2 पत्रु 1:4 - पवित्र पोल्‍ले

⁴ दुनियाते मनना कराब आसेनाल पुट्‍टना रोता गुनमताल तपिच्‍कुंचि, मनम पेनदा बेस गुनमता हिस्सेदार्क आयाना इंचि अद मनाकु विलुवाता पोल्‍लें हीता.

2 पत्रु 1:4 Iomraidhean Croise

रोम सहरतोरहाटीं पौलुसना सिट्‍टि 9:4

पेनदा मर्क-मियाह्क आयाना हक्‍क इस्राएलना वंसंमते पुटतोरदे आंद. पजा बय्‍लि बूमिते मत्‍तस्के पेनदा महिमा पेद्‍दा वेल्‍गासि इस्राएलना वंसंमतोर्के दिसता. करार्क ओरतोने कीता, मूसाना नियम्‍कुगुडा ओर्के हीता, मोळ्‍काना बेस रिवाजकु हीता, अचोने आयका ओर्क पोल्‍लेगुडा हीता.

2 कुरेंति 1:20

पेनदा अन्‍नि पोल्‍लें येसुनगा पूरा आतां. अदुनहाटीं मनम आमीन इंचि पेनदा महिमा कींतोम.

2 कुरेंति 3:18

मनम अंटोरम अद मुस्‍कुन तेंडसि पोहतोम, इंदके अद्‍दमते हूळताप सामिना महिमाता वेल्‍गुन हूळसेक मंतोम. ओना आत्मा मनालोप्‍पो मत्‍ताहाटीं ओनालेसींगे मनम मारियसेके मंतोम.

2 कुरेंति 6:17

पेन इल्‍हागुडा इंता गदा, “विस्वासम कियवोरागटाल पेय्‍सट, अलग आम्टु, सापसुतरा हिल्वा वस्‍तुकुन इटमट, अस्‍के नना मीकुन ओप्‍कुंतन.

गलातिया 3:16

अल्हेन अब्राहाम आनि ओना वंसंमतोनतोनि पेन कीता करारता बारेमते मंता. गानि दर्मसास्‍त्रमते, “वंसंमतोर्क” इंचि रासि हिल्‍ले. अगा अल्हा रासि मंचि मत्‍ते वेल्‍लेन मंदिताहाटीं आसि मनवळ. गानि अल्हा रासाकोंटा वरोनाहाटीं इत्‍ताप, “नीवा वंसंमतोन्क” इंचि रासि मंता. आ वरोर इत्‍ते किरिस्‍तु आंदुर.

गलातिया 6:8

बोर अय्ते ओना पापि गुनम वेहताप वीतंतोर, ओर नासडेमता पंटा कोय्‍यंतोर. गानि बोर अय्ते आत्मा वेहताप वीतंतोर, ओर आत्माताहेंदाल बस्‍केळ्‍क पिस्सना पिस्वरता पंटा कोय्‍यंतोर.

इपीसि 4:13

दीनहेंदाल मनम अंटोरम पेनदा मर्रिना पोर्रोटा विस्वासम आनि ओना बारेमता जानकारिते उंदासि मनंतोम. इंका बद्‍दे पोल्‍लेते आयि किरिस्‍तु बल्हा अय्ते बतले तक्‍को हिलाकोंटा मत्‍तोर, अल्‍हेने मनमगुडा मना पर्रंतोम.

कुलुसि 3:10

इंदके पूना पिस्वर पिसमळ सुरुव कीतिर, मनाकुन पुटिस्ता पेनदा गुनम मत्‍ताप, मिमेट तेल्वि दोर्किच्‍कुनालय पूनगा तयार आसेक मंतिट.

इब्रि 12:10

मनाकुन पुटिस्ता बाबुर्क, कोन्‍नि वर्सानाहाटीं ओर्क तेळियताप, मनम सुद्रांचना इंचि टेरनिंग हीतुर. गानि पेन मना बेसताहाटीं, मनाकुन दानालेह्‍का पवित्र कियालय टेरनिंग हींता.

इब्रि 9:15

पडाना करारते मत्‍ता नियमकुन पीसि ताकुवाहेंका अस्‍केटा लोकुल्‍क पापम कीसि अद करारतुन नेम्‍हातुर. ओर्कुन ओरा पापाल्कुना सिक्‍साताल तप्‍सानाहाटीं किरिस्‍तु हासोत्‍तोर. इल्‍हा पेन अद केयता लोकुल्‍कुन पूना करारते कल्‍पंता. अद केय्‍सि मत्‍तोर्कुंक, दाना बस्‍केळ्‍क मनना वारसान हक्‍कुन हींतन इंचि केय्‍सि पोल्‍ले हीतानो, ओर्क अद दोर्कता. इल्‍हा किरिस्‍तु ई पूना करारते नड्‍डुमतोर आतोर.

याकोब 1:27

बोर अय्ते दिक्‍कु हिल्वोर्कुना, मुंडामोस्तवुना तकलिप लोप्पो सहायम कींतोर, इद दुनियाता कराब कबाह्कुनाल लक्‍कु मनंतोर, असंटोर मना पेनबाबाना मुन्‍ने दोसेम हिल्वोर पवित्र आंदुर.

2 पत्रु 1:1

नना सिमोन पत्रुन, येसु किरिस्‍तुना दासुन आनि प्रेरितुन आंदुन. बोर अय्ते मना पेन आनि मुक्‍ति हियना येसु किरिस्‍तुना सत्‍तेमताहेंदाल मावालेसीं विलुवाता विस्वासम दोर्किच्‍कुत्‍तुर, ओर्क इद सिट्‍टि रासेके मंतन.

2 पत्रु 3:13

गानि पेन हीता पोल्‍ले परकारम मनम पूना मब्बु, पूना बूमिताहाटीं एदुर हूळसेक मंतोम. अगा सत्‍तेमे निल्‍सि मनंता.

2 पत्रु 3:9

सामि हीता पोल्‍ले पूरा कियालय ओर आल्सेम कीसेक मंतोर इंचि इच्‍चुर इंतुर, ओर अल्हा आल्सेम कीसेक हिल्‍लोर. गानि बोरे मनकल नासडेम आयाकोंटा, अंटोर्क ओरा मनसु मार्सकुनना मोका दोर्कना इंचि मीवा बारेमते ओर्सुकुंचेके मंतोर.

1 योहान 2:25

किरिस्‍तु मनाकु बस्‍केळ्‍क पिस्सना पिस्वर हींतन इंचि पोल्‍ले हीतोर, अद इदे आंद.

1 योहान 3:2

नावा पावरमगल्‍लोरिटा! इंदके मनम पेनदा पिलाल्‍कुम आंदुम. गानि वायाना कालमते मनम बल्हा बतल मनंतोम इत्‍तद, इंका तेळिया हिल्‍ले. अय्नागानि, किरिस्‍तु मर्रा मल्सि वायानुर अस्‍के, ओर बल्हा मंतोर अल्हे ओन मनम हूळांतोम. अस्‍के मनमगुडा ओनालेसींगे मनंतोम इंचि माकु एरपाट मंता.