग हिलाकोंटा, दोसेम हिलाकोंटा मनालय कोसिस कीम्‍टु.

2 पत्रु 3:17

अदुनहाटीं पावरमगल्‍लोरिटा! मीक इव पोल्‍लें मुन्‍नेटाले एरपाट मंतां, नीति हिल्वा लोकुल्‍कुना तप्पुकुने हिरकिसि, मीवा गट्‍टिगा निल्‍सि मत्‍ता हरदाल तप्‍पिसि होनाकोंटा हुसारते मंटु.

2 पत्रु 3:8

गानि पावरमगल्‍लोरिटा! सामिनगा उंदि रोजु वेय वर्सानालेसीं आनि वेय वर्सां उंदि रोजुनलेसीं मनंतां इद पोल्‍लेतुन मति मर्गमटु.

यहुदा 1:5

मीक इवन्‍नि पोल्‍लें मोदाटाले एरपाट मंतां, अय्नागानि इव पोल्‍लें मीक मति कीसि हींतन इंचि इनकुंचेके मंतन. पेन दाना लोकुल्‍कुन इजिप्‍त देसेमताल पेचाह्ता पजा बोर अय्ते दान विस्वासम किया हिल्‍लुर, ओर्कुन नासडेम कीता.