2 पत्रु 2:2 - पवित्र पोल्‍ले

² वेल्‍ले लोकुल्‍क ओरा सिग्गु हिल्वा कबाह्‍कुन हूळसि ओरालेह्केन कियानुर. ओरसंटोराहाटींगे सत्‍तेमता हर्रि बदनाम आंता.

2 पत्रु 2:2 Iomraidhean Croise

मत्‍तयाल 22:16

परिसिल्क येसुन पसांचना उपायाल्‍क कीसि, ओरा इच्‍चुर सिस्युल्कुन हेरोद राजाना मनकालोरतोनि ओनाहेके लोहचीतुर. ओर येसुनगा होंचि इल्‍हा इत्‍तुर. “गुरु, निमे निजम वळ्‍कानोन, पेनदा हर्दा बारेमते सत्‍तेमते करहानोन आंदिन इंचि माक एरपाट मंता. बोर बतल इनिनागानि दाना पिकिरगुडा किय्‍यिन, निमे लोकुल्‍कुना मोकम हूळसि वळ्किन, इदिंका माकु एरके.

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

मत्‍तयाल 7:14

पिस्वरताहेके होनना हर्रि आनि तल्‍पु वेल्‍ले इर्कुटोम मंता. आ हर्रि वेल्‍ले तक्‍को मंदिक दोर्कंता.

मरकुस 12:14

ओर येसुनगा वासि इल्‍हा इत्‍तुर. “गुरु, निमे निजम वळ्‍कानोन आंदिन, बोर बतल इनिनागानि दाना पिकिरगुडा किय्‍यिन, निमे लोकुल्‍कुना मोकम हूळसि वळ्किन, इंका पेनदा हर्दा बारेमते सत्‍तेमते कराहंतिन इंचि माक एरपाटे मंता. इंदके माकु वेहा, नियम परकारम, कैसर राजांक कर दोहमळ न्‍यायमेना, आयोना?” इत्‍तुर.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

प्रेरितुल्‍कुना कबाह्‍क 13:10

“अरे! दोका हियानोना, अन्‍नि तीरकुना नडेह कियाना बुद्‍दिं निंडिस मत्‍ता देय्यमता मर्रिना! अन्‍नि नीति पोल्‍लेंक अड्‍डम तिरियना पगातोन आंदिन. सामिना निजम पोल्‍लेतुन बदवेरदाका आबद्‍दम वळ्कसेक मनांतिन?

प्रेरितुल्‍कुना कबाह्‍क 14:2

गानि विस्वासम कियवा यहुदिल्कु, विस्वासुल्‍कुनतोनि जगडम कियालय वेरे जातितोर्कुन एक्‍किस्तुर.

प्रेरितुल्‍कुना कबाह्‍क 16:17

अद, “ई मनकालोर अन्‍निंकन्‍ना पेद्‍दा पेनदा सेवाकुल्क आंदुर. ईर मीकु मीवा पापमताल मुक्‍ति दोर्कना हर्दा बारेमते वेहासेक मंतुर,” इंचि वरगेयसेके पौलुस आनि मावा पज्जो वाता.

प्रेरितुल्‍कुना कबाह्‍क 18:26

अय्ते ओर यहुदिल्कुना दर्मसास्‍त्रम कराहना लोते होंचि वेरियाकोंटा वळकालय सुरुव कीतोर. उंदि मल्का ओर वळ्कानेंके पिरिसकिला आनि अकविला ईर इव्वुर ओना पोल्‍लें केंजतुर. केंजसि ओन दग्गेर्क केयकुंचि ओन्क पेनदा हर्दा बारेमते इंका बेस तेळियागोट्‍सि वेहतुर.

प्रेरितुल्‍कुना कबाह्‍क 19:9

गानि ओरंटे इच्‍चुर जिद्‍दि मनकालोर मत्‍तुर. ओर विस्वासम किया हिल्‍लुर. अचोने आयका लोकुल्‍कुना मुन्‍ने पेन वेहता हर्दा बारेमते रोता-रोता पोल्‍लें वळ्कसेक मत्‍तुर. अदुनहाटीं पौलुस, सिस्युल्कुन ओना पज्जो केयकुत्‍तोर. आ लोकुल्‍कुन अग्गेन होळसि रोज तरन्‍नुसना मिटिंग बंगलाते होंचि चर्चा कियुंदुर.

प्रेरितुल्‍कुना कबाह्‍क 22:4

नना पेनदा हर्रि पीसि ताकाना लोकुल्‍कुन बच्‍चोनो तकलिप कीतन, दीनहेंदाल इच्‍चुर लोकुल्‍कुना जीवां इंका होत्‍तां. मुरतळ-मांडसा इनाकोंटा अंटोर्कुन पीसि जेलने वाटुंदुन.

प्रेरितुल्‍कुना कबाह्‍क 24:14

गानि उंदि पोल्‍लेतुन नीवा मुन्‍ने नना ओप्‍कुंतन. नना पेनदा हर्दे ताकसि, मना पेद्‍दाल्कुना पेनदा सेवा कींतन. आ हर्दुन ईर तप्‍पुड पार्टि इंतुर. मूसाना नियमते, पेनदा कबुरतोरा नियमते रासतव अन्‍नि पोल्‍लेनपोर्रो नना विस्वासम कींतन.

रोम सहरतोरहाटीं पौलुसना सिट्‍टि 2:24

“मीवा इसोंटा कबाह्कुनहेंका यहुदि आयवोरा नड्‍डुम पेनदा अपमानम आंता,” इंचि दर्मसास्‍त्रमते रासिगुडा मंता.

1 तिमोति 5:14

अदुनहाटीं लेय्यातनमते मुंडामोस्ता मुर्ताह्क मरमिं आसि, पिलाल्कुन कंचेके संसारम कियना इंचि नावा इच्‍चा मंता. अल्हा कीते पगातोर्कुंक तप्पुक दोसना मोका दोर्को.

तीतु 2:5

सततुन आपकुंचि पिस्‍साना, पवित्र मंदना, लोतुन आवरिच्‍कुनना, दयाता गुनम मंदना, मुय्दोना पोल्‍लेपोर्रो बेस मंदना, इंचि कराह. अल्हा कराहते, अवुनाहेंदाल पेनदा पोल्‍ले बदनाम आयाकोंटा मनंता.

तीतु 2:8

निमे कराहना बोदा इच्‍चोन सत्‍तेम मनना गदा, अव्टे बोरे तप्पु तेंडामन्‍नि आनि नीवा विरोदमते वळ्कानोर्कुंक मना बारेमते बतले तप्पु दोर्कका ओर्क सिग्गु वायगोम.

1 पत्रु 2:12

मिमेट अविस्वासुल्‍कुना नड्‍डुम मंतिट इंचि बेस ताकट. ओर मीकुन कराब लोकुल्‍क इंचि बदनाम किय्यिनागानि मीवा बेस कबाह्‍कुन हूळसि, पेन वायाना रोजुने ओर इंका पेनदा कदर कियानुर.

2 पत्रु 2:12

गानि ईर ई लोकुल्‍क ओर्क तेळियवा पोल्‍लेना बारेमते तेराहसेक मनांतुर, दोर्कापीसि हव्कानाहाटीं पुटता बुद्‍दि हिल्वा जिवरासिनसंटोर ईर आंदुर. अवुनालेसीं ईरगुडा नासडेम आंतुर.

2 पत्रु 2:15

ओर सवरटा हरदाल तप्‍सोत्‍तोर आंदुर, बोअरना मर्रि बिलाम इननोना हर्रि पीतुर. बिलामुंकु कराब कबाह्‍कुना कूलि पसंद मत्‍ता.

2 पत्रु 2:18

ओर बत्‍तक ओज्जुवा पोंगुळ पोल्‍लें वळ्कसेके मनंतुर, तप्‍पुड हर्रि ताकानोरव्टेटाल तपिच्‍कुंचि इंदके-इंदकेने बेसता हर्दे वातोर्कुन, ओर ओरा मेंदुल्ता रोता आसेना हेंदाल बोगमतनमते अरहंतुर.

2 पत्रु 2:21

बारित्‍ते ओर सत्‍तेमता हरदुन एरपाट कीसि, ओर्क हीता पवित्र आदेसताल तप्‍सि होनमळकन्‍ना, अद हर्रि ओर्कु तेळियका मनमळे बेस मत्‍ता.

यहुदा 1:10

ई लोकुल्‍कुंक बव पोल्‍लें अय्ते तेळियों अवुन हय्सुर, गानि बुद्‍दि हिल्वा जिवरासिनलेसीं बव पोल्‍लें अय्ते ओर्क तेळियंतां अवुनाहेंदाले ओर नासडेम आंतुर.

यहुदा 1:4

बारित्‍ते चुपचाप इच्‍चुर लोकुल्‍क मीलोप्‍पो होळियतुर, ओर पेनदा बक्‍तुल्क आयुर. ओर पेनदा कुर्पातुन बिगडांचि पापमता कबाह्‍क कियानाहाटीं मना वरोरे मालक सामि येसु किरिस्‍तुन ओप्‍कुन्‍नुर. असंटोर्क सिक्‍सा आंता इंचि मोदाटाले दर्मसास्‍त्रमते रासि मंता.

यहुदा 1:7

अल्‍हेने सदोम, गमोरा सहरतोर, अल्हेन पकापीसि मत्‍ता सहरकुनोर व्यबिचारम कीतुर आनि परायतोर पज्जो अर्सि मत्‍तुर. इद उंदि उदाहरनलेसीं, ओर बस्‍केळ्‍क पोत्‍तना तळमिते सिक्‍सा बोगांचेक मंतुर.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.

पेन हुपिस्‍ता पोल्‍लें 13:14

मोदाटा जिवरासिता मुन्‍ने इद जिवरासिक चिन्‍हां हुप्‍सना अदिकार दोर्कता, अदुनहाटीं चिन्‍हां हुपिच्‍चेक बूमिपोर्रो मनना लोकुल्‍कुन, “बद जिवरासिक अय्ते हायानसोंटा देब्बा दल्‍गिसि मत्‍ता, अद जीवाते मंता अदुना बोम्मा कीम्‍टु,” इंचि बोंकिचुंदु.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.