2 पत्रु 2:1 - पवित्र पोल्‍ले

¹ अस्‍के बल्हा लोकुल्‍कुना नड्‍डुम आबद्‍दम कबुरतोर मत्‍तुर, अल्‍हेने मीवा नड्‍डुमगुडा आबद्‍दम कराहनोर मंदानुर. नासडेम कियाना नियमकुन ओर मक्‍किस पीसि वांतुर आनि बोर सामि अय्ते ओर्कुन अस्तोर, ओनगुडा ओर ओप्‍कुन्‍नुर. इल्‍हा ओरद-ओरे नासडेमतुन बिराना ओरापोर्रो तरकुंतुर.

2 पत्रु 2:1 Iomraidhean Croise

मत्‍तयाल 10:33

गानि बोर अय्ते लोकुल्‍कुना मुन्‍ने नाकुन एरपाट किय्योन इंतोरो, ननागुडा ओन नावा स्वर्गमते मनना पेनबाबाना मुन्‍ने एरपाट किय्योन इंतन.

मत्‍तयाल 24:11

बच्‍चटुरो आबद्‍दम कबुरतोर, पेनदा कबुरतोर्कुम इंचेके वांतुर, लोकुल्‍कुंक सेड्‍डा हर्रि हुपसंतुर.

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

मत्‍तयाल 24:5

नावा पोरोल एतसेके बचुटूरो लोकुल्‍क वांतुर. वासि, ‘ननाने किरिस्‍तुन आंदुन’ इंचि वेल्‍लेटोर्कुन पसांचंनुर.

मत्‍तयाल 7:15

आबद्‍दम कबुरतोरागटाल उसारते मंटु. ओर मिहगा सादा गोर्रेतालेसीं वांतुर गानि ओरा लोप्पो तोडेल्‍लिता गुनम मनंता.

लूकाल 12:9

गानि बोर अय्ते लोकुल्‍कुना मुन्‍ने नाकुन ‘एरपाट किय्योन’ इंतोरो, ननागुडा ओन पेनदा दूताना मुन्‍ने ‘एरपाट किय्योन’ इंचि इंतन.

लूकाल 21:8

अस्‍के येसु इल्‍हा इत्‍तोर. “मीकुन बोरन्‍ना पसांचनुर, उसारते मंटु. नावा पोरोल एतसेके बचुटूरो लोकुल्‍क वासि, ‘ओन ननाने आंदुन, इंतुर. इंका अद वेला दग्‍गेरा एव्ता,’ इंचि इनानुर. असंटोरा पज्जो होनमट.

लूकाल 6:26

इंदके अंटोराहेंदाल कदर दोर्किच्‍कुत्‍तोरिटा! मीकुन पेन बेस हूळो, बारित्‍ते बोर अय्ते मीक कदर हीतुर, ओरा एनकटा पेद्‍दाल्कगुडा, मुन्‍नेटा पेनदा आबद्‍दम कबुरतोर्क कदर हियुंदुर. आ आबद्‍दम कबुरतोर्क दोर्कताप, मीकुगुडा सिक्‍सा दोर्कार.”

रोम सहरतोरहाटीं पौलुसना सिट्‍टि 16:18

असंटोर मना सामि किरिस्‍तुना सेवा किय्युर, गानि ओरा पीटाहाटीं सेवा कींतुर. ओरा तिय्यटा पोल्‍लेनाहेंदाल सीदा-सादा लोकुल्‍कुन मुळहंतुर.

1 कुरेंति 11:19

मीलोप्‍पो अलग आयमळ बेसे. बारित्‍ते बोर निजमते पिस्संतोर, ओर दिस्‍सि अर्रंतोर.

1 कुरेंति 6:20

बारित्‍ते पेन मीकुन दरा दोस्‍सि अस्‍कुत्‍ता, अदुनहाटीं मिमेट मीवा मेंदुलताहेंदाल दाना महिमा कीम्‍टु.

1 कुरेंति 7:23

पेन मीकुन दरा दोस्‍सि अस्‍कुत्‍ता, दानहाटीं मनकालोरा दास आयमटु.

गलातिया 2:4

गानि मावा लोप्पो इच्‍चुर लोकुल्‍क विस्वासुल्‍कुनलेसीं आसि मक्‍किस होळियतुर. येसु किरिस्‍तु माकुन यहुदिल्कुना नियमाल्कुना गुलामगिरिताल पलाते पेचाह्तदुन चुपचाप हूळसि, माकुन मर्रा गुलामगिरिते अरहचि नासडेम कियना उद्‍देसमते ओर वातुर.

गलातिया 3:13

“मराकु वेलाड वाटता हरेक मनकल सापनेम दल्‍गतोरे,” इंचि दर्मसास्‍त्रमते रासतद मंता. अदुनहाटीं मूसाना नियमहेंका मनाकु दल्‍गता सापनेमतुन किरिस्‍तु कुद्‍दु येतकुत्‍तोर. इल्‍हा किरिस्‍तु सापनेम दल्‍गतोर आसि मनाकुन आ सापनेमताल कापाळतोर.

गलातिया 4:17

आबद्‍दम पोल्‍लें कराहनोर मीकुन ओरा पट्‍टुने अरहालय वेल्‍लेन कोसिस कीसेक मंतुर. ओरा अद कोसिस मीवा बेसताहाटीं आयो गानि मिमेट ओरा लोप्पो कलियसि मंचि मावाहेंदाल अलग आयना इंचि ओरा विचारम मंता.

इपीसि 1:7

किरिस्‍तु ओना सतता नेत्‍तुरतुन पोंगागोटताहेंका मना पापाल्क मापि आसि मनाकु मुक्‍ति दोर्कता. इल्‍हा पेन दाना वेल्‍लेन कुर्पातुन मनापोर्रो कुम्मरिच्‍ता.

इपीसि 4:14

इल्‍हा मत्‍ते बतल आंता इत्‍ते, बोर अय्ते आबद्‍दम, तप्‍पुड बोदां कराहचि मनाकुन विस्वासमता हरदाल तप्‍सालय हूळांतुरो, असंटोरा पोल्‍लेने अर्राकोंटा, वळिकु हीके-हेके आयाकोंटा मनंतोम. इल्‍हा मुन्‍ने मनम सिना पिलाल्कुनलेह्का आयोम.

पिलिपिया 3:19

आकिरते ओर नासडेम आयानुर, ओरा पिस्वर पीटाहाटींगे. सिग्गु होनना कबाह्‍क कीसेके ओर पेद्‍दातनम वेह्‍कुंतुर. दुनियाता पोल्‍लेन पोर्रेन ओरा मनसु मनंता.

कुलुसि 2:18

बोरन्‍ना सतागा सिन्‍नातनम हुपिच्‍कुनानोर, दूताना पूजा कियानोर, हूळता पोल्‍लेनपोर्रो, ओना मनसुना पालतु पोल्‍लेनपोर्रो पेद्‍दिरकेम कियानोना हेंदाल मीवा पेनदा इनामतुन तपिच्‍कुना हियमटु.

कुलुसि 2:8

मिमेट जेगर्ताते मंटु! बोरन्‍ना वासि मीकुन दुनियाता तेल्वि पोल्‍लें, एर्तम दोका हिय्यना पोल्‍लें वेह्‍चि पसांचा परांतुर, अव पोल्‍लें मनकालोर्कुना रीतिरिवाजकुनालेसीं, दुनियाते एनकटा कराहता पोल्‍लेनलेसीं मंतां गानि किरिस्‍तुना पोल्‍लेनलेसीं हिल्‍लें.

1 तिमोति 5:8

ओक्‍कला बोरन्‍ना ओना हेडमितोर्कुन बेस हूळकुनाकोंटे, विसेस कीसि सतता लोतोर्कुन बेस हूळकुनाकोंटे, ओर विस्वासमता कदर कियवोर आंतोर. अचोने आयका विस्वासम कियवोंकन्‍ना एक्‍को कराब मनकना लेक्‍काते वांतोर.

2 तिमोति 4:3

नना इल्‍हा बारि वेहासेक इत्‍ते, बेस बोदातुन लोकुल्‍क केंजुर असोंटा कालम वायना मंता. ओर ओरा मनसुंक वाताप ताकंतुर, ओरां दुर्दा केव्कुंक बतल अय्ते केंजमळ इस्‍टमो, असोंटा पोल्‍लें कराहना गुरुल्‍कुन सततातोनि कल्‍पकुंतुर.

तीतु 1:11

ईरकुन वळ्‍काकोंटा कियमळे गावाले. बारित्‍ते ईर लोकुल्‍क, बव पोल्‍लें अय्ते कराहना आयनो, अव पोल्‍लें कराहचि तप्‍पुड कमाइ कियनाहाटीं अन्‍नि कुटुंबाल्कुनंता पाळ कींतुर.

तीतु 3:10

अल्हा चुगली कीसि वेरे-वेरे कियालय हूळानोंक, उंदि-रोंड मल्कां दटांचा. केंजाकोंटे, ओर मनकल हर्रि तप्‍सि पापम कीसंतोर, ओनद-ओरे दोस्‍सि इंचि हुपिच्‍कुंचंतोर इंचि एरपाट कीसि ओना दंटा होळसीम.

इब्रि 10:29

अय्ते, इंदके पेनदा मर्रिन पास्काना मनकंक, बद नेत्‍तुरहेंदाल अय्ते पवित्र कियमळ जर्गता आ पूना करारता नेत्‍तुरतुन, पवित्र आयो इंचि इनना मनकंक, कुर्पा हुप्‍साना पेनदा आत्मातुन पास्कानोंक, बच्‍चोन पेद्‍दा सिक्‍सा दोर्कारो, मिमेटे विचारम कीसि हुळट.

1 पत्रु 1:8

मिमेट येसुन हूळाकोन्‍ना गानि पावरम कींतिट; इंदके ओर दिसाकोन्‍ना ओन विस्वासम कीसि, पोल्‍लेने वेहा परवच्‍चोन आनंदमते आनि महिमाते निंडिस मंतिर.

2 पत्रु 2:3

आबद्‍दम कराहनोर, आस्तिताहाटीं तिय्यटा पोल्‍लें वेह्‍चि मीकुन ओरा पायदाहाटीं वाळकुंतुर. ओर्क हीता सिक्‍साता आदेस मुन्‍नेटाल मंता, ओरा नासडेम कूर्कसेके हिल्‍ले.

1 योहान 2:26

मीकुन पसांचालय हूळना लोकुल्‍कुना बारेमते नना इव पोल्‍लें मीकु रासेक मंतन.

1 योहान 4:1

पावरमगल्‍लोरिटा! नहगा पेनदा आत्मा मंता इनना अंटोरपोर्रो विस्वासम कियमट. मोमोट पेनदा कबुरतोरम इंचेके, तप्‍पुड बोदां कराहनोर वेल्‍लेन मंदि दुनियाते वेलियसंतुर. अदुनहाटीं बरोसा कियाका मुन्‍ने आ वळ्‍कानोनगा मनना आत्मां पेनदागटाल वातावेना इंचि, परिक्‍सा कीसि हुळट.

यहुदा 1:4

बारित्‍ते चुपचाप इच्‍चुर लोकुल्‍क मीलोप्‍पो होळियतुर, ओर पेनदा बक्‍तुल्क आयुर. ओर पेनदा कुर्पातुन बिगडांचि पापमता कबाह्‍क कियानाहाटीं मना वरोरे मालक सामि येसु किरिस्‍तुन ओप्‍कुन्‍नुर. असंटोर्क सिक्‍सा आंता इंचि मोदाटाले दर्मसास्‍त्रमते रासि मंता.

पेन हुपिस्‍ता पोल्‍लें 13:14

मोदाटा जिवरासिता मुन्‍ने इद जिवरासिक चिन्‍हां हुप्‍सना अदिकार दोर्कता, अदुनहाटीं चिन्‍हां हुपिच्‍चेक बूमिपोर्रो मनना लोकुल्‍कुन, “बद जिवरासिक अय्ते हायानसोंटा देब्बा दल्‍गिसि मत्‍ता, अद जीवाते मंता अदुना बोम्मा कीम्‍टु,” इंचि बोंकिचुंदु.

पेन हुपिस्‍ता पोल्‍लें 2:13

बगा अय्ते देय्यमता राजगद्‍दे मंता अग्गेन निमे मनांतिन इंचि नाकु एरपाटे. अयना ना पोरोलते निमे निल्‍सि मंतिन. नावा विस्वासमगल्‍ला सेवक अंतिपान मीवा नड्‍डुमे देय्यम मनना जेगाते हव्कतुर, अव रोजकुनेगुडा निमे नावा पोर्रोटा विस्वासमताल पजोळ्क होना हिल्‍लिन.

पेन हुपिस्‍ता पोल्‍लें 2:9

“नीवा तिप्‍पल्‍क आनि गरिबतनम नाकु एरपाटे. (गानि निमे सिरमंतुने आंदिन) बोर अय्ते नीवा अपमानम कींतुर, मोमोट यहुदिल्क आंदुम इंचि इंतुर, गानि असल ओर आयुर. ओर देय्यमता दर्मसास्‍त्रम कराहना लोतुर आंदुर.

पेन हुपिस्‍ता पोल्‍लें 3:8

निमे कियाना कबाह्‍क नाक एरपाटे, नीवा ताकत तक्‍को मंता गानि नावा पोल्‍लेता पालन कीतिन आनि नावा पोरोलतुन एतोन इंचि इना हिल्‍लिन. अदुनहाटीं हूळा! नीवा मुन्‍ने उंदि तल्‍पु कुल्‍ला कीसि इरतन, अदुन बोरे बंद किया पर्रुर.

पेन हुपिस्‍ता पोल्‍लें 5:9

पज्जो ओर अंटोर उंदि पूना पाटा पारालय दल्‍गतुर, “निमे इद पुस्तकमतुन एतसि, दाना सिक्‍कान नेम्‍हाचि विच्‍चनालायक मंतिन. बारित्‍ते, निमे मोक्‍कु आसि नीवा नेत्‍तुर कुदुवा दोस्‍सि हरेक जातिताल, हरेक बासानोरव्टेटाल, हरेक लोकुल्‍कुनाल आनि हरेक देसेमतोरव्टेटाल पेनदाहाटीं अस्‍कुत्‍तिन. निमे ओर्कुन पेनदाहाटीं दाना राज्येमतोर आनि पेर्मालोर्क कीतिन. ओर बूमिपोर्रो राज्येम कींतुर.”

पेन हुपिस्‍ता पोल्‍लें 6:10

आ आत्मां पेद्‍दा आवाजते, “ए सामि, पवित्र आनि सत्‍तेम मनानोन, माकुन हव्कुता बूमिपोर्रोटा लोकुल्‍कुना न्‍यायम निमे बस्के कींतिन? ओरा न्‍यायम कीसि मावा नेत्‍तुरता बदला बस्के एतांतिन?” इंचि वरगेयालय दल्‍गतां.