2 पत्रु 1:8 - पवित्र पोल्‍ले

⁸ ओक्‍कला इव अन्‍नि पोल्‍लें मीलोप्‍पो मंचि बेर्स्‍सेके होनानय्ते, अव मीकुन मना सामि येसु किरिस्‍तुना तेल्‍विता बारेमते एक्‍को हुसार, बेस कबळलायक कींतां.

2 पत्रु 1:8 Iomraidhean Croise

मत्‍तयाल 13:22

बोर अय्ते पेनदा पोल्‍लेतुन केंजांतोर गानि सम्‍सारमता रंदि, दनमता आस्‍ति, इसोंटा विचाराल्क ओर केंजता पोल्‍लेतुन ओनालोप्‍पो बेर्सा हिय्यों. अस्‍के अद पोल्‍लेताल बतल पायदा आयो. असंटोर इत्‍ते, विज्‍जां अरता हाह्कुना पोदाना जेगातसंटोर आंदुर.

मत्‍तयाल 20:3

जावोळ्‍द पोळ्‍द आतस्के आ नेदा मालक हाटुमते होंचि हूळतोर, अस्‍के रिकम मनानोर इच्‍चुर मंदि ओन्क दिसतुर.

मत्‍तयाल 20:6

पोळ्‍द अर्रालय गंटामेड मत्‍तस्के आ मालक मर्रा उंदि मल्का हाटुमते होत्‍तोर, अस्‍के इंका इच्‍चुर मंदि रिकम मत्‍तोर्कुन हूळतोर. “मिमेट इगे पोळ्‍दमेड वट्‍टिदे बारि नित्‍तिसि मंतिर?” इंचि मालक ओर्कुन पूसकीतोर.

मत्‍तयाल 25:26

गानि ओना मालक ओन्क इल्‍हा जवाब हीतोर. “निमे दुस्‍ट, लंडु दासुन आंदिन. नना वीतवगा कोय्‍यानोन, सल्‍लुवगा जमा कियानोन इंचि नीकु एरपाटे मत्‍ता.

योहान 15:2

नावा पंगानाल बव पंगांक अय्ते कायां हादोंगो, अवुन ओर नरकिस पोहांतोर. आनि हादाना पंगान बारे, इंका बेस हादगोम इंचि अवुना कोस्‍सन कत्रिच्‍चंतोर.

योहान 5:42

बारित्‍ते मिमेट बसंटोर आंदिरो नाकु एरपाटे. मीलोप्‍पो पेनदाहाटीं पावरम हिल्‍ले.

रोम सहरतोरहाटीं पौलुसना सिट्‍टि 12:11

कबळते बस्‍केने लंडु कियमट, पेनदा सेवा कियनाहाटीं मीवा जीवा बस्‍केळ्‍क उसार इर्रट.

1 कुरेंति 15:58

नावा पावरमगल्‍ला विस्वासुल्‍कुनिटा! सामिना लोप्पो मीवा कस्‍टम एर्तम होन्‍नो इंचि मीक एरपाटे मंता. अदुनहाटीं मिमेट विस्वासमते हीके-हेके आयाकुंटा, गट्‍टिगा निल्‍सि मंटु, सामिना कबळते इंका एक्‍को बेर्स्‍सेके होंटु.

2 कुरेंति 13:5

मिमेट नाकुन परिक्‍सा कीसि हूळना दानकन्‍ना, मिमेट विस्वासमते मंतिरा हिल्‍लिरा, मीवद-मिमेट परिक्‍सा कीसि हुळाट. अस्‍के येसु किरिस्‍तु मीलोप्‍पो मंतोर इंचि अनपिच्‍चोना? अल्हा अनपिच्‍चाकोंटे मिमेट ओना लोकुल्‍क आयिर इनकुंटु.

2 कुरेंति 8:2

अद बल्हा इत्‍ते, ओरापोर्रो वेल्‍लेने तकलिपकुना परिक्‍सां वातां, ओर वेल्‍लेने कूस आनि गरिब आसि मत्‍तुर. अयना गानि लोकुल्‍कुंक हिय्याना सहायम वेल्‍लेन बेर्सता.

2 कुरेंति 8:7

मिमेट विस्वासमते, पोल्‍लेने, तेल्‍विते, अन्‍नि तीरुकुने कोसिस कियमळते आनि मावा पोर्रो मिमेट कियाना पावरमते बेर्सेक मंतिट. अल्‍हेने दानम कियाना कबळतेगुडा बेर्सेक होंदना.

2 कुरेंति 9:14

मीवापोर्रो पेनदा कुर्पा वेल्‍लेने मंता, अदुनहाटीं ओर मीकुन हूळना इंचि तनलाळसेके ओर मीवाहाटीं वेल्‍लेने पावरमते पारतना कींतुर.

पिलिपिया 1:9

मीवा पावरम बेस बेरस्सेक मनना, पेनदाहेंदाल मीकु बुद्‍दि, मंचि-सेड्‍डातुन एरपाट कियना तेल्वि बेरसना इंचि नना बस्‍केळ्‍क पेनदुक पारतना कीसेक मनंतन.

पिलिपिया 2:5

येसु किरिस्‍तुना गुनम मत्‍तापे मीवा गुनमगुडा मनना.

पिलिपिया 3:8

अचोने आयाका, नावा सामि येसु किरिस्‍तुन एरपाट कीतदे पेद्‍दा पोल्‍ले आंद. कळमतव अन्‍नि अट्‍टि पोल्‍लेंगें, येसु किरिस्‍तुन दोर्किच्‍कुनालय अव अन्‍निन नना लेक्‍का किय्योन कचरा इनकुंतन.

कुलुसि 1:10

इदुनहेंदाल, मिमेट अन्‍नि तीरुकुने सामिन कूस कियालय मीवा पिस्वर दानकु इस्‍टमाताप मनंता, मीक हरेक बेसता कबळते पलम दोर्किसि, पेनदा तेल्‍विते बेर्स्‍सेके दांतिट.

कुलुसि 2:7

मराता हिह्‍कुनलेसीं मिमेट किरिस्‍तुनलोप्‍पो होळियसि होंटु, बेर्स्‍सेके होंटु. मीक कराहतालेसीं विस्वासमते गट्‍टिगा आसेके होंटु, बस्‍केळ्‍क पेनदुक दन्यवाद कीसेके मंटु.

कुलुसि 3:16

किरिस्‍तुना पोल्‍ले मीलोप्‍पो निंडिसि मन्‍निकांटी, मिमेट पूरा तेल्‍विते वरोंक-वरोर करहट, तेळियागोट्‍सि वेहाटु, पेनदुक दन्यवाद कीसेके मना मनसुनाल बजनकु, कीर्तनकु, पाटां पारसेके होंटु.

1 तेसलोनि 3:12

मोमोट मीकुन पावरम कीताप, मिमेटगुडा मीलोप्‍पो वरोंक-वरोर पावरम कियालय, अंटोर लोकुल्‍कुनतोनि पावरम बेर्सालय सामि मीक सहायम कियिरकांटी.

1 तेसलोनि 4:1

विस्वासुल्‍कुनिटा! बल्हा पिसते पेनदुन कूस ईरा परांतोम इंचि मिमेट मावाहेंदाल करियतिर, अल्‍हेने मिमेट पिस्सेकगुडा मंतिट, इंकागुडा मुन्‍ने अल्‍हेने पिस्सेक होंट इंचि विनंति कीसेके मंतोम आनि येसु सामिना लोप्पो तेल्‍पिच्‍चि वेहासेक मंतोम.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

1 तिमोति 5:13

अचोने आयका लोन-लोन तिरियना अलवट अर्सि लंडुंक हेडंतां. सिराप लंडुंक हेळमळे आयो, गानि हेकेटां-हीकेटां जोलीं केंजंतां, वेरेतोरा कबाह्‍कुने कय कुच्‍चंतां, बव पोल्‍लें अय्ते अव वळकना आयोनो, असोंटा पोल्‍लें वळकालय दल्‍गंतां.

तीतु 3:14

अवसराल्कुन दोर्किच्‍कुननाहाटीं मना लोकुल्‍कगुडा बेस कबाह्‍क कीसेके मनमळ करियगोम, अल्हा कीते ओर पलम हियानोरलेह्का मनांतुर.

पिलेमोन 1:6

येसु किरिस्‍तुना अन्‍नि बेसता पोल्‍लेना तेल्वि, नीकु दोर्कताहाटीं वेरेतोरगुडा नी विस्वासमते पोत्‍तु आयागोम इंचि नना पारतना कीसेक मंतन.

इब्रि 6:12

अदुनहाटीं मिमेट लंडोर्क आयमट. गानि बोर लोकुल्‍क अय्ते विस्वासम आनि ओप्केहेंदाल पेन हींतन इत्‍तादुन दक्‍किच्‍कुंतुरो ओरा अळगुने अळगु वाटसि मिमेट ताकट इंचि कोरसंतोम.

2 पत्रु 1:2

पेन आनि मना सामि येसुना तेल्विहेंदाल मीकु कुर्पा, सांति वेल्‍लेने बेर्स्‍सेके मन्‍निकांटी.

2 पत्रु 1:3

मना पिस्वर आनि बक्‍तिताहाटीं पेन दाना ताकतताहेंदाल मनाकु बतल गावाले अव अन्‍नि हीता. मनम अदुन एरपाट कीताहाटीं अव मनाकु दोर्कतां. अद मनाकुन दाना महिमा आनि बेसतनमहेंदाल केयता.

2 पत्रु 2:20

ओरगिंटा मना सामि मुक्‍ति हियना येसु किरिस्‍तुना तेल्‍विता हेंदाल दुनियाता कराब कबाह्कुनाल पलाते अरतंका, मर्रा अवे कराब कबाह्‍कुने हिरकिसि अवुना लोप्‍पोने ताकते, ओना गति मुन्‍नेटा गतिकन्‍ना आकिरता गति वेल्‍ले कराब मनंता.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.