2 पत्रु 1:9 - पवित्र पोल्‍ले

⁹ गानि बोनगा इव गुनाल्‍क हिल्‍लेंगो ओर गुड्‍डि आंदुर, लक्‍कुटा नदर हिल्वोर आंदुर. ओना पडाना पापाल्कुन पेन नोर्सि ओना सुद्‍दिकरन कीतदगुडा मति मर्गतोर.

2 पत्रु 1:9 Iomraidhean Croise

मरकुस 10:21

येसु ओनहेके हूळतोर. पावरम अनपिच्‍चि, ओन इल्‍हा इत्‍तोर. “निहगा उंदि पोल्‍ले तक्‍को मंता. होन, निहगा बतल अय्ते मंता अदुन पूरा अम्मिसि, गरिबोर्कुंक तूसि हीम. अस्‍के नीकु स्वर्गमते दनम दोर्कार, पजा नहगा वासि ना पज्जो ताका,” इत्‍तोर.

लूकाल 18:22

ओर इत्‍तद केंजसि येसु ओन इल्‍हा इत्‍तोर. “इंदकेगुडा निहगा उंदि पोल्‍ले तक्‍को मंता. निहगा बतल अय्ते मंता, अदुनंता पूरा अम्मिसि, गरिबोर्कुंक तूसि हीम. अस्‍के नीकु स्वर्गमते दनम दोर्कार, पजा नहगा वासि ना पज्जो ताका,” इत्‍तोर.

रोम सहरतोरहाटीं पौलुसना सिट्‍टि 6:11

इल्‍हा मिमेटगुडा पापमताहाटीं हातोरलेह्का मंचि, पेनदाहाटीं येसु किरिस्‍तुने जीवाते मंतोम इनकुंटु.

गलातिया 5:13

गानि विस्वासुल्‍कुनिटा! पेन मीकुन नियमकुना लोप्पोटाल इळबळिस्ता. अदुनहाटीं नना वेहासेक मंतन, मिमेट मीवा पापि विचाराल्कुन पूरा कियालय मीकु विचारम वाताप ताकानायो गानि पावरमते वरोंक-वरोर सहायम कीसेक मंदना.

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

इपीसि 5:26

अस्‍के दान किरिस्‍तु, पेनदा पोल्‍लेतोनि सक्‍कगा साप नोर्सि पवित्र कींतोर.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

इब्रि 9:14

गानि किरिस्‍तुना नेत्‍तुर, हामुरताहेके ओयाना कबाह्‍क कियाना मना मनसुन अवुंकन्‍ना बच्‍चोर सुद्‍द किय्‍यार! अद बल्हा इत्‍ते, बस्‍केळ्‍क मनना पेनदा पवित्र आत्माता बलमतोनि, बतले दोसेम हिलुवा येसु, पेनदा मुन्‍ने सतागा मोक्‍कु आतोर. बस्‍केळ्‍क जीवाते मंदना पेनदुन मनम मोळ्‍काना इंचि येसु अल्हा कीतोर.

1 पत्रु 3:21

आ एताल पिस्ता आनवल इत्‍तेने बापतिस्मा आंद. बापतिस्मा एतमळ इत्‍ते मेंदुलता मुर्कि होनालय आयो गानि येसु किरिस्‍तु हासि मर्रा जीवाते तेदताहेंदाल मनाकुन पिसागोटसि, विवेक बुद्‍दिताहाटीं पेनदुन विनंति कियाना करार आंद.

1 योहान 1:7

गानि पेन बल्हा वेलगुने मंता, अल्हा मनमगुडा वेलगुने ताकानय्ते, मनम वरोनतोनि वरोर कलियसि उंदासि मत्‍ताप मनंतोम. अस्‍के पेनदा मर्रि येसुना नेत्‍तुर, मनाकुन मना अन्‍नि पापाल्कुनाल पुरागा बेस साप कींता.

पेन हुपिस्‍ता पोल्‍लें 3:17

निमे अय्ते, “नना सिरमंतुन, नहगा अन्‍नि मंतां, नाकु बतल तक्‍को हिल्‍ले”, इंचि इनकुंचंतिन. गानि नीकु इदु एरपाट हिल्‍ले गदा, निमे पेद्‍दा हेडसोत्‍तोन, गति हिल्वोन, गरिबोन, गुड्‍डिन, कुळकें मंतिन इंचि.