2 पत्रु 2:9 - पवित्र पोल्‍ले

⁹ इल्‍हा, बक्‍तिगल्‍लोर्कुन परिक्‍सानाल बल्हा कापाळना आनि बक्‍ति हिल्वोर्कुन न्‍यायमता रोजुनदाका सिक्‍साते बल्हा वाटसि इर्राना इत्‍तद सामिंक तेळियसे मंता.

2 पत्रु 2:9 Iomraidhean Croise

मत्‍तयाल 10:15

नना मीकु निजम वेहासेक गदा, पेन न्‍यायम कियना रोजुने सदोम आनि गमोरा सहरकुना परिस्तिति आ नाह्‍कुंकन्‍ना बच्‍चोरो बेस मनंता.

मत्‍तयाल 6:13

माकुन पट्‍टुने अर्राकोंटा कापाळा, सेड्‍डातनमताल माकुन पिसागोट्‍टा. बस्केळक राजाल निमेन आंदिन. अदुनहाटीं ताकत आनि महिमा बस्केळक नीवदे आंद.” आमीन!

रोम सहरतोरहाटीं पौलुसना सिट्‍टि 2:5

गानि गट्‍टि मनसु, हेंडुतनमहेंका बस्‍केने मिमेट मनसु मार्सा हूळिर. इल्‍हा कीसि मीवा सिक्‍सातुन मिमेटे बेरसागोटसंतिर. बस्के अय्ते पेन दाना होंगुन मीपोर्रो हुप्पिचि, मीकु सिक्‍सा हिय्यार अस्‍के लोकुल्‍क दाना सत्‍तेमता न्‍यायमतुन हूळानुर.

1 कुरेंति 10:13

अंटोर्क वायानसोंटवे परिक्‍सां मीक वातां, दानकन्‍ना एक्‍को परिक्‍सां मीक वाया हिल्‍लें. गानि पेन विस्वासमगल्‍लद आंद. अद मीतोनि आया परवसोंटा एक्‍को परिक्‍साने अर्रा हिय्यो, परिक्‍सां वाते मिमेट सहन कियागोम इंचि अव्टेटाल पेय्‍सना हर्रिगुडा पेन कींता.

2 तिमोति 3:12

किरिस्‍तु येसुना लोप्पो पेनदा बक्‍तिते ताकंतन इंचि इच्‍चा इर्राना अंटोर्क कस्‍टाल्‍क अय्ते वायानुंगे.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

2 पत्रु 2:4

बारित्‍ते, बस्के अय्ते पेनदा दूतां पापम कीतां, अस्‍के पेन अवुनगुडा होळसा हिल्‍ले. न्‍यायमता रोजु वायानादाका अवुन नरकमते हीकटता पोक्‍काने वाटसि इरता.

2 पत्रु 3:7

गानि इंदके मनना मब्बु, बूमितुन, अदे पोल्‍लेते तळमितोनि नासडेम कियाना रोजुनदाका कापाळसि इरसेक मंता. बक्‍ति हिल्‍वोरा न्‍यायम नासडेम आयाना रोजुनदाका अल्हेन मनंता.

यहुदा 1:6

अचोने आयाका, बवय्ते पेनदा दूतां अवुना अदिकारमता जेगान इर्रा हिल्‍लें, अल्हेन अव जेगान होळ्‍सीतां, पेन अवुनगुडा न्‍यायम कियाना रोजुनहाटीं हीकटते बस्‍केन नेम्मुवा गोल्सुल्कुने दोहचि इर्ता.

पेन हुपिस्‍ता पोल्‍लें 3:10

निमे ओप्के पीसि नावा पोल्‍लेते ताकतिन अल्हेन, केंजतिनगुडा. अदुनहाटीं ई दुनियाता लोकुल्‍कुना पट्‍टु हूळालय बतलय्ते परिक्‍सा वायाना मंता, अव्टेटाल नीकुन कापाळंतन.