2 पत्रु 2:18 - पवित्र पोल्‍ले

¹⁸ ओर बत्‍तक ओज्जुवा पोंगुळ पोल्‍लें वळ्कसेके मनंतुर, तप्‍पुड हर्रि ताकानोरव्टेटाल तपिच्‍कुंचि इंदके-इंदकेने बेसता हर्दे वातोर्कुन, ओर ओरा मेंदुल्ता रोता आसेना हेंदाल बोगमतनमते अरहंतुर.

2 पत्रु 2:18 Iomraidhean Croise

प्रेरितुल्‍कुना कबाह्‍क 2:40

पजा पत्रु, इंका वेल्‍लेने पोल्‍लेनहेंदाल गवाइ हीसि, “ई युगमता कराब लोकुल्‍कुनाल मिमेट जेगर्ता मंटु,” इंचि विनंति कीतोर.

प्रेरितुल्‍कुना कबाह्‍क 8:9

अद नाटे सिमोन पोरोलतोर वरोर मनकल मनुंदुर. ओर होदें-मंत्राल्कुना बलमते इचंत्रमाता कबाह्‍क कीसि, नाके एक्‍को तेळियंता, इंचि वेहकुंचेके सामरिया सहरता लोकुल्‍कुन इचंत्रमते अरहुंदुर.

रोम सहरतोरहाटीं पौलुसना सिट्‍टि 13:13

पोद्‍दला ओप्‍पनालायक मनम ताकाना. अदुनहाटीं लावारिस तिरिया मनि, कराब पार्टिं कियामन्‍नि, रिम्मा वायानव उनामन्‍नि, बोगम कबाह्‍क कियामन्‍नि, जगडाल्‍क कियामन्‍नि, इंकावरोन पोर्रो कळ्‍क पोत्‍ता मन्‍नि, गानि मनम बेसता हर्दे ताकाना.

इपीसि 4:17

अदुनहाटीं सामिना पोरोलते नना मीकु विनंति कीसि वेहानद बतल इत्‍ते, यहुदि आयवोर बल्हा ओरा बत्‍तक ओज्जुवा विचाराल्कुन परकारम ताकंतुरो, अल्हा मिमेट इंदकेटाल मर्रा ताकमट.

2 तेसलोनि 2:4

आ नासडेमता मर्रि, पेन इंचि इनानवुन अन्‍निन, मनकालोर मोळ्‍कानवुन अन्‍निन विरोद कीसि, ओनद ओरे पेद्‍दोन इंचि वेहकुंतोर. ओर पेनदालेसीं पेनदा गुळिते होंचि उद्‍दानुर, आनि ननाने पेनदुन इंचि वेहकुनानुर.

याकोब 5:5

मिमेट ई दुनियाते अन्‍नि तीरकुना आरामते, सुकमते पिस्तिर आनि मिमेट हायना रोजुनाहाटीं मीवा मनसुन बल्सागोटतिर.

2 पत्रु 1:4

दुनियाते मनना कराब आसेनाल पुट्‍टना रोता गुनमताल तपिच्‍कुंचि, मनम पेनदा बेस गुनमता हिस्सेदार्क आयाना इंचि अद मनाकु विलुवाता पोल्‍लें हीता.

2 पत्रु 2:14

ओरा कळ्‍क बोगमतनमते निंडिस मंतां. ओर पापम कियाका मन्‍ना पर्रुर. विस्वासमते गट्‍टिगा हिल्वोर्कुन नळेह कीसि पापमते अरहंतुर. ओरा मनसु आस्तिक अलवट आसि मंता. ओर सापनेमते मत्‍तोरा मर्क आंदुर,

2 पत्रु 2:2

वेल्‍ले लोकुल्‍क ओरा सिग्गु हिल्वा कबाह्‍कुन हूळसि ओरालेह्केन कियानुर. ओरसंटोराहाटींगे सत्‍तेमता हर्रि बदनाम आंता.

2 पत्रु 2:20

ओरगिंटा मना सामि मुक्‍ति हियना येसु किरिस्‍तुना तेल्‍विता हेंदाल दुनियाता कराब कबाह्कुनाल पलाते अरतंका, मर्रा अवे कराब कबाह्‍कुने हिरकिसि अवुना लोप्‍पोने ताकते, ओना गति मुन्‍नेटा गतिकन्‍ना आकिरता गति वेल्‍ले कराब मनंता.

2 पत्रु 3:17

अदुनहाटीं पावरमगल्‍लोरिटा! मीक इव पोल्‍लें मुन्‍नेटाले एरपाट मंतां, नीति हिल्वा लोकुल्‍कुना तप्पुकुने हिरकिसि, मीवा गट्‍टिगा निल्‍सि मत्‍ता हरदाल तप्‍पिसि होनाकोंटा हुसारते मंटु.

यहुदा 1:13

ओर, समुद्रमता तडाने एतपोर्रो तेलाना कराब पोंगुरतालेसीं सिग्गु हिल्वा कबाह्‍क कियानोर आंदुर. ओर हर्रि तप्‍सि तिरियना सुक्‍कानसंटोर आंदुर. ओराहाटीं बस्‍केन मारवा हिर्र-हीकट तयार कीसि मंता.

पेन हुपिस्‍ता पोल्‍लें 13:11

पजा नना मरुंदि जिवरासितुन बूमि लोप्पोटाल पोर्रो वायानद हूळतन, दान्क गोर्रे पोरिनलेसीं रोंडु कोह्कु मत्‍तां. अद मासुल तरासुनलेसीं वळ्कसेक मत्‍ता.